Chit章kah第七章lóng是约伯针对以利法所讲ê话ê回答，mā是约伯对家己所tú-tio̍h ê处境ê第二pái发言。M̄-koh tī chit两章中，thang看出约伯tńg来话ê对象，并m̄是只针对以利法，伊是用「Lín」chit-ê复数代名词（参考六：21、26—30），因为án-ne应该是teh对chit三位朋友回答。M̄-koh这「Lín」mā thang看做是一个人ê性命经历苦难ê时，kah kui个大环境有关系。因为án-ne，当人teh回应生活环境带来性命苦难ê时，并m̄是个人对个人，而是一个人对整体ê控诉。

Tī第六章中，约伯用食物kah水来表达性命ê饥渴，伊渴望得tio̍h「性命ê粮食」，以此方式来说明人生存siōng实际ê需要，m̄是空口白话，却是真正食物（务实）。换句话讲，信仰，是非常实际ê，并m̄是天马行空ê想像，á是thang画饼充饥。

第1到3节，约伯提出一个观念：灾难、愁烦，并m̄是ē-tàng用数字呈现ê，因为这是性命ê感受，mā m̄是「chē少」、「轻重」ê问题。因为án-ne，无法度用仝一个种方式来「比较」，而是beh「设身处地」去了解对方ê想法kah感受，以kā心比心ê态度去评断。伊án-ne讲是对以利法一再劝伊ê讲词有意见。伊认为以利法根本就无了解伊心内ê苦闷。约伯用「海沙」来譬喻家己ê苦难是án-ne ê沉重，意思是teh指无法度计算，á是去衡量秤重。Koh讲约伯并无认为家己ê话愚戆、无知，只不过是讲话比较「粗鲁」而已。

    第4节，约伯真清楚表达伊ê中心思想：若是赐福是tùi上帝来，án-ne，惩罚mā必定是出tī上帝ê手。因为án-ne，发生tī伊身上ê chiah-ê灾难lóng是tùi上帝来，而且上帝是用真残酷ê方式对待伊。伊形容家己如同在战场上被对方（指上帝）ê「箭」射中仝款ê痛苦，并且性命已经陷入了面临死亡ê状态。因为tùi上帝手中射出来ê hiah-ê箭ê箭头，lóng有含剧毒。

    第5到7节，「野驴á」，这是旷野中一种四界māi食ê动物，tó位有草thang食，就gōa chē，并无受约束。「牛」则一种家畜，只要有人饲养，就满足。约伯用chit种方式teh譬喻：伊无亲像chit两种动物，只要有得食就满足。因为伊认为性命并m̄-nā在tī有得食、lim，就满足，而是beh活得有意义。约伯用chit种方式来为家己辩解，伊认为人bē-tàng kā性命价值khǹg tī chiah-ni̍h低阶ê层次。其实约伯是用chit种言词反驳提幔人以利法所讲ê话，伊认为以利法ê观念，ná亲像无气味ê食物仝款，hō͘人oh得下咽。

    第8到11节，chit段经文koh一pái看tio̍h约伯求死ê意念真强。伊认为如果ē-tàng死去就是极大ê恩典。约伯认为上帝若真正爱伊，siōng好ê方式就是hō͘伊随时死去。Ē-sái讲是伊发见上帝根本就m̄听伊chit种祈祷。Tī第9节ê「愿」一字，原本是一个「祈愿」句型，tī约伯记一再出现（参考十一：5、十四：13、十九：23）。表明约伯心中烧热切ê ǹg望。Thang讲约伯真正期待早早死去，m̄-koh mā同时讲出约伯teh质疑上帝用chit种方式逼死伊，koh有甚么好处？这tú好讲出约伯心内ê矛盾。

约伯心中一再认为家己「从来m̄敢违背」上帝ê旨意。伊后来tī第24节就真直接ài以利法指出，到底伊犯甚么错，hō͘伊一定tio̍h承受án-ne大ê苦难。约伯相信所有ê痛苦，必定kah上帝有关系，mā因为án-ne，伊真ǹg望上帝会hō͘ in明白，伊到底犯甚么罪chiah致使性命án-ne痛苦。因为性命是tùi上帝来，若是无犯甚么bē-tàng原谅之罪，却遇tio̍h án-ne重大ê痛苦，伊teh问chit种性命究竟beh表明甚么意义？这讲出一个基本性命概念就是：即使性命是án-ne痛苦，却是tùi上帝来ê赏赐，而性命ê主权又koh是属tī上帝，m̄是人家己ê。因为án-ne，就算是beh「自我了结」，mā要求问上帝ê意思。

第12到13节，tùi chit两节ē-tàng看出约伯真清楚家己ê有限kah软弱。Tī chia伊用「石头」kah「铁」来形容家己并无亲像chit两项hit种坚硬，却是非常软弱，无法度忍受重大ê撞击。伊自认连一点「自救ê气力」mā无，chit-ê意思真清楚，指出如果苦难是tùi上帝来，想用人ê气力来解决，he是愚戆ê想法。

    第14到17节，约伯用chit种方式来形容伊ê「朋友」，chia ê「朋友」（á是兄弟）一词，lóng是用复数代名词，表示伊m̄-nā是对以利法一个人讲，是对所有来探望伊ê亲朋好友讲ê。约伯对以利法chit种朋友表示失望，是因为伊发见以利法等等chiah-ê朋友并无提供伊实际有效ê减少痛苦之道，颠倒，却hō͘伊感觉koh khah痛苦。约伯讲伊「需要忠心朋友」，chia ê「忠心」一词，原本是用tī以色列人民kah上帝之间所立ê约，意思是坚决bē改变ê态度，会信守所立之约。伊认为像以利法等等chiah-ê众朋友，ná亲像tī巴勒斯坦地区ê真chē河川，浅底蓄水量少。只要雨季一过，河床就会露现，日头一曝河川就会出现干涸现象。伊用chit种方式来讲chiah-ê朋友ná亲像「像溪水仝款靠不住」。Á类似chit种句话，mā出现tī先知耶利米ê话语中（参考耶利米书十五：18）。另外一方面，约伯mā用溪流结冰来形容伊ê chiah-ê朋友，真正需要in像河水来止渴ê时，in却冻结成冰，m̄-koh chiah-ê冰tú-tio̍h艳阳高照ê时，真紧koh融化消失，对苦难中ê朋友一点帮助mā无。伊用chit种方式teh说明伊ê chiah-ê朋友对苦难中ê伊，真正是帮不上忙。

    第18到20节，约伯用商队来形容受害ê严重性。Chit种商队乃是当时不时出现tī旷野旅途中，每pái经过旷野ê时，非常迫切需要水源，当in chhōe bē-tio̍h水源ê时，m̄是渴死，就是失迷方一向死亡。第19节chia提起两个重要ê城市：一是「示巴」，这tī第一章15节bat提起示巴人抢夺了约伯家ê牲口。照以赛亚书第六十章6节提起，「示巴」以出产黄金kah乳香丰富而出名tī古代ê中东地区。另外一个是「提玛」，这是设tī阿拉伯北部ê一个城市，hit-ê城ê人民大部分是用实玛利ê kiáⁿ孙（参考创世记廿五：15）。Chit-ê城有「沙漠绿洲」ê昵称。因为chit-ê缘故，来往「提玛」ê seng-lí人旅客非常chē，贸易无闲，mā因为án-ne，tòa tīhi̍t 所在区ê人生活比较富裕（参考以赛亚书廿一：14）。Chit两个城市原本非常闹热，而且是商队siōng欢喜停留ê城市，taⁿ却mā因为chhōe bē-tio̍h水thang lim，而开始荒废。这表示水源枯竭ê严重性，已经到à遍地饥荒ê景况à。约伯用chit种方式teh隐喻：伊ê朋友以利法等人所讲ê话，并无hō͘伊tī苦难中干渴ê心灵，得tio̍h性命中所需要，á是hō͘伊迫切ǹg望得tio̍h安慰ê心灵得tio̍h滋润、满足。

第21到24节，约伯用「惊惶kiu-kiu」chit-ê词来形容伊chiah-ê朋友ê丑态。原因是当in看tio̍h伊hō͘ 上帝惩罚ê时，非m̄-koh m̄敢替伊辩护，iáu眼睁睁地看tio̍h伊受难；m̄-nā无hō͘伊感受tio̍h安慰，iáu加添了真chē苛责ê话语来责难约伯，chit对约伯来讲，就ná亲像tī伤口掖盐巴仝款，hō͘伊原本已经真痛苦ê性命，加倍疼痛。Tī约伯ê看法中，伊对朋友ê态度，ná亲像对上帝ê态度仝款，无任何想beh tùi中谋得利益ê意思。换句话讲：伊对朋友是非常忠心ê，是用真实ê心对待in，并m̄是因为in hō͘伊甚么好处，á是thang tùi in身上得tio̍h甚么利益，chiah结交in chiah-ê朋友。Tī chia，约伯ài以利法明确指出伊ê罪状。其实，约伯记ê重点mā是tī chia，伊希望上帝hō͘伊知影家己会tú-tio̍h chiah-ni̍h大ê苦难ê原因。

第25到27节，约伯强调家己ê无辜受难，因为án-ne，伊希望指责伊得罪上帝ê chiah-ê朋友，ē-tàng提出证据来说明，伊明确要求所有指控。伊要求以利法，如果beh回答就tio̍h讲出个thang hō͘人信服ê话来。伊用真严厉ê话指控chiah-ê朋友，指控伊犯罪ê事，只是一种chhōe测chit种行为kah出卖朋友致富仝款。伊会án-ne严厉指责chiah-ê朋友，是beh hō͘ in知影，tī无真确明白朋友受难原因chìn前，乱下断言，就是tī伤害朋友。

    第28到30节，虽然约伯用真重ê语气，驳斥伊chiah-ê朋友对伊ê指责，m̄-koh伊iáu是恳求chiah-ê朋友koh再「详细想一想」，到底伊犯甚么错而需要承受án-ne大ê苦难。约伯hō͘伊ê chiah-ê众朋友知影，家己虽然tú-tio̍h苦难，m̄-koh「是非」iáu是真清楚，并m̄是无ê放矢。伊用chit种方式teh表明家己ê诚实，无讲白贼。