耶利米书 51章24节 到 51章35节   背景资料  上一笔  下一笔
这是上帝beh犹大人民看见上帝怎样惩罚巴比伦帝国,而且上帝ê惩罚是hō͘ in差不多彻底毁灭。

第24节,chit节指出犹大人民会「亲目看见」上帝ê报复tī惩罚巴比伦。上帝ê惩罚并m̄是默默去执行,却是hō͘犹大子民亲目看见,为tio̍h是beh hō͘ in知影,上帝并无会hō͘人随意胡乱作为,mā bē袖手旁观,他是会受气ê上帝,mā是会惩罚、报应ê上帝,他一定会hō͘家己所建造ê世界有秩序。违反了上帝创造ê秩序,就beh受tio̍h惩罚。

第25到26 节,原本巴比伦帝国像一座高高在上ê山,因为伊有强大ê武力,因为án-ne征服并统治所有ê附近国家,hō͘ chiah-ê弱小á是被伊统治ê国家、民族总认为伊像一座高山仝款,无法度攀登到伊ê山岭,只有ē-tàng仰望。M̄-koh chit-má上帝对伊ê惩罚,就是kā它「削平」落来,并且beh kā它「烧成火灰」,这表示上帝beh hō͘巴比伦帝国「永远荒废」,hō͘原本thang用ê「基石á是墙角石」,chit-má lóng变成不堪使用ê废弃物。

第27到28节,「亚giú腊」,这是设tī亚美尼亚境内ê「凡湖」(Lake Van)西北pêng ê所在。

「米尼」,mā是tī「凡湖」附近。

「亚实基the̍h」,是西古提人ê祖先。Khiā起tī幼发拉底河上游地区。

「米底亚」,这是tī今á日伊朗ê西北部。Tī主前612年到609年间,当地居民bat kah巴比伦联手攻打亚述。然后tī主前539年kah波斯联手攻打巴比伦帝国,就是chia所讲ê「米底亚诸王」ê意思。

Chia mā koh一pái提起攻打巴比伦帝国ê联军ê chē,ná亲像「草蜢仝款chē ê军马」(参考四十六:23、五十一:14),表示来攻击ê兵丁是chē到巴比伦根本就无法度抵抗,而当chiah-ê庞(pâng)大ê联军一过,巴比伦差不多就全部lóng被搜刮殆尽,ná亲像草蜢过境一般,寸草不留。

第29到33节,chit段经文述讲起来攻打巴比伦帝国ê情况,确实是震撼了kui个巴比伦帝国,因为这是上帝teh执行他毁灭巴比伦帝国ê计画,chit时chūn ê巴比伦城内ê人民发见ê时已经来不及反抗了,「巴比伦ê战士惊惶失措」,m̄知该怎样整军反抗。就án-ne只好「放落武器,bih起来tī堡垒内面」。Chia讲「巴比伦kā像phah粟á ê五谷场仝款被践踏」,表示巴比伦非常软弱ná亲像轻到thang tòe风飘散ê糠秕仝款,根本不堪一击。
	
第34到35节,chit两节讲出主前586年耶路撒冷被巴比伦王尼布甲尼撒毁灭ê时是hō͘洗劫一空。chit-má tú好颠倒,变成巴比伦帝国被波斯帝国侵犯,hiah-ê当年tī耶路撒冷被俘虏到巴比伦城ê以色列人民,开始欢呼,in大声hoah讲:「咱应该报复」,「应该追讨血债」上帝beh巴比伦kā所吞落去ê战利品全部lóng「交出」来。

重新查询 专卷研经 耶利米书系列
错误回报,请联系comm[@]fhl.net