约伯记 18章1节 到 18章21节   背景资料  上一笔  下一笔
Chit章记载约伯第二位朋友书亚人比勒达所讲ê话,内容只有短短21节,而约伯ê回答iáu-koh是长篇大论,记载tī第十九kah二十两章,共计有58节。因为tī第十六到十七章中,约伯回答提幔人以利法ê话lóng是真无客气,甚至认为包括以利法等伊ê chiah-ê朋友,lóng有「为金钱出卖朋友」ê嫌疑(参考十七:5),连hiah-ê原本伊认为是真有正义感ê朋友,mā加入侮辱伊ê行列中(参考十七:8—9)。约伯chit种回答hō͘书亚人比勒达非常受气,因为án-ne,伊mā以尖锐ê言词回应约伯。

第1到4节,chit段经文thang看出比勒达所用ê词句lóng带有忿怒ê情绪。可能是因为听tio̍h约伯讲个无停,而且认为约伯无忏悔ê心,所以比勒达ê第一句话就讲beh约伯「静落来」,意思就是beh伊闭嘴。比勒达认为约伯已经kā in chiah-ê朋友看做ná亲像「cheng-seⁿ」仝款低级,á是亲像「禽兽」仝款无人性,因为约伯teh回应拿玛人琐法ê话ê时,bat ài伊去请教「行兽」、「空中飞鸟」等动物(参考十二:7),而teh回应以利法ê话中,讲in chiah-ê朋友是「为金钱出卖朋友」(参考十七:5)。因为án-ne,伊提出反驳。

Teh比勒达ê观点中,约伯chit-má讲ê话lóng是「气话」,人teh生气ê时讲ê话siōng可能得罪上帝。比勒达指出约伯ê话中有含真大ê傲气,伊坚定地认为:约伯就是因为犯真严重ê罪chiah会tú-tio̍h chit种报应。伊认为约伯应该「顺服」上帝,却m̄是ài上帝来「满足」伊ê需要。

第5到7节,照伊ê看法,约伯根本就是一个罪人,chiah会受án-ne惨重ê惩罚。伊讲「恶人」受惩罚是应该ê,无甚么好讲ê。伊用「光」、「灯」,kah「暗」、「熄灭」相比ê讲法,来说明约伯一定是「作恶」,chiah会hō͘家己ê性命tùi明亮转成乌暗。Tī chia比勒达mā引用约伯家己ê话,来说明约伯家己ná亲像一个lim酒醉ê人一般,即使自认有「坚定ê脚步」,行起路来mā会「摇摇晃晃」,东倒西歪,因为无清楚家己ê状况。因为án-ne,无论过去约伯有甚么好ê计画,lóng是一种「奸计」,taⁿ hō͘ 上帝所拆穿而粉碎(参考十七:11),因为án-ne,chiah会hō͘伊家己ê chiah-ê「奸计所绊跌」。

第8到10节,这几节经文连续用几个kah设计之陷阱有关ê名词,包括「罗网」、「缠tiâu」、「kho͘-á套」、「擒获」、「陷阱」等。比勒达用chit种方式teh描述pháiⁿ人会遇tio̍h ê境遇,就ná亲像掉入家己所设计ê陷阱中而无法度自救。Chit种讲法mā teh暗示约伯就ná亲像pháiⁿ人仝款,想用真chē计谋来澄清家己ê无辜,结果kan-taⁿ会koh khah证明家己ê罪恶深重而已。当然chit种讲词就是约伯所讲ê,伊ê chiah-ê朋友ê「慰问」,kan-taⁿ会加添对伊ê伤害,对约伯一点安慰mā无。其实比勒达chit种讲词mā强化以利法ê讲法(参考五:12—13)。

    第11到13节,比勒达讲上帝会用「恐怖」当做惩罚,hō͘ pháiⁿ人感受tio̍h「恐怖」如影随行ê跟tòe伊,hō͘作恶ê人,无一工好日子过。伊描述恶人会遇tio̍h ê惩罚,就是「挨饿」、「祸患」、「致命ê疾病」等,chiah-ê观念lóng是源自古老ê道德观念,认为善有善报、恶有恶报。Chit种观念一再出现tī圣经中ê箴言册。

第14到15节,古代中东ê人会kā身躯当做是一座临时ê「帐棚」(参考哥林多后书五:1、4),当人往生ê时,就kah-ná「帐棚」ê绳索断了仝款,会塌落来。Koh讲,古代中东地区mā认为有所谓「阴间代理人」,就是chia所讲ê「死亡之王」,这代理人主要ê工作就是kā阴间填满。因为án-ne,chit种「死亡之王」会随时派手落去掠人,来方便早日完成使命。Á「硫磺」,这是古早时用来当做消毒用ê药物之一种。帐棚若bat被「死亡之王」侵入,只有用「硫磺」chiah ē-tàng洗荡清气,然后其他ê人才thang tòa入去。

第16到18节,比勒达tī chia用树做譬喻,chit种譬喻方式Tī圣经中mā一再出现,亲像诗篇第一篇。当约伯形容家己ná亲像「一片落叶」、「一条枯干ê麦hiūⁿ」、「朽烂ê木头」hit种软弱无助ê时(参考十三:25、28),伊iáu是对性命存一丝期待,因为伊讲只要hō͘ in朽木够额ê水份就ē-tàng hō͘它koh一pái成长(参考十四:8—9)。Á比勒达用约伯ê话来回应伊,讲伊ná亲像失落性命ê「根」仝款,连「根」lóng「枯干」殆尽了,自然就无法度koh再吸收水份,chit种树已经lóng无性命ê迹象,枝干上ê叶á一定ka-la̍uh、「凋零」。比勒达chit种讲法mā iáu有另外一种意思,就是teh指责约伯kā因为án-ne失去后代,无kiáⁿ孙(比较第19节)。比勒达chit种讲法mā teh表示pháiⁿ人会永远被毁灭,无koh存在,后代kiáⁿ孙mā无koh记念in。伊chit种讲词,对当时中东ê人来讲,是一项真大ê诅咒(参考诗篇三十四:16)。

第19到21节,比勒达进一步讲出pháiⁿ人ê结果是:tī「本族中无kiáⁿ无孙」,这kah头前第16节所讲ê「根枯干」、「枝叶凋零」ê意思仝款,表示无法度延续后代。Á这mā表示得bē-tio̍h上帝ê赐福,而这tú好是pháiⁿ人所得tio̍h ê结果。比勒达指约伯是一个连敬畏上帝ê心mā无ê人,而chit种指控mā是以利法指责过ê话(参考十五:4)。

重新查询 专卷研经 约伯记系列
错误回报,请联系comm[@]fhl.net