约伯记 10章1节 到 10章22节   背景资料  上一笔  下一笔
Chit章是延续第九章约伯回答比勒达ê话。Tī第九章伊kā陈述ê重点khǹg tī上帝ê特性kah人ê卑微层面相对照,显示出人对tī性命遭遇苦难ê无奈,kah上帝对人苦难ê冷漠,hō͘人感觉上帝kah人之间ê距离非常遥远。

而tī chit章,伊认为继续回答比勒达ê话并无特别ê意义,伊beh直接向上帝投诉,ná亲像伊chìn前对提幔人以利法ê回应仝款。Tī这章中,lóng是约伯直接向上帝提出疑问,伊iáu-koh kā问题锁定tī「上帝为甚么beh创造人」chit-ê题目上。约伯kā重点khǹg tī受造ê人身上,伊beh争取ê是:做一个人应该有ê性命生存空间。

Thang án-ne了解:约伯会kā问题转向上帝,主要原因是比勒达既然ài伊chē听听古代先人长辈ê智慧之言,伊直接问上帝koh-khah能得tio̍h正确ê答案。因为上帝就是「远古」ê智者,是智慧ê开端(参考箴言九:10)。伊犹原确信,人性命ê所有境遇,一定lóng kah上帝ê旨意有关,若beh chhōe古代先贤ê智慧话语,不如直接走chhōe上帝。

    第1节,chit节thang参考第三章24到25节、第七章11、16节。Tùi chit节thang看出约伯ê态度是无koh沉默,伊beh向上帝说明(á是讲是提出诉讼)伊无辜tú-tio̍h ê苦难,beh倾吐「心内ê苦恼」。约伯连续用「厌烦」、「哀怨」、「苦恼」三种名词来表示伊ê性命态度,这mā强化伊原本走chhōe死亡ê意念。

    第2到3节,thang参考第六章24节。约伯真清楚请求上帝「指示」伊,hō͘伊知影到底「犯甚么过失」,chiah致使伊ê性命án-ne痛苦。伊质疑地上帝是m̄是「看轻亲手所创造ê人」,若m̄是,án-ne到底问题tī tó位?伊甚至质疑地是m̄是上帝故意kā好人交hō͘邪恶ê人去践踏?若chiâⁿ实án-ne,约伯认为he是非常残酷ê作为。

    第4到5节,tī chit两节约伯lóng以人ê现象kah上帝对比,其实,这并m̄是约伯原本ê真正用意,伊只是用chit种方式teh讲述上帝是永恒ê全能者,而人是有限ê存在。因为án-ne,伊以一个受造ê人来问上帝:像伊遇tio̍h án-ne大ê苦难,怎样ē-tàng有够额ê气力支支持落去?约伯是采用「反讽式」ê语句提出伊ê抗议。伊问上帝观察人是m̄是kah人仝款只看外表?是m̄是上帝ê「寿命」mā「kah人ê寿命仝款短促」? 

    第6到7节,chit两节thang回应头前两节,约伯想讲ê就是:因为上帝鉴察人ê心思意念,必定会清楚伊是一个清白无罪ê人。所以伊非常肯定家己并无犯错而需要承担án-ne ê痛苦。Chia约伯用「追究」、「chhōe察」等词,lóng teh表示非常详细ê察验。M̄-koh,对人来讲,无论怎样「追究」、「chhōe察」,lóng是会有无够详细、周全ê所在,因为人是有限ê。M̄-koh全能ê上帝应该无可能会有疏失chiah-tio̍h。因为án-ne,伊相信全能ê上帝必定会查看出伊是「无罪」ê。伊mā认为只有上帝ê手,chiah ē-tàng救伊脱离苦难。

    第8到9节,约伯相信人既然是上帝所创造,上帝若beh kā它毁坏mā是真简单ê一件事。换句话讲,性命tùi上帝来ê创造,上帝若beh收tńg来非常简单,只不过是举手之劳而已。因为án-ne,伊恳求上帝beh「会记得」伊是用土粉所造ê人,非常软弱,实在是无法度承受án-ne重大ê灾难。

    第10到12节,第11节,thang参考诗篇第一三九篇13节。

Tī chit段经文中,约伯讲性命tùi上帝来ê创造,伊形容上帝孕育性命ê奇妙,包括老父ê精力kah老母ê胎盘。约伯认为上帝ná亲像一个手艺非常细腻ê工匠,伊chit种讲法teh表达:上帝对人ê认bat非常透彻,人无论怎样遮掩、bih起来lóng无法度逃过上帝ê眼目。M̄-koh同时,作者mā用chit种方式teh吐露约伯ê心声:伊有无犯罪,上帝siōng清楚。特别值得注意ê是tī第12节,伊讲因为上帝ê看顾chiah hō͘伊ē-tàng「存活」,tùi chia就ē-tàng知影约伯非常清楚一件事:若m̄是因为上帝ê怜悯,人根本就无生存ê能力。上帝既然看顾脆弱ê人,mā就表示上帝对人ê疼非常大。当然chit种讲词mā tú好讲出约伯心内ê矛盾,伊一方面认为上帝故意hō͘伊受苦,另外一方面伊koh真清楚知影,若无上帝ê看顾,人根本就无存活ê气力。

第13到17节,Tī chit段经文中,thang看tio̍h约伯tī苦难中一直teh chhōe索一个答案:为甚么上帝beh惩罚伊?为甚么无犯罪ê人,性命会tú-tio̍h苦难?如果上帝创造人,是beh表达他奇妙ê疼,án-ne,hō͘无犯罪ê人受苦,án怎ē-tàng彰显上帝ê疼?因为伊无法度chhōe-tio̍h答案,因为án-ne,伊认为一定是上帝故意kā灾难降tī伊身上,并m̄是因为伊有甚么无法度赦免ê罪,mā m̄是伊有甚么特别ê过错,却是上帝「存心伤害」伊。

Tī chia,约伯认为上帝m̄-nā对伊监视得真亲密,而且iáu故意chhōe伊ê碴。另外一方面,chit两节经文mā回应了以利法ê看法,he就是上帝连天使mā无放过(参考约伯记四:18),而人ê等级若比上帝ê奴仆—天使—khah低(参考诗篇八:4—5),án-ne koh怎样ē-tàng得tio̍h上帝ê赦免?因为án-ne,约伯认为上帝án-ne详细teh监视伊,已经hō͘伊感觉见笑、无地自容,因为án-ne「m̄敢扛起头来」。若是上帝像狮仝款追phah猎物,伊lóng无法度佳哉免得tī苦难中。

注意第16节ê「用奇迹来伤害我」,原本上帝ê奇迹,是用来彰显他拯救ê慈爱,就亲像上帝用神迹奇事来拯救以色列人民脱离埃及奴隶生活ê苦难。M̄-koh仝款ê一件神迹,对上帝beh惩罚ê埃及人来讲,却是一种伤害。

    第18到22节,Tī chit段经文中,约伯koh一pái表达伊对性命ê苦楚感觉非常无力,对出世为人ê意义提出质疑地,ná亲像伊tī第三章所叙述过ê仝款。

第18节,thang参考耶利米书第二十章17节。

约伯ê giâu疑是:性命中如果只有苦难ê话,人为甚么beh出世?Thài会无ài就tī老母ê腹中死去,án-ne会来得比较好过。伊认为初生后ê性命若beh án-ne痛苦,伊宁可选择bē出世,直接tùi母胎里往坟墓内底行。Ná亲像一个无出世就死tī老母腹中ê胎儿仝款。约伯tī chia向上帝祈求,就hō͘伊性命最后ê chit-ê阶段过得爽快些,因为病痛缠身hō͘伊已经lóng无生趣,表示伊对性命已经感觉极大ê讨厌。

注意第22节所提起ê「乌暗、死荫、迷离」,kah「连光mā幽暗」,chiah-ê用词lóng是以色列人对阴间ê了解。

重新查询 专卷研经 约伯记系列
错误回报,请联系comm[@]fhl.net