耶利米书 45章1节 到 45章5节   背景资料  上一笔  下一笔
耶利米书第四十五章因为真清楚是写「约西亚ê kiáⁿ约雅敬作犹大王ê第四年」,thang对照第三十六章1节来看,就会发见有kóa学者认为chit章应该编辑续接tī第三十六章了后,因为lóng是先知耶利米ài秘书巴录记落来伊所讲ê话。M̄-koh tī chit短短ê五节经文中,thang看出是第四十六到五十一章做真好ê引言,因为头前所有ê经文lóng是关系上帝对犹大子民讲ê话,而紧续落来ê六章lóng是kah外国ê兴衰有密切关系。

Chit章mā是先知耶利米teh回应巴录ê话。原因是巴录感觉性命有苦难。

第1节,「约雅敬作犹大王ê第四年」,这是teh指主前605年ê时间,伊是tī主前609年继位到主前598年。「巴录」,thang讲是先知耶利米siōng忠实ê伙伴,tī第三十六章4节绍介了巴录就是「尼利亚ê kiáⁿ」,而尼利亚乃是「玛西雅ê孙á」(参考三十二:12)。伊忠实地记录先知耶利米所讲ê话。

第2到5节,chit段经文lóng是先知耶利米传达上帝所讲ê话。

Chia提起巴录bat讲家己「悲伤痛苦」mā是「haiⁿ-haiⁿ叫而憔悴,bē-tàng安宁」,这可能是因为伊看见先知耶利米mā bat因为讲出上帝ê信息而被关入监牢,伊自觉可能mā会受连累,因为án-ne伊讲家己「完了」。M̄-koh先知耶利米hō͘巴录清楚知影,一切事lóng有上帝ê旨意,上帝ê奴仆只有ē-tàng听从上帝ê旨意,却m̄是只想tio̍h家己ê理念。先知耶利米hō͘巴录知影,过去上帝beh伊去「建立」ê,chit-má上帝决定beh「拔除」,原因是上帝子民lóng m̄听从他ê旨意。因为án-ne,伊决定beh kui个「拔除」,而且beh「对付大地」。M̄-koh上帝允准巴录有机会「逃命」,无论gōa chē,上帝lóng会保护伊,免受灾害。

重新查询 专卷研经 耶利米书系列
错误回报,请联系comm[@]fhl.net