这kui章lóng是记载有关亚干犯罪ê事件。Chit章是teh回应第六章所强调ê，以色列人进攻耶利哥城并m̄是为tio̍h得tio̍h战利品，in攻入迦南地是为tio̍h得tio̍h上帝所应允ê土地而战，并m̄是为tio̍h生活物件ê需要，á是财力、人力。因为án-ne，上帝命令in绝对bē-tàng夺取当地ê任何物件。这有一个重要ê观念tī其中，beh hō͘以色列人学习知影，in m̄是靠战胜掠夺别人财物而富有，tī上帝所赏赐ê土地上，上帝所hō͘ in lóng够额有chhun。Á贪心将是败坏ê一个酵素，绝对tio̍h禁止，若无，kan-taⁿ会带来koh khah大ê灾难。

亚干ê事件mā teh说明，虽然有律法án-ne规定，iáu是有人不听从，因为án-ne引起kui个进攻计画受tio̍h波折、失败。Tùi chia beh教导以色列人知影，违背上帝ê律法规定，所影响ê m̄-nā是一个人ê问题，却是kui个民族受tio̍h惩罚；mā beh hō͘ in学习知影，遵守上帝律法是无任何人ē-tàng例外，大家lóng一定tio̍h严格遵守。

Chit段经文开始讲述以色列人tī约书亚带领下，派兵去进攻弱小ê艾城，结果却惨败而tńg来。Chit项事hō͘约书亚kah以色列人ê领袖大大意外，而询问上帝ê旨意。

第1节，是kui章记事ê序言，mā是结语。因为chit节直接指出是因为亚干犯罪，chiah致使以色列人攻打艾城失败。亚干是属tī犹大支族ê人，对犹大支族来讲mā是真大ê伤害。

第2到5节，艾城距离耶利哥城大约有二十四公里远，而且chit段是上坡路程。若ē-tàng攻落这城，tī军事顶面有重大意义，因为hi̍t 所在海拔高，容易防守，khiā起上mā安全。当约书亚派人去窥探了后，回报告认为hit-ê城防卫能力真弱，容易攻打落来。因为án-ne，只需三千名兵丁去攻打艾城就有够。结果无想tio̍h，m̄-nā被艾城ê防卫军phah败，而且iáu有三十六人被刣死à。Chit pái败仗，对全体以色列人来讲，是真大ê打击。因为in攻打耶利哥城ê时并无交战，是靠约书亚带领、祭司绕城，上帝亲自显现神迹而攻落来。chit-má in亲自出兵去攻打，竟然惨败而tńg来。这一定hō͘ in想tio̍h以后beh继续攻打ê城镇，死伤必定koh khah惨重。

第6到9节，「悲伤地撕裂衫裤，the̍h灰掖tī头壳顶」，这是厝里有人丧失性命而表悲痛哀伤，á是非常悲痛、忏悔ê一种态度（参考创世记三十七：34；以斯帖记四：1—3；约拿书三：5—6）。chit-má因为以色列军队出师不利，约书亚第一个想tio̍h ê就是in必定得罪上帝，因为án-ne，伊用chit种方式kah上帝对话，为tio̍h beh了解到底tó一个所在得罪上帝。约书亚对上帝所讲ê话，mā是一种自责，因为chit pái攻城ê计画，是伊一手策划ê，结果却惨败。伊深惊会因为án-ne chit pái ê败战，促成hō͘当地ê迦南居民连连来攻打以色列人，这会因战败而心生惊惶ê以色列人，无心应战，来死伤koh khah重。