耶利米书 42章1节 到 42章12节   背景资料  上一笔  下一笔
根据第四十章6节ê记载,先知耶利米被巴比伦将军尼布撒拉旦释放后,是tńg来到基大利ê身边,去协助重整残存留落来siōng贫困ê犹大人。Ē-sái讲是发生chit件大屠杀ê事件,却都无看见先知耶利米传出任何谴责ê信息,m̄-koh tùi这第四十二章thang发见,原来伊起先并不知情,是chit群采取救援ê约哈难等军官tńg来chhōe先知耶利米了后,伊chiah知影原来发生chit件残酷ê事件。Ē-sái讲是,即使是án-ne,伊iáu是无对chit-ê tāi-chì发出谴责ê声音,chit点一直被圣经学者感觉gông-gia̍h bē了解。

Chit段经文mā是非常重要ê一段文献,说明约哈难等人tī iáu未去埃及避难chìn前,是先tńg来chhōe先知耶利米,请求伊协助问上帝ê旨意,并且chiù-chōa一定会遵守听从上帝ê话。先知耶利米照in请求,kā上帝真实ê话传hō͘ in。

第1到3节,chit群跟tòe约哈难ê军官kah「各阶层人士同齐来」chhōe先知耶利米。In请求先知耶利米替in向上帝「祈祷」,主要目的是为tio̍h beh明白到底上帝有甚么旨意。Koh讲,in mā想beh知影续落来in该怎样行。In希望先知耶利米ē-tàng hō͘ in知影上帝ê意思,指示in性命ê方向。In向先知耶利米表示,chit-má in确实是「chhun落来寥寥无几」ê「残存ê人」。因为in中间有bē少人已经逃走到埃及去避难了。

第4节,chit节非常重要,先知耶利米答应in ê请求,并且表示会毫无保留kā上帝beh伊传达ê信息转告hō͘ in,hō͘ in知影。

第5到6节,chit两节是chiah-ê人民ê回应,表示in一定会遵守上帝ê话。In chiù-chōa表示:无论所得tio̍h信息ê结果「是好是pháiⁿ」,lóng一定会「听从」。M̄-koh当in听tio̍h上帝hō͘ in ê信息,是kah in所期待ê大不相同时,in表现出来ê态度,却是宁可相信家己ê判断,而bē记得家己bat向上帝发过ê誓。

第7到9节,「十工后」,这是因为先知耶利米需要thèng候确实地听tio̍h上帝ê声音chiah会回应出来。当伊听tio̍h上帝ê旨意了后,伊召集约哈难kah军官,以及各阶层人士,hō͘ in知影上帝beh hō͘ in ê信息。

第10到12节,chit三节是上帝透过先知耶利米回应hō͘ chit群代表来询问他ê旨意ê话。

先知耶利米真清楚hō͘ chiah-ê人知影,ài in留落来kah hiah-ê siōng-kài贫困、无hông掠去巴比伦ê犹大人民做伙,mā就是kah先知耶利米仝款留落来。In会亲像先知耶利米仝款得tio̍h上帝「拣选」,帮助犹大人民「建立」、「拆毁」、「培植」、「拔除」等,上帝一定会看顾in,kā in看做是拣选ê奴仆,ná亲像他拣选先知耶利米仝款。M̄-nā án-ne,上帝会以「仁慈」对待in,并且会hō͘ in「归回故乡」,这真清楚就是会保护in ê性命免受灾害。

重新查询 专卷研经 耶利米书系列
错误回报,请联系comm[@]fhl.net