约书亚记 1章10节 到 1章18节   背景资料  上一笔  下一笔
Chit段经文是约书亚第一pái下达pôaⁿ过约旦河以色列人民一定tio̍h准备ê命令,特别叮咛吕便、迦特,以及半个玛拿西支族,in虽然留tī约旦河东岸,m̄-koh in ê战士一定tio̍h kah其他支族ê人同时pôaⁿ过约旦河进入迦南地去相刣。

第10到11节,chia提起tio̍h准备食物,好佳哉「三工」内beh渡约旦河去攻打迦南地,第二章16节、22节、第九章16节、17节等等lóng有提起「三工」。「三工」Tī圣经中有特殊ê意义,比如摩西对埃及国王请求,beh chhōa以色列人出埃及,行「三工」ê路程去旷野敬拜上帝(参考出埃及记三:18;八:27),先知约拿tī大鱼ê腹肚内「三工三暝」(参考约拿书一:17),耶稣tī坟墓中有「三工」ê时间,chiah-ê lóng teh表明「三工」ê特殊意义,说明ê是tú好,á是够额ê意思。

第12到15节,是koh一pái提醒吕便、迦得两支派,以及玛拿西半支族ê人将家族留tī约旦河东岸,其余战士lóng tio̍h kah其他支族ê pôaⁿ过约旦河进入迦南地,直到其他支派ê人lóng占领ê迦南地,并安顿好势了后,in chiah ē-tàng tńg去东岸。Chit段记事thang参考民数记第三十二章kah申命记第三章12到20节等等经文,已经详细说明chit两个半支族一定tio̍h目前锋过约旦河ê原因。

第16到18节,chit两个支派半ê人民lóng回答约书亚讲:「你命令阮做甚么,阮就做甚么;你派阮到甚么所在,阮就到甚么所在。」chit句话已经清楚表明两件事:一是in表示效忠约书亚ê领导,真心顺服伊。二是表示忠于家己所立过ê约。

重新查询 专卷研经 约书亚记系列
错误回报,请联系comm[@]fhl.net