耶利米书 6章1节 到 6章15节   背景资料  上一笔  下一笔
Chit章是讲tio̍h敌人已经兵临城下,真紧to̍h beh攻入城里。Tī第四章6节讲tio̍h「大毁灭beh tùi北方临到」,然后第六章1节开始就讲「大灾大难teh要tùi北方临到à」,m̄-koh显然ê,先知对当时耶路撒冷ê人民讲出chit种信息,in kah-ná无感á是iáu执迷不悟。

Thang kā chit章分做三个段落,一是tùi第1到8节,先知ê信息是呼吁in赶紧逃走pah,因为敌人就beh到à;二是第9到15节,先知iáu心存一丝ǹg望,希望ē-tàng chhōe-tio̍h真正对上帝忠心ê子民,m̄-koh这期望是落空了;三是第16到30节,chit段经文描述犹大人民iáu-koh无愿意听从上帝奴仆先知ê信息,in一意孤行。

Chit段经文是teh kā南国犹大人民讲,tùi北方来ê敌人,就是teh代表上帝已经teh生气、忿怒了,若是大家iáu想beh生存落去,m̄-thang受tio̍h koh khah大ê灾难,赶紧悔改是iáu会赴。M̄-koh犹大人民真正ê问题,就是拒绝听从上帝ê话,甚至严重到连该忠于上帝ê奴仆—祭司kah先知—mā仝款犯罪,甚至是带头犯罪,án-ne chiah是真正ê问题所在。

第1到3节,chit段经文讲出北方ê敌人已经接近耶路撒冷了,因为án-ne,chia呼吁「便雅悯人」ài赶紧「逃命」,并且beh「tī提哥亚吹号」,提哥亚是设tī耶路撒冷以南大约20公里ê所在,而「伯哈・基琳」,这是为tī耶路撒冷以南约三公里ê所在,chit-má ê名是「拉米拉亥」(Ramet Rahel)。先知耶利米讲ài tī chit座守望台点to̍h烽火作为警告,hō͘耶路撒冷城内ê以色列人民赶紧逃出来。因为耶路撒冷城真紧to̍h会hō͘强ê敌人hō͘「毁灭」。来攻击耶路撒冷ê,是「列国ê君王beh率领in ê军队」,因为án-ne表示m̄是只有巴比伦军队而已,iáu有其他ê国家mā加入联军行列。Chiah-ê联军已经包围了耶路撒冷,犹大人民无所在thang逃。

第4到5节,chit两节是攻击ê敌方彼此之间ê对话,表示原来攻打耶路撒冷ê联军,是准备连瞑攻击,一丝á无停留,连hō͘耶路撒冷人民喘气ê机会mā无。

第6到7节,「phut伐树木,堆造土垒」,前者是为tio̍h用树干当做撞开城门,á是kah堆高ê土垒同齐架khǹg tī墙壁顶面作为攀爬城墙ê路用。即使是án-ne,耶路撒冷ê人民连一点悔改ê意念mā无,iáu继续不断来像「水井不断来涌出清水」一般犯罪,而koh khah令上帝受气ê,是in ê手段是jú来jú「残暴」,致使受害人民呼喊ê声音chiap-chiap传出,受害者ê「病痛kah伤痕」不断出现。

第8节,tùi chit节thang看出上帝tī非常忿怒中,iáu是心存怜悯 ,呼吁耶路撒冷ê人民赶紧悔改归向上帝。若无,上帝会「弃sak」in,hō͘耶路撒冷「城荒废,无人khiā起」,in会被掠到外国去,hō͘耶路撒冷城变成空城、废墟无khiā起ê所在。

第9节,chit节用采收葡萄园里ê葡萄做譬喻,来说明犹大人民teh beh面临ê灾难,ná亲像葡萄园里ê葡萄一般会全部被挽光。Chit句「尽量抢救残存ê人」,有一个意思,就是beh把握chit-ê机会,tī敌人iáu未tńg来chìn前,抢救hiah-ê残存ê人民,ná亲像赶紧去kāchhun落来ê葡萄摘落来仝款。Chit种「残存」子民ê观念一再出现tī先知耶利米ê信息中(参考四:27、五:18、四十六:28),表达上帝是充满恩典慈悲ê神,虽然他tī非常忿怒中,lóng是会留落来了一kóa忠实tī他ê子民。

第10到11节a句,chit节讲出先知耶利米tńg来覆上帝ê话,讲出真正ê问题是犹大人民并无听从伊传达ê信息,in心中固执,甚至kā上帝ê信息当做「讲sńg笑」,而每一pái上帝决定beh惩罚犹大ê信息出来,先知耶利米心中就会艰苦心到ná亲像火tī心中「火烧」,无法度忍受。

第11节b句到15节,chit段经文koh一pái出现tī第八章10到12节。

上帝回答先知耶利米ê话,真清楚讲tio̍h犹大人民会「受掠」,财产会被洗劫、侵占。上帝mā清楚说明他会án-ne对家己ê子民受气ê原因,就是in lóng「贪图不义之财,连先知kah祭司mā欺诈人民」,而lóng传出虚假ê信息,竟然m̄知见笑。

重新查询 专卷研经 耶利米书系列
错误回报,请联系comm[@]fhl.net