约书亚记 22章10节 到 22章34节   背景资料  上一笔  下一笔
Chit段经文记载吕便、迦得,kah东玛拿西等三支派发生误会,致使差一点á就变成支派之间ê冲突。后来经过东岸这三支族ê解释,chiah化解了一场误会。

第10节,读此经文chìn前,thang先回顾一下雅各kah伊丈人拉班ê事件。当in两人发生争执,后来和解ê时,就「拾石头,堆成一堆」,拉班就此对雅各讲:「今á日,这石堆tī你我之间做咱立约ê凭据。」伊koh讲:伊koh讲:你看chit 堆石, 你看chit 支柱, 就是我所hē tī 你我ê 中间ê。Chit 堆石做见证,chit 支柱做见证;我无beh 过chit 堆石去害你,你mā m̄-thang 过chit堆石kah 柱来害我 (全民版)」(创世记三十一:43—52)án-ne thang看tio̍h雅各kah丈人拉班用石头堆成一座记念碑,为tio̍h是beh作为边界记号。(创世记三十一:43—52)án-ne thang看tio̍h雅各kah丈人拉班用石头堆成一座记念碑,为tio̍h是beh做为边界记号。

第11到12节, chia讲这三支派ê人tī约旦河西岸边(比较khah正确ê看法,应该是tī东岸边)起造一座真大ê祭坛。M̄-koh有人去kā西岸ê各支族ê人讲in起造一座祭坛tī in chit pêng,这表示有意思beh切割kah东岸ê关系。因为chit-ê缘故,hō͘西岸ê十个支派,认为东岸这三支派ê人别有所图,因为án-ne,准备联合起来攻打这三支派ê人。

第13到20节,西岸ê以色列人民派祭司非尼哈到基列去见吕便、迦得,kah东玛拿西支族ê人会谈,kah祭司同齐去ê,iáu有其他十族领袖。In见面就质疑东岸ê三支族是m̄是beh脱离西岸,若无,为甚么建造一座比示罗koh khah大而且壮观ê祭坛?In直接就认为这是背叛上帝ê行为,因为这表示in beh分裂以色列民族。In并且举出两个例,一是tī比珥犯罪ê事(参考民数记第廿五章),以及亚干贪爱战利品ê事,lóng tī说明致使以色列人民差一点á灭亡ê危机。

第21到23节,chit段经文是东岸三支族ê代表回应ê话。In差不多用chiù-chōa ê话回应讲,in绝对无chit种态度á是心意。

第24到27节,in解释之所以起造祭坛,主要目的是beh hō͘后代kiáⁿ孙知影,两岸之间lóng是家己人,lóng是仝一个民族,并且lóng是tī仝一个圣幕献祭敬拜上帝。Chit-ê大koh壮观ê祭坛,并m̄是用来献祭,却是用来当做凭据ê。In tī chia强调:建造此祭坛是当做记念碑ê路用,主要目的m̄是用来做边界记号,却是作为「见证」ê路用。

值得注意ê是,tī chia提起只有一个祭坛,显示出以约旦河西岸做中心ê思想已经成熟,m̄准有tī东岸私设祭坛敬拜ê行为,这mā teh暗示khiā起tī约旦河东岸ê吕便已经无koh是领导地位,被犹大取代ê形势jú来jú明显,而且tī士师记一开始提起继续开疆辟地ê是tùi犹大带头领军。

第30到33节,这西岸十族代表kah祭司非尼哈听了后,解除了in心中ê giâu疑,知影建造ê m̄是为tio̍h献祭敬拜用ê「祭坛」,却是为tio̍h beh记念用ê石碑,thang hō͘后代kiáⁿ孙明白无论是河西á是河东,lóng是以色列ê大家族同胞。结果是双方lóng非常满意,而歌颂上帝。

第34节,chit座祭坛因为án-ne被称做「证坛」,是作为见证ê路用。
不过值得注意ê是,chit pái ê问题都无提起约书亚,而且派出ê代表mā m̄是大祭司以利亚撒,却是伊ê kiáⁿ非尼哈。有可能是为tio̍h án-ne ê时ê约书亚真正是老迈了(参考十三:1、廿三:1—2),将处理宗族之间ê纠纷问题之权力下放hō͘各宗族首领家己去排解。Á非尼哈则一位真有智慧、勇敢ê新领袖,伊bat将犯奸淫罪ê心利kah米甸cha-bó͘人歌斯比刺杀,消除了上帝ê愤怒(参考民数记廿五:6—18),而且bat tī摩西差派下,pûn号筒攻打米甸军得胜(民数记三十一:5—12)。诗人bat赞誉伊所做ê「善行」,将hō͘人记念到「世世代代」(参考诗篇一○六:30—31)。

重新查询 专卷研经 约书亚记系列
错误回报,请联系comm[@]fhl.net