耶利米书 52章24节 到 52章30节   背景资料  上一笔
Chit段经文写ê koh khah详细,说明侍卫长尼布撒拉旦所俘虏去巴比伦ê,是犹大mā是最后一批hông掠去ê菁英。

第24到27节,chia siōng先列出来ê是宗教领袖「祭司长西莱雅」,伊是希勒家ê孙á,而希勒家是约西亚时代ê大祭司,伊ê族谱thang追溯到亚伦时代(参考历代志上六:13—15)。

「副祭司长西番雅」,可能是第廿九章24到29节,以及第三十七章3节所提起ê。

「圣殿ê三个重要官员」,以及真chē重要官员,chia并无记录in ê名,m̄-koh却被巴比伦王尼布甲尼撒下令「拷phah」了后,koh「Kā in处死」。

祭司长kah圣殿ê高级官员lóng被处死ê原因真简单:宗教信仰关系到人民ê行为是m̄是正确,特别是tī以信仰建造起来ê民族以色列来讲,宗教领袖并无单纯是属tī宗教阶级人员而已,in iáu担任规范社会生活准则ê重要角色。因为án-ne,in被处死,mā说明另外一个意义:一个社会ê毁坏,宗教人员tio̍h负起重要ê责任。

除了chiah-ê重要ê祭司长等圣殿重要官员受掠外,应该iáu有大批祭司人员mā仝款被俘虏到巴比伦去做奴隶。尼布甲尼撒王kā in俘虏到巴比伦去有特别意义;一是耶路撒冷圣殿已经毁坏,即使chiah-ê人留落来tī耶路撒冷mā无甚么作用,in kan-taⁿ会变成不事生产ê粮食消费者。因in是属tī高级知识份子,因为án-ne chhōa in去巴比伦对被俘虏ê以色列人民有稳定心灵ê作用。二是因为祭司原本是tī圣殿工作ê,chit-má被俘虏到巴比伦去反tńg无适合ê工作,m̄-koh in lóng是受过专业训练ê人,圣殿ê各种大细工作lóng是由祭司负责,包括维修器材等。

第28到30节,chit三节记载chit pái俘虏到巴比伦去ê人数,共计是「四千六百人」。

尼布甲尼撒王在位ê「第七年」,这是teh指主前597年。俘虏ê人数是「三千零二十三人」。这数目可能只计算年满二十岁ê cha-po͘人而已,因为这kah列王记ê记录人数无仝(参考列王记下廿四:14、16)。

「第十八年」,则主前586年。

「第廿三年」,这是teh指主前581年。Án-ne共计有三pái俘虏ê行动。

第31节,「以未・米罗达作巴比伦王ê hit年」,mā就是主前561年,距离「约雅斤」被俘虏后已经长到「三十七年十二月二十五日」ê时间。

第32节,会kā约雅斤释放ê主要原因,可能kah新王登基有关,通常会举行大赦。Koh讲,约雅斤当时并无反抗巴比伦王尼布甲尼撒,伊是带官员出耶路撒冷城门去投降。因为án-ne伊受tio̍h巴比伦王ê礼遇,「高过被掠到巴比伦ê其他国王」,chit句话表示被掠到巴比伦去ê国王、大臣真chē,m̄-nā是犹大王而已。

第33到34节,约雅斤算是真好字运ê人,伊ē-tàng kah「巴比伦王同桌进餐」,表示伊已经无koh被当做奴隶、囚犯看待。因为伊「得tio̍h允准脱掉囚衣」。而且iáu有「每工ê生活费用,直到伊往生ê日子」,这mā表示直到伊死ê时,lóng是tī巴比伦,而chit段时间,伊ná亲像王宫ê贵宾仝款。

重新查询 专卷研经 耶利米书系列
错误回报,请联系comm[@]fhl.net