耶利米书 50章21节 到 50章46节   背景资料  上一笔  下一笔
Chit段经文ê主题中心teh说明巴比伦帝国为甚么会tùi上帝ê奴仆(大铁锤),变成被上帝惩罚ê对象?理由就是「对敌上帝」(第24节)、「狂傲地对敌上帝」(第29节)、「狂傲」(第31、32节)。虽然是一再讲巴比伦帝国「狂傲」,其实就是讲巴比伦想beh扮演上帝ê角色,认为家己就是上帝,bē记得强盛是tùi上帝来ê拣选,tio̍h用伊来惩罚背逆上帝ê以色列人民,以及kah以色列人民四周hiah-ê附近ê族群。M̄-koh巴比伦并m̄是上帝,只不过是上帝ê奴仆。

第21节,「米拉大翁」,意思是teh指「加倍叛逆」,这可能kah巴比伦语ê「maratu」字有关系,因为这字是teh指巴比伦南部ê地区。

「比割」,这是巴比伦字「Puqudu」,意思是「审判tùi上帝来」,是teh指东部ê巴比伦。

Kā顶面所讲这两地合起来,意思是teh指全部ê巴比伦lóng kā受tio̍h上帝严厉ê惩罚,而且惩罚非常严重,远比一般ê惩罚koh khah严重,因为是「加倍」ê惩罚。

第22到27节,chit段经文描述上帝下令攻击巴比伦ê军队怎样惩罚巴比伦。Mā就是过去ê巴比伦「bat像一把大铁锤,征服了全世界」,m̄-koh「chit-má」这kā铁锤「被捣碎了」。因为上帝ná亲像thí开罗网,已经准备好势beh掠tiâu伊。然后将军械库ê武器lóng全部出笼攻击巴比伦,hō͘它lóng无防御ê机会,结果谷仓phah开,巴比伦人只有ê就是完全投降,缴出in所有ê财物,所有抵抗ê士兵lóng被「刣死」,而且差不多就是「全数歼灭」。

第28节,chit节是编辑ê加笔。

「巴比伦逃出来ê难民tńg来到耶路撒冷」,这kah历史事实有点á不相符。因为波斯帝国皇帝塞鲁士是公开下诏令,ài全国人民协助以色列人民回乡(参考历代志下三十六:22—23)。因为án-ne,无所谓「逃出来ê难民」chit种问题。不过thang理解:当巴比伦帝国遇tio̍h波斯帝国攻击ê时,tú好是hō͘掳ê以色列人民得tio̍h脱离奴隶ê机会,可能有人利用机会逃出集中营(参考以西结书一:1)。M̄-koh编者特别强调上帝惩罚巴比伦帝国ê原因,是kah巴比伦人「烧毁圣殿」ê事有关,上帝是为tio̍h án-ne事采取报复行动。

第29到30节,chit两节thang参考第14到16节、第四十九章26节。

古代社会弓箭手ē-sái讲是战争场上siōng重要ê攻击kah防卫手。上帝下命令,ài所有弓箭攻击手,「不准有一个人逃脱」,这表示对巴比伦帝国ê惩罚是非常彻底,beh完全歼灭ê意思。


「伊怎样待别人,就照样待伊」,chit句重复第15节b句。Mā thang参考第廿五章14节。

「伊狂傲地对敌上帝」,chit句说明上帝beh严厉惩罚巴比伦ê原因。Á tī上帝惩罚之下,巴比伦差不多是彻底被消灭了(第30节)。

第31到32节,chit两节lóng teh强调巴比伦是一个狂傲ê国家,tī伊ê眼中根本to̍h无上帝。

Chit种国家、民族tī tú-tio̍h上帝受气、惩罚ê时,mā bē有人敢出来帮忙、扶持,因为he是上帝ê惩罚,甚么人帮助上帝惩罚ê对象,就是对敌上帝仝款,kan-taⁿ会引起上帝ê忿怒而已。

第33到34节,chit两节形容上帝看tio̍h以色列人民tī巴比伦被「压迫」,逼kah in过奴隶ê生活。M̄-koh上帝却施展了他「大有能力」ê手,tio̍h用惩罚巴比伦人ê方式「亲自替in伸冤」。

第35到38节,这是一首名为「剑之颂」ê诗歌,原本tī以西结书第廿一章1到17节是用「上帝ê剑」来描述上帝怎样惩罚ná弃sak他ê以色列人民。Tī chia是用来形容上帝惩罚巴比伦帝国。

Chit段诗歌主要内容teh颂赞上帝beh替以色列人民报复,攻击巴比伦帝国。攻击ê方式除了是军事力量由附近各国联合ê军队出兵摧毁巴比伦ê军队外,koh khah重要ê是第38节所提起ê,上帝kā以「旱灾」攻击chit-ê bat被拣选做奴仆ê帝国,hō͘伊因为旱灾来临,河流干涸而无法度种作,chit时chūn就会凸显出拜偶像神明ê人民是jōa-ni̍h-á愚戆,因为chiah-ê偶像神明并bē-tàng解决干旱ê问题,in m̄是真神,无法度命令天降大雨tī土脚。干旱,hō͘土地龟裂无法度种作,饥荒kā tòe之而来。

Chit段诗歌真清楚讲出若上帝决定beh彻底消灭,无论人累积jōa-chē财富,结果lóng kā成空。巴比伦皇帝尼布甲尼撒ê部队bat tùi耶路撒冷圣殿kah宫殿搜刮所有ê贵重物件,结果全部lóng被波斯帝国皇帝下令归还。

第39节,chit节thang参考以赛亚书第十三章20到22节。

Chit节讲出巴比伦tī惨败了后,会出现ê景象,就是「鬼神、污灵」,kah「枭鸟」lóng会出现,hō͘巴比伦人感觉不安、惊惶。上帝过去怎样消灭所多玛kah蛾摩拉这两座犯罪ê城,mā tio̍h用仝款ê方式来毁灭巴比伦。

第41到43节,重复第六章22到24节。

Tī该所在ê经文是描述耶路撒冷kā受tio̍h来自北方强猛ê民族巴比伦摧残,chit-má则角色对换,换做巴比伦帝国kā受tio̍h这新兴ê波斯帝国用仝款ê方法hō͘ in摧毁殆尽。Chia mā koh一pái用「kah-ná产妇阵痛」ê句话描述痛苦ê感受。Tī先知耶利米ê譬喻中一再出现,thang参考第四章31节、第六章24节、第四十九章24节等等所在。

第44到46节,chit段经文kah第四十九章19到21节仝款。该所在ê经文是用来描述以东,chit-má则形容巴比伦帝国就是上帝所beh彻底毁灭ê对象,原因是伊胆敢成做上帝ê对敌者(参考第24节)。

启示录ê作者mā因为chit段经文,指出巴比伦就是末日审判被上帝惩罚ê主要对象(参考启示录十四:8、十六:19)。

Tùi chit段经文看tio̍h一个基本信息中心:甚么人自认有力量抵挡上帝,成做上帝ê仇敌,甚么人就是自取灭亡。

重新查询 专卷研经 耶利米书系列
错误回报,请联系comm[@]fhl.net