约书亚记 3章1节 到 3章6节   背景资料  上一笔  下一笔
Tùi第三章到第五章1节,lóng是teh描述是以色列人民渡过约旦河ê记事。Chit段经文并无经过详细ê整理,因为án-ne有kóa所在会重复叙述。M̄-koh thang清楚看见chit-má以色列人民beh过约旦河,ná亲像当年以色列人民tī摩西ê领导下行过红海仝款,chit种记事,有一个真重要ê用意:tī约书亚身上,看见摩西ê款,约书亚确实是继承摩西领导以色列人民,完成进入迦南地ê使命。

Koh讲,有kóa资料读起来会发见kah-ná有kóa记事重复叙述,á是使用无仝名称,这是因为来自无仝ê资料,ná亲像创世记、出埃及记等经册mā有仝款ê情形。

当两位探á 回报告了后,约书亚就积极开始准备ài以色列人民拔营行过约旦河à。

第1节,「离开什亭」,chit句话mā thang参考第二章1节。然后来到约旦河河边扎营,准备ài pôaⁿ过约旦河。

第2到4节,chia koh一pái出现「三」chit-ê数字,chia讲ê时间是tī「三工以后」ê事。这mā teh表明一切lóng就绪了ê意思。约书亚ài所有支族领袖告知in支族ê人民,利未支族ê祭司会扛tio̍h约柜行tī以色列人民ê头前,这mā teh表明祭司就是以色列人民ê前锋。

第5到6节,因为这是神圣ê一刻,m̄是随便ê行动,为tio̍h beh行过约旦河,这是一个生kah死交关ê时刻,因为án-ne,约书亚命令所有以色列人民lóng一定tio̍h「洁净」身躯,表明有上帝引chhōa in。以色列人民听从约书亚ê吩咐,lóng「一照办了」,kah以前in听从摩西ê态度仝款。

重新查询 专卷研经 约书亚记系列
错误回报,请联系comm[@]fhl.net