Chit章是先知耶利米teh指责耶路撒冷ê人民，mā就是南国犹大人民背叛上帝ê罪行，四界可见。因为án-ne，上帝惩罚ê方式，就是beh召集犹大ê敌人来攻击in。上帝决定beh严厉惩罚in，是因为伊看轻mā拒绝上帝奴仆先知传达ê信息。

Chit段诗歌是上帝kah先知耶利米之间ê对话。上帝ài先知耶利米去chhōe看是m̄是有公正ê人，结果先知耶利米并无chhōe-tio̍h，chit时伊chiah醒悟过来，原来上帝beh严厉惩罚犹大人民是对ê。

第1节，thang kā chit节对照创世记第十八章关系亚伯拉罕kah上帝之间ê对话，是真类似ê。上帝beh亚伯拉罕看是m̄是ē-tàng tī所多玛城chhōe-tio̍h「十个」无辜ê人，上帝就bē毁灭所多玛城。Á tī创世记第十九章则说明连一个mā无。Taⁿ对耶路撒冷城，上帝提出只要「chhōe-tio̍h一个正直忠诚」，上帝就会「赦免」耶路撒冷。上帝beh亚伯拉罕tī所多玛城chhōe「十个」，却tī chia向耶路撒冷人提出「看māi kám-ē-tàng chhōe-tio̍h一个正直忠诚ê人」，若是thang，「上主就会赦免耶路撒冷」，其实，chit句话ê意思是teh指连一个mā无。

第2节，chit节thang参考以赛亚书第廿九章13节。

犹大人民并m̄是真心敬拜上帝，却是用虚假ê心回应上帝拣选ê疼。

第3节，chit节讲出以色列人民真正ê问题，就是m̄惊上帝惩罚（参考耶利米书二：30），mā可能是过去ê惩罚太轻了pah，chiah hō͘ in ê心iáu-koh「固执成性，m̄肯弃sak罪恶」。

第4节，chit节讲tio̍h犹大人民真正「sàn-chhiah」，是在tī对上帝ê话语「无知」。Chit种「无知」会致使in「m̄知上主ê道路，m̄知上帝ê法则」。诗人bat真清楚描述上帝ê律法kah法则会帮助人认清性命ê准则（参考诗篇十九：7—11）。

第5节，chia真清楚指出犹大人民ê领袖，并m̄是m̄知「上主ê道路」、「上帝ê法则」，其实in清楚，真正ê问题是in「否认上主ê权威，m̄肯服从」。原因是in已经跟tòe迦南地ê人去拜偶像神明了，并且认为偶像神明chiah是赏赐hō͘ in一切ê神（参考何西阿书二：5—8）。

第6节，「狮」、「豺狼」、「花豹」等等chiah-ê lóng是当时迦南地不时出现ê凶猛野兽。先知耶利米用chiah-ê凶猛ê野兽来形容敌人，in teh beh像chiah-ê凶猛ê野兽攻击犹大，原因是in「一再弃sak上帝」，犯罪非常严重。

第7到8节，chit节讲出上帝tī容忍到一个段落了后，决定收tńg来他ê赦免，因为人乱使用上帝ê恩典。因为以色列人民进入迦南地了后，就因为享受tio̍h上帝赏赐ê一切，过富裕生活了后，却bē记得上帝ê恩典，只知影四界去拜偶像神明，对上帝不忠ê意思。Chit两节用「饱暖思淫」、「chhōe娼妓」、「欲火旺盛」、「垂涎别人ê bó͘」chiah-ê词句，lóng是teh说明犹大人民拜偶像神明ê动作真频繁，而且热情khah赢过对上帝ê敬拜。

第9到10节，为tio̍h犹大人民悖逆ê行为，上帝决定beh「召敌人来毁坏」teh象徵以色列民族ê「葡萄园」，ài kā hiah-ê m̄听从上帝旨意ê「枝子」hō͘ in「phut掉」。

注意chit句「只是不彻底kā它摧毁」，chit句话thang参考耶利米书第四章27节、第五章18节，lóng是teh表示上帝beh保留hiah-ê对他忠诚ê子民，mā就是所谓ê「残存」ê子民。

第11节，chia讲「以色列人kah犹大人」，这是teh指雅各所有ê kiáⁿ孙，包括十二支派所有ê人民。意思是teh指分裂后ê南北两国人民lóng仝款，北国以色列tī主前721年亡国，南国犹大并无因为án-ne而警醒，颠倒ê，in照样犯下北国以色列人民所犯ê罪过，甚至是koh khah严重（参考耶利米书三：8，以西结书廿三：11）。