约书亚记 3章7节 到 3章17节   背景资料  上一笔  下一笔
Tī chit段经文中特别强调讲是收割ê季节,mā是河水高涨过两岸ê时刻,m̄-koh却tī chit种人看做无可能ê事,却tī上帝手中变成可能ê事。

第7到8节,这是上帝对约书亚领导权ê koh一pái肯定,tī约书亚身上众人会看见上帝kah伊同在,ná亲像tī摩西身上所看见ê仝款。

第9到13节,chit段经文是约书亚对以色列人民下命令,坚定in ê信心,ài in听从上帝ê话,这ná亲像军队tī出征chìn前,所讲ê「精神讲话」仝款。约书亚清楚ê kā以色列人民讲,只要看见约柜,就知影上帝tī in ê头前。过去tī旷野ê时,上帝用火柱kah云柱引chhōa in,chit-má是用约柜作前导,表明他kah以色列人民同在。

Chia mā提起tī迦南地khiā起ê居民有七个族群。对照tī十二支族lóng选出一个代表,表示吕便、迦特,kah半支玛拿西lóng有照约定派出代表出来,是十二支族ê人同齐行动。

摩西带领以色列人民行入红海ê时,海水分开,chit-má约书亚命令祭司扛tio̍h约柜行入约旦河ê时,河水就停止流动,这lóng teh表明除非是上帝显现ê神迹以外,无任何人有chit种能力ē-tàng完成。

第14到15节,chit两节说明行过约旦河,确实是件伟大ê神迹,因为he是收割ê季节,mā是河水高涨ê时刻,m̄-koh上帝却ē-tàng hō͘约旦河ê河水停止流动。作者khah强调,除了上帝,无任何神明á是人ê气力办得tio̍h chit件事。

第16到17节,chia说明是上帝ê手挡止了约旦河水,上帝ē-tàng hō͘河水暴涨,mā ē-tàng hō͘河水挡止bē振动,这就是神迹。Á这神迹就tī众祭司扛tio̍h上帝ê约柜行入约旦河ê时,马上发生。约旦河ê河床beh扛约柜ê众祭司脚落tī河床ê时,河床随时变成干涸thang行,就án-ne,众祭司扛tio̍h约柜等tio̍h以色列人民、全部lóng行过约旦河。

重新查询 专卷研经 约书亚记系列
错误回报,请联系comm[@]fhl.net