约书亚记 14章1节 到 14章5节   背景资料  上一笔  下一笔
Tùi chit章开始一直到第十九章,lóng是记载有关将约旦河西岸土地分配给其他九个半支族ê事。In分配土地ê方式是用抽签为凭,chit种抽签通常是用「乌陵」kah「土明」来明白上帝ê旨意,并且有祭司以利亚撒kah约书亚做证,然后由各支族各家ê众领袖协助chit项分配ê工作。传统ê讲法,其一是认为利未kah约瑟支族lóng有分配,另外一种看法是将利未族排除,并且由玛拿西kah以法莲代表约瑟支族,án-ne mā是代表伊加得tio̍h一份产业,而利未支族则无「永久ê产业」(参考民数记十八:21—24),不过这族ê人分散tī各支族中,in有家己ê城邑thang供牧放家己ê cheng-seⁿ,kah安置家己ê财物(参考第廿一章)。

Chit段经文ē-sái讲是简介分配土地ê事,而且特别是有关分配约旦河西岸ê土地。

第1到2节,chia提起分配土地ê工作是由约书亚,kah祭司以利亚撒代表,然后由各支族ê领袖参与分配。Á分配是用抽签ê方式来进行。

第3到5节,因为约旦河东岸早tī pôaⁿ过约旦河进入西岸迦南地chìn前,就已经分配给吕便、迦得,kah玛拿西ê半个支族,chit-má ài beh进行分配给chhun落来ê九个半支族。M̄-koh chia mā特别指出利未族m̄免分配土地,m̄-koh tī每一个支派中,会指定hō͘利未人khiā起ê城市,in mā有田野thang当做牧放牛羊ê所在,而chiah-ê lóng是早tī上帝命令摩西ê时chūn,就已经确定了,chit-má in照上帝ê命令做tāi-chì,mā teh表示in一定tio̍h óa靠上帝ê话、命令,因为in就是án-ne chiah ē-tàng进入迦南应允之地ê。若是无照上帝ê指示做tāi-chì,in早tī旷野漂流时代,就死tī he艰困ê环境中à。

重新查询 专卷研经 约书亚记系列
错误回报,请联系comm[@]fhl.net