约伯记 31章1节 到 31章28节   背景资料  上一笔  下一笔
Chit章是约伯beh直接向上帝倾诉伊ê困难,mā同时是teh为家己辩护。虽然伊目前已经遭遇性命中siōng大ê苦难,m̄-koh伊iáu是相信上帝chiah是真正审判者。因为上帝是公义ê神,他鉴察每一件事(参考七:18、十三:27、廿八:24)。直到chit-má约伯都无改变伊一贯ê论点:家己是无辜受难。Tī chit章,约伯最后清楚表示伊所beh讲ê话lóng已经「讲完了」,以此表示伊无想beh koh为家己辩护à。

Chit章ê特色是约伯差不多lóng是用chiù-chōa ê语句teh讲话,伊一再用「如果」(参考第7节、第9节、第21节、第38节、第39节)来表示家己无犯甚么错,若是有,伊愿意接受比伊所犯ê罪koh-khah严厉ê惩罚。Chit种讲法是传承自出埃及记ê所谓「报复条例」延伸来ê(参考出埃及记廿一:23—25)。

    另外一个特色是约伯koh一pái用头前不时使用ê法庭审判ê样式来描述,ná亲像约伯teh对hiah-ê控告伊ê人作答辩。控诉ê内容ná亲像hiah-ê朋友所认定ê,讲约伯会án-ne受tio̍h án-ne重大ê灾难,乃是因为伊犯重大ê罪行,引起上帝受气所致,m̄-koh约伯坚决否认。因为伊申诉ê对象是上帝,tùi án-ne这法庭ná亲像天顶ê法庭仝款,无其他ê证人在场。

Chit段经文是约伯teh表示家己确实无邪念,约伯强调家己ê心内纯洁,伊相信若是上帝chiâⁿ实查验伊ê心内,就会知影伊绝对无犯罪。伊一再表示过去荣华富贵ê日子里,伊bat伸手救助需要帮助ê人,m̄-nā是救济sàn-chhiah人、孤儿,mā帮助过寡妇,kah流浪ê人,伊甚至用chiù-chōa ê语句表示若伊违背家己所讲ê话,愿意受tio̍h任何惩罚,即使是hōng判处死刑mā愿意。

第1节,约伯讲伊「严肃地保证」,这mā是一种誓言,主要是teh强调家己心内确实是纯洁、无恶念,心中绝对诚实。

第2到4节,约伯Tī chit段经文中对上帝连续提出几项质疑地。其实chit段经文mā是约伯teh回答伊ê hiah-ê朋友,因为伊ê三位朋友lóng讲上帝是公义ê神,他lóng是用善报善,以恶报恶。M̄-koh约伯认为像伊án-ne无犯罪ê人,却无辜受难,这就表示上帝并m̄是亲像chiah-ê朋友所讲ê。约伯tī chia指出,人无法度kah上帝争辩,因为「全能」ê上帝,对人ê性命有决定权,人只有ē-tàng默默承受。伊一再质疑地ê论点:公义ê上帝,应该是beh降灾祸hō͘不义kah作恶ê人,m̄-koh伊怀疑上帝是m̄是真正亲像án-ne。因为伊做尽各种好事(参考廿九:11—17),不却无得tio̍h应该有ê奖赏(善报)?反tńg遭遇án-ne大ê灾难。伊确信,如果上帝鉴察人ê「每一脚步」,án-ne,甚么人是作恶ê人?á是甚么人是好人?上帝应该lóng真清楚。因为án-ne,公义ê上帝应该是赏罚分明chiah-tio̍h。 

第5到8节,Tī chit段经文中,约伯真清楚表明家己ê清白,伊甚至发重誓讲,若伊有做任何恶质ê事,愿意为tio̍h án-ne种无妥当行为付出代价。约伯tī chia重申伊无做过任何经过设计而想beh诈欺别人ê事。伊相信若上帝kā伊「khǹg tī公道ê天平上」,就ē-tàng知影伊ê心是纯洁ê。Chia讲khǹg tī「天平上」秤一秤,mā有另外一个含意,表示人ê良心á是良知,是m̄是够份量?Tī上帝ê秤中,必定会显示出来。伊向上帝表示,若是伊有任何偏离「正路」ê行为,致使做出「邪恶」ê事,就是藐视上帝,á是根本m̄相信上帝,á是用其他ê神明来代替上帝,约伯讲若是án-ne,伊愿意付出所有ê代价。伊tī chia讲「我ê出产」、「我ê产物」等用词,mā thang用来表示子女、kiáⁿ孙。

第9到12节,「如果」koh一pái出现。伊表示tùi心内发出来ê意念,lóng是堪得检验ê,绝对bē有问题。若是真正有瑕疵,伊就hō͘家己ê bó͘去「替别人烧饭」,这「烧饭」一词,原本作「推磨」ê意思。Tī chia,约伯非常清楚表示家己心内从来m̄-bat有过任何淫乱ê思念。Tī摩西律法中有明文规定,凡是犯奸淫罪ê人,无论是男á是女,lóng一定tio̍h处以「死刑」(参考申命记廿二:22)。因为奸淫m̄-nā是玷污人ê心灵,mā侵害了伊人生命ê圣洁(参考哥林多前书六:18—20)。约伯甚至讲若是伊有chit种行为,伊愿意就kā伊「所有ê出产火烧净尽」。

    第13到15节,约伯表示家己确实有遵守公义ê行为,tú亲像第一章1节、8节等等所讲ê,伊是一个行为正直ê人。伊无轻视奴隶kah女婢,即使奴隶kah女婢们有意见,约伯mā会注意听,这表示伊真尊重低阶者ê人权。Tī chia约伯ê态度真清楚:上帝怎样看待伊,伊mā用怎样ê态度看待别人。就是因为án-ne,伊认为当「上帝审问」伊ê时chūn,就无必要koh-khah chē讲甚么à。Chia约伯表达了一个重要概念:任何人tī上帝面前lóng是同等重要。无论是甚么阶层ê人,即使是奴婢者,mā是上帝所创造ê人。因为án-ne,嘲(sau)笑任thài会无ài同阶级ê人,lóng是teh藐视上帝创造ê神圣(参考箴言十七:5、廿二:2)。

其实,约伯chit种讲词,带有真讽刺ê意味。因为上帝既然称呼伊是「奴仆」,mā应该会注意听伊说明性命ê苦难,并伸手救助伊,替伊受tio̍h ê委屈伸冤chiah-tio̍h。Ná会hō͘伊继续受苦而置之不理?

    第16到20节,chit段经文ē-sái讲是teh回应第廿二章6到9节,he是以利法对约伯犯罪ê指控。当以利法指控约伯欺负sàn-chhiah ê寡妇kah孤儿ê时,约伯强力否认,并且讲伊m̄-nā无欺负in,而且是伸出援手帮助in。chit-má伊讲述家己为chiah-ê低阶社会人士所做过ê事,包括:

一是救济sàn-chhiah人。二是无hō͘走chhōe帮助ê寡妇失望过。三是hō͘孤儿食饱,并且ná亲像老父照顾in长大。四是hō͘贫困ê人得tio̍h温暖,而且是hō͘ in siōng上等ê衫裤。Ài beh特别注意第20节所讲ê,约伯并m̄是出tī勉强而做chiah-ê事,伊是真诚乐意地做chiah-ê事(参考廿九:12)。照第18节约伯所讲ê,伊是一直无停行善,mā因为án-ne,chiah-ê人lóng是用「真诚」ê心感谢伊。

第21到23节,chit三节是约伯对头前所提起ê事做一个重要ê誓约,伊koh一pái用「如果」,表示一种chiù-chōa,而且是发重誓。约伯tī chia表示即使有人用无公义ê手段beh帮助伊得tio̍h胜诉,而且诉讼内容是kah伊欺负贫困者有关,伊mā宁可放弃,而且hō͘家己受tio̍h残障ê惩罚。因为hit种ê审判并无公义,mā无正确。伊宁可家己「手股头折断」、「肩膀脱落」,mā无愿意有chit种无公义ê审判。伊真正惊惶ê并m̄是世间ê司法,却是「惊惶上帝ê惩罚」。这就表明约伯ê心中确实有上帝,mā遵从上帝ê话。

第24到28节,约伯则tī chia清楚表达:伊对chiah-ê诱惑人心ê财宝根本一屑á 都无贪恋。伊表示家己对创造性命ê上帝,是忠心耿耿,心无二念,这mā是一开始,上帝就肯定约伯tī信仰态度上ê忠实(参考一:8、二:3)。

重新查询 专卷研经 约伯记系列
错误回报,请联系comm[@]fhl.net