耶利米书 46章1节 到 46章12节   背景资料  上一笔  下一笔
Tùi chit章开始到第五十一章止,lóng是有关上帝论到列国ê信息,ná亲像以赛亚书第十三到廿三章;以西结书第廿五到三十二章;阿摩司书第一到二章;西番雅书第二章四到十五节等等经文,mā出现仝款ê先知信息,内容mā是预言有关以色列附近国家ê未来。Tī耶利米书是tùi第四十六章谈起埃及ê处境,然后提起有关非利士(第四十七章)、摩押(第四十八章)、亚扪、以东、叙利亚、基达族kah夏琐城、以拦等国,kah民族teh beh受tio̍h上帝惩罚ê事(第四十九章),最后是用两章ê篇幅论到有关巴比伦会毁灭,上帝beh审判它,是因为它「太狂傲了」(参考五十:31—32,以赛亚书十四:12—15)。第五十二章则kā第三十九章有关耶路撒冷城kah圣殿被毁灭扼要ê记事,koh khah详细记载,而chiah-ê记事在列王纪下第廿五章mā有仝款ê记载。

Tùi第四十六章3节到第四十八章20节,chit段经文lóng是用诗体写做ê。内容是关系埃及帝国kah非利士人、摩押族人ê灭亡。Teh论到埃及ê问题ê时,第一首诗歌就是tùi第3节直到第12节。Kui首诗歌ê中心思想是:只要是上帝出手惩罚,即使是siōng伟大ê国家mā会灭亡,就算是有siōng坚强ê军事武力mā是枉然。

第1节,「上主向我提起有关列国ê事」,chit句话已经说明以后六章ê内容之引言,lóng是kah以色列民族附近国家有关系ê事。

第2节,chit节说明以后诗歌是「关系埃及」ê事。

Chia提起「埃及王尼哥」,伊就是主前第610到595年统治埃及。根据历史ê记载,伊tī主前605年,mā就是巴比伦帝国皇帝尼布甲尼撒上任ê第一年,尼哥国王想beh恢复古埃及ê荣耀,当伊知影亚述已经被巴比伦phah倒,清楚知影真正危险就是来自巴比伦帝国,而且hit年又koh是新皇帝尼布甲尼撒上任,就án-ne率领大军去攻打巴比伦帝国ê军队,主要目的就是beh取代亚述帝国tī巴勒斯坦ê统治权。M̄-koh无想tio̍h却tī迦基米施一役,被巴比伦帝国phah败,chit-ê败mā结束loh久长以来埃及帝国想beh tī巴勒斯坦称霸kah统治kui个中东地区ê野心,mā同时改变了kui个巴勒斯坦政治版图,巴比伦兴起取代了亚述,而且后来成做统辖以色列民族十二支派ê强国。

Chia提起「迦基米施」,中文《和合本》用「伯拉河」,该所在设tī幼发拉底河ê北pêng,军事地位重要,m̄-nā巴比伦帝国想占领,埃及mā想占有该所在,连犹大mā担心chit所在被巴比伦帝国占有,因为án-ne,正teh进行宗教改革ê犹大王约西亚就bat率兵去阻止埃及出兵,结果反tńg被尼哥王所刣,犹大m̄-nā兵败,而且iáu赔上了大笔金钱,总数 是银á三千四百公斤,黄金三十四公斤(参考列王记下廿三:28—33)。

Tùi第3节开始,直到第八章20节lóng是用诗ê形式描写。

Chit两节是描述埃及指挥官发出命令beh出兵攻打巴比伦,tùi第4节thang看出埃及ê军事装备非常齐全,是非常坚强而且现代化ê武力,tùi chiah-ê军事装备来看,mā thang看出当时埃及是一个非常富裕ê国家。

第5到6节,chit两节teh论述chit pái埃及kah巴比伦两国tī迦基米施ê战役。虽然埃及有坚强ê阵势,siōng先进ê军事装备,m̄-koh tī上帝眼中看见ê埃及军队,是「惊惶退却」、「战士溃败,拚命奔逃,m̄敢回头」,而且是连siōng会走ê战士「mā走bē掉,in lóng覆灭瓦解」,这真清楚表示埃及军队会遇tio̍h惨败。

第7 kah 9节,「像尼罗河上涨,像江河泛滥」,表示埃及军事力量声势庞(pâng)大,就kah埃及尼罗河每年泛滥成灾ê时ê样式,ná亲像水库teh泄水一般ê雄壮。先知耶利米用chit种诗句来说明埃及尼哥王出兵攻打巴比伦帝国军队,kah-ná有想以chit pái战役就一举消灭对方ê意思。因为án-ne用「尼罗河上涨」来形容埃及ê军队,坚强到kah-ná是任何人为力量lóng无法度阻挡ê款。

「古实」,这是teh指今á日ê衣索匹亚。

「弗」,真可能是今á日ê利比亚,á是索马利亚。Lóng是当时埃及统治之下ê地区。

「吕底亚人」,mā是非洲ê一个族群。Tī创世记第十章13节,用「路低人」ê名称,属埃及人ê kiáⁿ孙。真gâu使用弓箭(参考以赛亚书六十六:19),特别是真gâu骑tī马上回头射击敌人。Tī埃及ê国王尼哥算盘里,这是一支坚强ê队伍,对抗巴比伦军队必定绰绰有chhun。

第10到12节,chit段诗歌提起上帝beh采取ê行动。Chia讲上帝beh「报复」、「惩罚」埃及,而惩罚ê方式就是借用巴比伦军队ê剑当做器具,用脚头u想mā知,上帝既然khiā tī巴比伦chit pêng,就thang看tio̍h埃及军队受伤ê严重。

所谓去「基列」去「chhōe膏药」,koh khah严重ê是「所有ê药品lóng无效」,这表示埃及军队所受ê伤非常惨重,严重到无药thang医。「基列」,是一个以出产药品出名ê城市。特别是它所出产ê乳香,tī当时m̄-nā用来当做特等香料,koh khah重要ê,mā是非常真贵ê药品。Á chit句「大地tńg来响tio̍h你ê哀号」,tú好表示埃及军队惨败ê情况是「战士kah战士相撞」,表示伤重ê士兵无法度khiā稳行走,彼此跌撞做伙。

重新查询 专卷研经 耶利米书系列
错误回报,请联系comm[@]fhl.net