约书亚记 13章1节 到 13章7节   背景资料  上一笔  下一笔
Chit段长到九篇ê篇幅,lóng是记载以色列人分配所占领ê土地有关事宜。Koh讲,tio̍h了解以色列人对土地ê观念是:土地乃是上帝所有,m̄是属tī个人á是任何团体。上帝chiah是土地ê支配者。

Chit章主要提起三个主题:一是第1到7节,讲tio̍hiáu有bē少地方是以色列人无完全占领落来ê。二是第8到14节,chia讲tio̍h tī约旦河东岸以色列有两个半支派早就分配好土地à。三是tùi第15到33节,这部分讲tio̍h tī东岸chit三个半支派分配ê土地范围。

Chit段经文特别提起非利士人khiā起ê地区iáu未攻占落来。Á非利士人mā是后来以色列人进入迦南地后,不时感觉头壳痛ê族群,因为in不时骚扰以色列人ê khiā起安宁。

第1节,开始就讲「约书亚已经老迈」,thang比较第十一章18节讲ê:「约书亚kah chit-ê带地区ê诸王争战了真久,终其尾擒获了in,kā in处死。」可见tī进攻约旦河东岸地区确实用了真chē年日。第廿四章29节讲约书亚往生ê时,是一百一十岁。A2kah约书亚同年代ê另外一位领袖人物迦勒(同时被摩西差派去窥探迦南地ê,参考民数记十三:3—15),则tī第十四章提起家己ê年龄是八十五岁(参考约书亚记十四:10),因为án-ne,chia虽然讲约书亚已经老迈,ē-sái讲是离开伊往生ê时间iáu有廿五年岁月ê时日。

Chit节开始就讲约书亚已经年老,表示伊已经无法度继续带领以色列人,而chit句话其实mā为后来ê士师记埋落来伏笔。因为约书亚往生后,就无忠实而且优秀ê领导者来带领以色列人。

第2到3节,谈ê是非利士人khiā起ê所在,tī第3节提起非利士人有五个城市,包括有迦萨、亚实突、亚实基伦、迦特,以及以革伦等。

第4到5节,讲tio̍h ê是迦南人、西顿人kah米亚拉、迦巴勒人等等ê地区。

第6节,这是属tī khiā起tī山区上ê西顿人地区。

第7节,清楚说明约旦河西岸ê chit片迦南地,是beh分配给以色列九个半支派。

其实顶面所讲chiah-ê叙述lóng tī说明,以色列人进入迦南地了后,一再ài面对chiah-ê iáu未降服in ê区域之人民。Á且mā受tio̍h chiah-ê民族ê民情、风俗,甚至宗教信仰ê影响。

Koh讲,上帝beh约书亚先分配土地hō͘以色列各支族,为tio̍h是beh先占领所得tio̍h ê土地,hō͘以色列人thang先安居落来,毕竟in tī旷野已经漂流四十年,mā需要一段时间滋生养息。约书亚ē-sái讲是为以色列人phah开迦南地ê门户,以后就一定tio̍h hō͘ in各族ê人去努力完成iáu未竟功ê大业。照士师记第三章4节:「上主留落来chiah-ê民族是beh考验以色列人,看māi in是m̄是服从上主藉tio̍h摩西颁布hō͘ in祖先ê诫命。」Tī chit块土地顶面,beh考验hiah-ê无经历迦南战事ê以色列人。伊ê目的是beh教以色列ê每一代学会晓相刣,尤其是从来无上过战场ê人。后来士师记作者讲以色列人tī约书亚kah kah伊同时代ê长老往生后,后代ê kiáⁿ孙确实堕落了,in bē记得上帝ê命令、诫命。这是非常可惜ê事。

重新查询 专卷研经 约书亚记系列
错误回报,请联系comm[@]fhl.net