约书亚记 9章16节 到 9章27节   背景资料  上一笔  下一笔
Chit段经文描述后来基遍人欺骗ê事hō͘人揭发,约书亚决定遵守所chiù-chōa ê约定,下令所有以色列人bē-tàng杀害基遍人,m̄-koh kā in收纳成做奴隶。

第16到17节,当chit-ê约成立后ê三工,以色列人才发见被基遍人所骗,原来in就khiā起tī以色列人附近,只要以色列人随时发动攻击,lóng thang kā in消灭。Chia mā列出chiah-ê希未人所khiā起ê城市,包括基遍、基非拉、比录、基列•耶琳等城镇。

第18到21节,因为chit件事tī以色列内部出现无仝意见,mā传出不满ê声音。M̄-koh以色列ê众领袖坚持beh守约,因为ná和平条约是用上帝ê名chiù-chōa而签订ê。Mā tùi chia看见以色列人经过四十年旷野漂流ê经历,知影遵守约ê重要性。为tio̍h án-ne,in决定hō͘基遍人存活落来,不杀害in。m̄-koh beh kā in当做奴隶使用。

后来tī大卫王时代,整整三年发生严重ê饥荒,大卫求问上帝,chiah知影kah扫罗杀害基遍ê居民有关(参考撒母耳记下廿一:2)。大卫为tio̍h beh处理此事件,答应基遍人ê要求,tùi扫罗ê后代中,交出七个男丁,吊死in(撒母耳记下廿一:6—9)。

第22到23节,约书亚做出裁定,hō͘基遍人永远tī以色列人中间做奴隶,做祭坛所需要ê挑夫之工作。

第24到25节,讲出tī迦南地ê人确实传述着上帝怎样带领以色列离开埃及奴隶之地,koh tī pôaⁿ过约旦河进入迦南地ê时,iáu有能力phah垮耶利哥城ê人,mā有能力杀害地理位置甚佳ê艾城,而且kā hit-ê城所有ê人lóng杀害等,单是chiah-ê传闻就hō͘基遍人吓到m̄知如何是好。

第26到27节,约书亚听完chiah-ê基遍人ê陈述了后,决定下令hō͘基遍人受tio̍h保护,不准有任何以色列人伤害基遍人。

重新查询 专卷研经 约书亚记系列
错误回报,请联系comm[@]fhl.net