Chit段经文说明物件两岸各设立ê三座庇护城。

第7节讲出这三座城，就是属tī 拿弗伊利ê基低斯、以法莲ê示剑，kah犹大ê亚巴等三座城等。

第8节，chit节说明东岸ê三座城是吕便支族ê比悉城、迦得ê拉末城、玛拿西ê哥兰等三座城。

第9节，chit节真清楚说明chiah-ê庇护城是为tio̍h所有以色列人民，以及寄居tī in中间ê外侨。若无经过chiah-ê庇护城ê长老审判结束，lóng tio̍h hō͘ in chiah-ê来走chhōe庇护者安全。

Koh讲这六座城是分别tī北部、中部、南部，主要目的就是hō͘各支派ê人lóng方便走chhōe庇护ê路用。Thang知影以色列人民虽然允准「以眼还眼」、「以牙还牙」ê报复行为（参考出埃及记廿一：23—25，利未记廿四：19—20），m̄-koh mā为tio̍h beh防止有人乱使用chit项律法，钻律法漏洞，特别设置庇护城保护无辜、冤枉者，hō͘ in有申诉ê机会，hō͘非故意而误刣人ê人，有免tī被报复ê危险。