约伯记 26章1节 到 26章14节   背景资料  上一笔  下一笔
Ná亲像头前已经有叙述过ê,tī第三轮ê辩论中,约伯讲话iáu无完,chiah-ê朋友就会抢回答。Chit章mā是án-ne,第到4节是约伯回应比勒达,比勒达听一下就随时辩驳。M̄-koh mā有人认为kā第廿六章5到14节编辑tī第廿五章了后,会比较通顺。

第1到4节,chit段经文明显ē-tàng看出,约伯当时ê情绪真受气,虽kan-taⁿ有短短四节,语气kah头前ê长篇大论真无仝款。约伯认为chiah-ê朋友m̄-nā对伊tú-tio̍h ê灾难无帮助,只有加添伊ê痛苦而已。Tī这短短四节中,伊lóng是用真讽刺ê话回应比勒达kah其它两位朋友。伊讲家己是一个「bē-tàng ê人」,mā是一个「无力ê人」,m̄-koh相对ê,chiah-ê朋友却hō͘伊大大超过伊所ē-tàng承受ê「帮助」、「救援」、「指教」,意思是结果只有反效果而已。因为伊并无任何「感动」。

第5节开始到第14节ê chit段经文,lóng是比勒达ê回答,则伊必定是听约伯顶面所讲ê回答了后,感觉非常受气而抢回应约伯ê话。Chit段经文kah创世记第一章记载有关创造ê故事真类似,提起「阴间」、「冥府」等,chiah-ê lóng是表达「深渊」ê意思。Tī chit段经文中mā出现「天空」、「太空」、「水」、水中ê「生物」、「云彩」、「光」、「pûn气」等词,chiah-ê lóng是创世记第一章所使用ê词汇。

第5到6节,比勒达讲只要看见上帝出来,就算是「地下脚ê水kah其中ê生物」mā lóng会露出「惊恐」,甚至连「阴间」里ê一切lóng仝款,会感受tio̍h震撼。这teh表示:kui个宇宙万物lóng是tī上帝掌管之下,无任何一项事物ē-tàng逃离上帝ê掌管kah命令,就算tī阴间mā是仝款(参考诗篇一三九:8,箴言十五:11)。

第7节,chia提起「天空」、「太空」,这就是创世记第一章2节所讲ê「混沌」ê意思。古早时ê以色列人民有一个观念,认为天顶是上帝khiā起ê所在,而所有ê诸神则聚集tī北极山顶(参考以赛亚书十四:13)。这「太空」,就是teh指tio̍h「混沌」、「空虚」,表示无任何支撑ê柱子,上帝却ē-tàng轻易ê kā地球悬挂tī chit种状态中而bē坠落来,这显示了上帝ê能力无限,远大大超过人ê想像。

第8到10节,比勒达讲上帝是用「密云」包糊tī「水」,mā用「云彩」包tòa「月」。「云」thang kā「水」包tī内面,hō͘人无法度看会tio̍h,soah koh无需要任何支撑ê物件,这表示上帝有非常高ê智慧kah能力,chiah ē-tàngán-ne。Mā因为有「云」kā「水」包tòa,就ē-tàng降落雨水tī土脚(参考约伯记三十七:13)。上帝mā kā「云彩」铺tī「满月」ê顶面,然后hō͘真chē民族看做是神明ê月娘,像惊见笑ê姑娘被遮盖起来。然后koh tī「海面上划了地平线,hō͘光kah暗隔开」,án-ne人类就ē-tàng分出工作kah歇困ê界限。M̄-koh对上帝来讲,却无必要。

第11到12节,古代以色列人ê宇宙观,是认为天kah地之间有柱子支撑tio̍h,维持天地间ê平衡,天才bē塌落。M̄-koh即使是án-ne,只要上帝「责备」ê声音出来,天地lóng会「战栗」摇动。因为kui个宇宙lóng是tī他ê掌管之下。仝款ê,tī以色列文化中,认为siōng危险ê「大海」,mā会乖乖á听从上帝ê命令连「海怪拉哈伯」,mā会hō͘「击倒」消失。
第13到14节,上帝「pûn气」,就是teh指上帝ê灵。Chia ê「海怪」,指ê是违背上帝旨意ê人,ná亲像海怪仝款,虽想beh逃避上帝ê惩罚,却无法度脱逃。以上所叙述ê,tī人看起来lóng是非常伟大ê作为,m̄-koh对上帝来讲却只是微小ê动作罢à。

比勒达讲chiah-ê话,已经m̄是针对约伯ê发言内容,显然是各讲各话。


重新查询 专卷研经 约伯记系列
错误回报,请联系comm[@]fhl.net