耶利米书 9章1节 到 9章24节   背景资料  上一笔  下一笔
第九章是继续先知耶利米tī第八章对犹大人民ê谴责,chit章所用ê句话lóng真严厉,ē-tàng看出犹大人民已经完全听不入去先知ê呼声,而且根本不kā上帝khǹg tī眼中。因为án-ne,先知耶利米tī预言耶路撒冷城ê景况ê时,真清楚讲tio̍h伊会变成一堆废墟,无koh有人khiā起,kan-taⁿ会「成做野狗ê窝」。

Koh讲,chit章mā有一个特色,就是用「问」kah「答」方式写做ê诗歌,这「问」kah「答」m̄-nā用tī上帝kah犹大人民,mā用tī上帝kah先知耶利米之间。

第1节,tī希伯来文圣经,chit节是编辑tī第八章最后一节,说明先知耶利米希望用伊ê目屎代替基列ê膏药,来医伊ná受难ê同胞。Chit节mā说明为甚么有人称呼先知耶利米是一个「啼哭ê先知」。因为伊「日瞑为被刣ê同胞啼哭」,chit节thang看出巴比伦军队对耶路撒冷城内ê以色列人民之残酷,远远超过所ē-tàng想像ê严重。

第2到3节,chit节ê前半句thang看出先知耶利米真无奈ê心声,因为伊ê同胞m̄-chhap伊,m̄听伊ê劝导,甚至有人想beh杀害伊(参考耶利米书二十:10)。M̄-koh伊mā无客气地指出家己ê同胞是「一阵叛徒」,in并m̄是用真实ê心teh敬拜上帝,只不过是用宗教礼仪来掩盖(khàm)in犯罪ê行为(参考以赛亚书一:13—14,阿摩司书五:21—23)。In「随时随地讲白贼,虚假取代了真理」,in「m̄承认」上帝,「藐视」上帝ê人。

第4到6节,chit三节经文一再强调犹大人民已经是欺骗成性,「人人欺骗朋友」,而且是「随时随地讲白贼」又koh是「接二连三地强暴欺诈」,上帝讲犹大人民就是án-ne「弃sak」他。

第7到9节,为tio̍h chit-ê缘故,上帝认为一定tio̍h好好á「锻链」、「考验」犹大人民而且是beh用严格ê方式来「惩罚」,因为in讲话ê「嘴舌像锐利ê箭」,mā一再「挖陷阱」陷害别人,因为án-ne,上帝会对chit种人民kah国家ê领袖采取严厉惩罚、报复,thang hō͘ in知影上帝ê忿怒。

第10到11节,chit两节讲出上帝惩罚ê动作,mā thang看出上帝严厉惩罚了后所呈现ê惨状。Chia ê「为山冈悲鸣哀号」、「为草原唱一首挽歌」等,lóng teh表示原本是kui片大草原thang放牧牛羊ê所在,chit-má是连「飞鸟行兽lóng绝迹」,原因是kui片草原lóng已经「被烧成焦土」了。而且上帝mā tio̍h「hō͘耶路撒冷荒废」,成做「野狗ê窝」,koh khah án怎都无人khiā起其中。

第12节,先知耶利米问上帝ê问题。伊问上帝为甚么「土地荒废,像沙漠干旱」,kah原本上帝赏赐hō͘ in ê「流奶kah蜜之地」(参考耶利米书十一:5,出埃及记三:8)出现完全无仝ê景象。伊问上帝「甚么人够聪明,ē-tàng明白这道理」,希望明白上帝旨意ê人ē-tàng去向别人「解释」?

第13到16节,chit段是上帝回答先知耶利米ê询问。上帝真清楚hō͘先知耶利米知影,会有chit种结果是因为犹大人民(上帝ê子民)「弃sak」、「m̄听从」、「不实行」上帝ê旨意kah教导。In一再地「一意孤行」去拜「巴力」神明,而且是tùi in ê「祖先」开始就án-ne做,这mā说明上帝确实是容忍真长ê时间。chit-má上帝决定beh采取惩罚,beh hō͘犹大人民「食苦果,lim毒水」,这lóng teh表示性命ê苦难会tī每工ê生活出现。因为「果」kah「水」表示每日生活ê必需品。甚至mā tio̍h hō͘ in被敌人俘虏,然后kā in贩卖「流放到各国」,是「到in祖先kah家己lóng无听过ê所在去」,这是非常悲惨ê结果。

第17节,chit节是上帝讲ê话。他hō͘犹大人民知影,siōng好是「雇用陪哭ê妇女来哀号」,去「雇专唱挽歌ê cha-bó͘-gín-á来哀悼」,这已经清楚表示犹大ê灭亡是确定了。

第18到19节,chit两节是犹大人民ê回应,当in知影已经无挽tńg来ê机会ê时,mā表示án-ne就只有请人来「唱挽歌」,而且是唱到hō͘ in「痛哭流涕,目屎如雨下」,以抒解心中ê艰苦心。Chit时,in已经听见「锡安城里哀号ê声音」,知影国家被敌人「摧毁了」,而犹大人民是「大大地受辱」,被敌人以残酷ê手段对待,无所谓性命尊严thang讲。因为正kah上帝所讲ê仝款,in受掠「一定tio̍h离乡背井」,家无了。

第20到22节,chit三节讲出耶路撒冷严重伤亡ê景况,就是死亡人数级chē,连专唱挽歌ê职业妇女mā忙不过来。因为án-ne每户tio̍h教家己ê cha-bó͘-kiáⁿ mā学习帮忙唱「哀歌」,á是「教朋友唱挽歌」,因为四界lóng有人丧亡。M̄-nā是人民受难,王室宫廷mā仝款受灾,「街上ê孩童」横尸遍地,「少年人」tī「广场上」被刣死ê koh khah chē,chiah-ê尸体堆积chē到像「田野里ê粪堆」仝款。

第23到24节,chit两节是真重要ê经文。说明人tī上帝面前有甚么thang the̍h来kah上帝比并ê?无,因为所有ê,lóng是tùi上帝来ê赏赐。除了感谢kah荣耀上帝以外,无任何thang夸口口ê所在。

「智者bē-tàng夸耀家己ê智慧」,圣经讲「智慧」,是teh指认bat上帝(参考箴言一:7、九:10)。因为án-ne,当人beh夸耀家己有智慧ê时,就应该以「夸耀认bat」、「明白」上帝,而且是认bat上帝有「无变ê疼」,chit点chiah是重点,mā是上帝ê特性之一。

「勇士bē-tàng夸耀家己ê气力」,chit句话thang tùi以色列人民出埃及过红海ê事件看出来,就算埃及帝国是当时siōng强盛国家,派出tui-jiok以色列人民ê是该国siōng精锐部队,结果mā lóng沉无tī红海中,无一佳哉免得(参考出埃及记第十四章)。相对tī以色列人民是手无寸铁ê难民,因为有上帝kah in同在,而ē-tàng安然无恙。

「富人bē-tàng夸耀家己ê财富」,ná亲像约伯所讲ê,赏赐lóng是tùi上帝来,人无法度永远拥有,除非人ē-tàng尊主为大,若无,只要上帝伸手收tńg来,一切lóng kā失去(参考约伯记一:21),这mā是上帝赏赐hō͘以色列人民siōng肥ê土地khiā起,mā thang摧毁chit-ê流奶kah蜜之地仝款简单。耶稣ê譬喻中提起财主bē记得上帝,上帝thang收tńg来伊赏赐ê财富转赐hō͘别人(参考路加福音十二:20)。

而认bat上帝ê特性之二,是他「执行公道,伸张正义」,chit句话说明上帝所拣选ê奴仆、子民、国家、民族,lóng一定tio̍h学习上帝chit-ê教导,去执行公道,伸张正义(参考创世记十八:19,以赛亚书十一:4—5、四十二:1、4、6,阿摩司书五:24,弥迦书六:8)。若是无án-ne,就无算是认bat上帝。
第25到26节,chit两节说明kui个中东沙漠地带ê民族,lóng有行割礼ê风俗,而chit种风俗是「成人礼」,tùi十三岁开始。M̄-koh以色列人民ê割礼,是tī出世后ê第八工举行,表示以色列人民tùi出世后就开始kah上帝立落来bē-tàng分割ê「约」(参考创世记十七:9—14)。

「剪短了头毛」,这是因为迦南地ê人民用剪短了头毛来表示对神明ê尊敬。Á以色列人民是留长发,以示kah in有所区别。M̄-koh siōng重要ê区别,m̄是外表ê记号,如:剪短了头毛á是接受割礼。却是一定tio̍h tī「心灵上」受割礼chiah重要,chit点先知耶利米chìn前已经有讲过(参考耶利米书四:4)

重新查询 专卷研经 耶利米书系列
错误回报,请联系comm[@]fhl.net