约书亚记 24章14节 到 24章28节   背景资料  上一笔  下一笔
Chit段经文ē-sái讲是kui本约书亚记siōng重要ê经文,chit节说明上帝奴仆ê基本态度:无论tú-tio̍h怎样ê困境,一生一世lóng敬拜上帝。伊kā chit种态度真明显pái tī以色列各支族ê代表面前,ài in马上做出一个明确ê信仰选择,mài含糊。这是信仰siōng基本ê态度――绝对无法度含糊。这ná亲像摩西tī往生chìn前,对所有ê以色列人民所讲ê仝款,tio̍h以色列人民tī「祝福kah诅咒之间自做选择」仝款(参考申命记三十:1)。

第14到15节,chit两节是约书亚kā家己ê态度讲清楚,伊kah伊ê厝绝对beh忠实tī上帝,只有tāi-chì奉上帝。Á以色列人民mā一定tio̍h家己选择到底beh事奉ê神是toh一位?是偶像神明,á是真神上帝?

第16到18节,以色列人民听了后,全部lóng用宣誓ê语句讲:「阮mā tio̍h事奉上主;他是阮ê上帝。」这是in ê信仰告白,表示对上帝绝对忠实。
第19到20节,约书亚m̄-nā先对以色列人民提出挑战,甚至明确地说明伊所认bat ê上帝ê特性是:神圣bē-tàng侵犯ê。上帝是忌邪ê上帝(参考申命记五:9)。如果in真正去拜偶像神明,上帝绝对bē宽容hiah-ê故意背叛他ê人。

第21到22节,以色列人民koh一pái表明in一定会遵守只有「事奉上主」ê性命态度。Á约书亚ài in为家己所讲ê话作保。

第23到24节,约书亚ài in kā所有ê偶像神明lóng除掉,而以色列人民mā表示一定会án-ne做,会听从上帝ê旨意。

第25到28节,chit三节是约书亚chhōa以色列人民向上帝立约,是用立石头作碑表明立约ê记号。这是一种传承,tùi亚伯拉罕时代就有ê,可见tī巴勒斯坦地方chit种立石为碑ê作法非常风行。当立约了后,大家各自tńg去家己族人所分得ê土地。

重新查询 专卷研经 约书亚记系列
错误回报,请联系comm[@]fhl.net