约书亚记 2章1节 到 2章7节   背景资料  上一笔  下一笔
Chit章ē-sái讲是为第六章以色列人民进攻耶利哥城预留伏笔,讲起有关妓女喇合协助约书亚所差派ê探á ê故事。后来喇合kah伊ê全家,包括伊ê父母、兄弟,以及其余ê人lóng tī以色列军队攻入耶利哥城后被抢救出来,并且kā in安置tī以色列营外安全ê地区(参考六:22—25)。Tī耶稣ê族谱里,记载喇合kah撒门结婚生波阿斯,而波阿斯kah路得结婚,大卫王就是in ê后代(参考马太福音一:5—6)。

Chit段经文记载约书亚第一pái派两个探á进入耶利哥城去进行秘密侦探。探á tīhit-ê城内以妓女喇合ê厝作基地,后来得tio̍h喇合ê帮助,chiah会得thang逃脱缉捕。

第1到3节,约书亚特别交带chit两个探á pôaⁿ过约旦河到耶利哥城去探虚实,hit-ê城距离约旦河约有十一公里之远,mā是以色列攻入迦南地ê第一个城市(参考约书亚记第六章)。它tī约旦河西岸,后来分配给便雅悯支派khiā起(参考约书亚记十八:12)。原本hit-ê城ê水质真差,土地贫瘠,后来因为先知来便利沙行神迹,chiah hō͘ hit-ê城ê水质「变成纯净,无koh造成死亡」(参考列王记下二:19—22)。Hit-ê城ê农作物chiah开始有好ê收成。福音书中记载耶稣有kúi-nā pái ê故事是kah hit-ê城有关系(马太福音二十:29—34,路加福音十:30—35;十九:1—10)。M̄-koh in进入了后,消息就被传出来,hit-ê城ê王一听tio̍h就下令去搜查喇合ê厝,准备掠chit两个探á。

第4到7节,故事ê症结有可能是tī chit两位探á为甚么会进入妓女喇合ê厝?合理ê解释是:生份人bih起来,tī一般小镇,真容易被发见,m̄-koh,妓女营生ê场合则公共场所,比较容易混入,闲杂ê人khah-chē,无容易被发见。M̄-koh并无清楚喇合为甚么beh保护chit两位探á?可能是她惊受连累,á是希望chit两个探á赶紧离开她ê厝,免得加添麻烦。M̄-koh khah可能kah当时中东地带ê风俗,只要接纳出外人,就有庇护人客安全ê责任kah义务。因为án-ne,伊对来查访ê安全人员回应讲出保护chit两个探á ê话,误导缉the̍h探á ê安全人员ê方向,终其尾会保全chit两个探á。

重新查询 专卷研经 约书亚记系列
错误回报,请联系comm[@]fhl.net