约伯记 32章1节 到 32章22节   背景资料  上一笔  下一笔
有bē少学者认为约伯记第三十二到三十七章,并m̄是chit本经册本来ê资料,却是后来加添入去ê。理由如下:

一、除了结语之外,其他部分并无提起约伯回应chit位少年人以利户所讲ê话。

二、Tī chit段长到六章ê经文中,作者ê笔法、思路、内容之结构,kah头前三十一章ê内容大无相仝。

三、以利户chit-ê名,无tī约伯记chit本经册ê起头就出现,mā无tī chit本经册ê结尾看tio̍h。

M̄-koh mā有一种看法:认为这几章经文mā是约伯记本来ê资料,因为tī起头绍介以利户ê时,就真清楚注明讲伊是一个「旁观者」,原本无想beh加入chit场辩论,m̄-koh听tio̍h最后,伊认为是应该表达意见ê时chūn,因为án-ne讲了这几章经文记载ê内容。Mā可能是约伯和三位朋友共同请伊发表意见,伊chiah讲出家己ê看法。M̄-koh无想tio̍h以利户讲出chiah-ni̍h chē话来。

    Chit章经文是以利户开始回应约伯和chit三位朋友所讲ê话。以利户表示伊尊敬chiah-ê人是伊ê长辈,因为án-ne伊是等到大家lóng无koh讲话ê时chūn chiah开始讲,这mā表示以利户是一个bat礼貌、有教养而且谦卑ê人。M̄-koh,tùi以利户所讲ê话ê内容来看,mā thang看出伊是一个真骄傲ê人,伊指出chit三位前辈讲ê话,是无智慧ê话,mā因为án-ne chiah反驳约伯提出ê问题,iáu会hō͘约伯误认上帝是一个无公义者。伊自认是hō͘逼kah一定tio̍h开嘴表达想法。

第1到5节,chit段经文先绍介在场有一位「旁观者名叫以利户」,chit-ê名ê意思是:他是我ê上帝。然后说明为何伊会开嘴回应约伯和其他三位朋友。一开始tī chia就讲「因为约伯坚持家己ê无辜」,这mā表示约伯和以利法、比勒达,kah琐法等三人经过三个回合辩论落来,结果是各讲各话,lóng无交集,因为án-ne,chit三个朋友发见讲koh-khah chē mā是白费唇舌,而无koh讲话。原本站tī边á观看ê以利户对约伯「自认为义koh埋怨上帝」,而且听tio̍h这以利法等三个朋友「既然m̄知怎样回答约伯,无异默认上帝无理」,因为án-ne,伊受气à,伊认为家己应该ài有所回应chiah thang。Chia mā特别讲伊是所有朋友中「siōng少年」ê,chit句话mā说明东方ê传统,少年人bē-tàng随便tī序大讲话ê时插嘴。

    第6到10节,chit段经文是以利户teh解释伊讲话ê原因,而且伊尊敬chiah-ê人lóng是伊ê长辈,因为án-ne等到大家lóng无koh讲ê时chūn,伊chiah开嘴,这mā是当时东方社会ê观点,认为年长ê人,性命经历丰富,tùi in ê「满头白发」就thang显示出in ê「智慧」(参考十五:10,箴言二十:29)。其实,当伊án-ne讲ê时chūn,mā同时是teh暗喻tio̍h chit三位长辈并无甚么智慧。以利户tī chia强调「上帝ê灵,ē-tàng kā智慧赏赐hō͘世人」,然后tī第三十三章4节soah讲「上帝ê灵」造伊,以利户清楚指出家己有上帝赏赐ê智慧,因为伊是「上帝ê灵」造ê。伊mā讲「年纪大无一定会增加人ê智慧」,chit句话原来ê意思是teh指「有智慧ê并无chē」,表示真正有智慧ê人少,即使年纪大了,mā无一定就会比较有智慧。这听tī以利法等chit三位年长ê人耳里,一定真oh过,这mā讲出以利户心中对三位前辈ê不满。因为án-ne,伊表示beh讲kóa「心内想讲ê话」,希望chit三位长辈ē-tàng听伊讲看māi。

第11到14节,这四节经文thang分做第11到12节,以及第13到14节,m̄-koh这两部分讲ê lóng是仝一件事,就是以利户对三位前辈无法度辩赢约伯而感觉失望。伊认为就是因为chit三位前辈并无注意听约伯所讲ê话,所以chiah「无人ē-tàng驳倒约伯ê话」。Chia所讲ê「驳倒」,意思是hō͘对方佩服、顺从ê意思。Tī以利户ê看法,如果无法度说服约伯,驳倒伊ê观点,就是无chhōe-tio̍h真实ê智慧,这mā表示in三人并m̄是真正认bat上帝。M̄-koh伊表示bē亲像伊三人hit种回答约伯,因为in所讲ê是无智慧ê话语。

    第15到16节,《现代中文》译本圣经起头用「约伯ah」chit-ê词,会掠做是是以利户teh对约伯讲话。M̄-koh原希伯来文并无明显注明伊是向甚么人讲话。Chit两节thang看出以利户mā是一个真骄傲ê少年人,伊讲chit三个长辈lóng khiā tī hia「闭口不言」,因为án-ne,伊决定无koh「thèng候」,换家己来回答约伯所讲ê话,这mā teh表示伊ê口才ē-tàng赢过头前三个朋友。

    第17到19节,以利法ài kā家己ê看法讲出来,表示伊ê见解必定是有智慧ê,而且伊chit-má ê心境是迫不急待想beh讲hō͘约伯听。以利户讲若家己koh再不讲话,就会亲像「装满新酒ê皮囊爆裂」,这是一句流行tī巴勒斯坦ê谚语,讲新酒一定tio̍h装tī新皮囊里,chiah bē破裂(参考马可福音二:22)。这表示应付新时代ê转变,一定tio̍h有新ê思维。以利户ê看法是hit三位长辈ê脑袋中,所存有ê观念lóng是「陈腐」ê想法,伊ê chiah是新ê。

    第20到22节,以利户表示伊beh讲ê话bē偏袒任何人。以利户án-ne讲是teh表明家己ê立场公正、客观,bē讲「谄媚」ê话。「谄媚」,chit-ê词ê意思是teh指虚假,kah欺骗仝款,bēhō͘ 上帝喜爱(参考十三:10)。

重新查询 专卷研经 约伯记系列
错误回报,请联系comm[@]fhl.net