Chit段经文koh一pái说明犹大人民偏行己路，固执ê心并无因为敌军已经兵临城下而归向上帝，而凶悍ê侵略者，已经绝对m̄是犹大人民ê能力所ē-tàng抵挡、承受，上帝ài先知耶利米kā犹大人民讲tio̍h赶紧悔改走chhōe上帝ê庇护，上帝愿意拯救in，m̄-koh in ê心内却iáu-koh刚硬，m̄肯听从上帝ê话语，最后，上帝只好放弃，hō͘ in去承受苦难。

第16到17节，上帝「苦劝」犹大人民「tio̍h khiā tī十字路口观察」，详细观察并「探问hiah-ê旧路，查一查hit条siōng好ê路」。Chia ê「旧路」、「siōng好ê路」，是teh指「祖先ê道路」，意思是teh指摩西带领以色列人民行出埃及进入旷野ê时，一再教导以色列人民ê祖先，tio̍h谨守、遵行上帝ê诫命、律法，就ē-tàng存活落来。M̄-koh犹大人民并无听上帝ê苦劝，包括上帝「指派守望者，替in听警报ê角声」，in mā是仝款听tio̍h警报声了，iáu m̄相信。

第18到21节，chit段经文记载上帝决定惩罚犹大民，「降灾祸hō͘ in」，即使in献上siōng美好ê「乳香」、「香料」，认为án-ne thang hō͘上帝欢喜，m̄-koh上帝拒绝in任何献祭，因为他只希望犹大人民听从他ê话。M̄-koh in iáu-koh m̄听，结果就是面临国家「灭亡」，人民死亡惨重。

第22到23节，chia koh一pái提起「「有一个民族beh tùi北方来；tī远方ê一个强猛国家准备ài作战」，这lóng是teh指巴比伦帝国。In有好ê军事武力，而且手段非常「蛮横残暴」，「准备ài攻击耶路撒冷」。

第24到25节，chia真清楚指出，敌人已经进入城内，进行搜索ê工作。只要看见人，就会刣戮。Chia形容耶路撒冷城内ê犹大人民心中ê感受，「像产妇阵痛」、「周围充满tio̍h恐怖」，chit种句话lóng是先知耶利米常用ê句话（参考二十：3、10）。

第26到30节，chit段经文是上帝kā犹大人民讲，in拒绝听从上帝ê信息之结果，就是：「披上麻衣」、「tī灰中phah滚」、「悲伤哀号，向丧失独生kiáⁿ」仝款ê凄惨，原因是犹大人民是「顽劣ê叛徒，in ê心非常「刚硬」、「腐败」，结果别国ê人民会kā in当做「渣滓」仝款看待，就是因为「上主hiat-ka̍k了in」，hō͘ in成做无价值ê废物。