约书亚记 1章1节 到 1章9节   背景资料  下一笔
Ná亲像teh绍介chit本经册ê时提起过ê,有人将约书亚记kah头前五本经册合并称做「六经」,意思是teh指约书亚记无法度tùi摩西五经中分离出来,一定tio̍h连成一个单元主体同齐看,因为约书亚是hō͘上帝拣选ê奴仆,上帝beh伊续接摩西带领以色列人民入迦南地。Chit种讲法真有意思,确实,约书亚记就是继续描述tī摩西死后,约书亚án怎带领以色列人民pôaⁿ过约旦河进入迦南地,并tī伊ê带领下,以色列人民完成攻占迦南地,而且完成分配各支派ê土地范围。

Chit章讲tio̍h上帝透过对约书亚讲话来表示是他亲自拣选约书亚,赋予伊能力来带领以色列人民,并且beh kā伊讲怎样带领以色列人民,准备pôaⁿ过约旦河进入迦南应允之地。

Chit段经文ē-sái讲是上帝拣选约书亚,并向伊保证,一定会kah伊同在,无人ē-tàng有力量phah败伊。M̄-koh约书亚一定会遵行上帝颁布hō͘摩西koh再转hō͘以色列人民ê全部律法,而且tio̍h常常诵念,bē-tàng bē记得。Án-ne,伊就会得tio̍h上帝ê赐福。

第1到4节,一开始就写「上主ê奴仆摩西」,chit句话mā teh表示摩西确实是上帝忠实ê奴仆。Tī chia真清楚说明约书亚就是继承摩西ê领导权,tio̍h带领以色列人民pôaⁿ过约旦河。第4节说明kui个迦南地ê范围。

第5到9节,chit段经文是上帝对拣选约书亚ê应允。包括上帝会kah约书亚同在,ná亲像过去kah摩西同在仝款;hō͘伊有够额ê气力,thang抵挡任何来侵犯ê气力。

「tio̍h坚强、tio̍h勇敢」chit句话一pái koh一pái重复,表示约书亚tio̍h带领一支人数超过百万人ê队伍,而且ài面对已经有非常进步ê文化区域,以及有真好ê社会组织之迦南地原住民,却m̄是一件真容易ê事,因为án-ne,thang理解beh进入迦南地并m̄是亲像想像中ê hit种容易,一定会tú-tio̍h真chē困境,m̄-koh beh成功ê siōng基本要件,就是一定tio̍h「切实遵行」上帝所颁布ê命令、诫命。换句话讲,确实遵行ê旨意,就会得tio̍h「成功,事事顺利」。

值得注意ê,是tī第8节上帝kā约书亚讲,ài伊「日夜研读chit-ê律法册」,因为he是上帝颁布hō͘摩西转达hō͘以色列人民ê。约书亚taⁿ继承摩西ê领导权,第一件tio̍h注意ê事,m̄是研究军事指导手册,mā m̄是管理要领,koh khah m̄是政治大全等类ê册,却是beh kā上帝ê律法诫命日夜研读清楚,án-ne,就ē-tàng用上帝ê话来带领以色列人民,chiah bē有所偏差。

重新查询 专卷研经 约书亚记系列
错误回报,请联系comm[@]fhl.net