耶利米书 4章19节 到 4章31节   背景资料  上一笔  下一笔
Chit段诗歌除了第22节是上帝ê话语外,其余lóng是先知耶利米teh述说心内ê苦闷。Tī chit段诗歌中,先知耶利米一再以「我看见」chit-ê词(包括有「我俯视」、「我眺望」、「我看bē-tio̍h」等词),来表达伊所看见teh beh来临ê现象,来形容以色列人民会tú-tio̍h ê惨状。Tùi chit段诗歌ē-tàng看出先知用上帝创造宇宙万物前ê混沌现象作为题材,用来形容以色列人民kah国家teh beh陷入ná亲像上帝创造chìn前混乱ê现象,除非有上帝ê灵来运行,若无,任何人都无力量ē-tàng挽狂澜。

Koh讲,chit段诗歌mā有另外一个特色,就是用相对词字显示出清楚ê对照,有时是表示涵盖kui个空间,亲像「大山」kah「小山」、「良田」kah「荒野」、「大地」kah「天空」等。

第19到22节,chit段诗歌讲出先知耶利米心中ê痛,就是敌军已经来到门前了,犹大人民iáu-koh m̄知悔改,「愚戆」到无想beh走chhōe上帝ê帮助。M̄-koh事实是「灾难」已经「续接teh来,全国荒废」,真显然chiah-ê犹大众领袖lóng m̄知道实况。莫怪先知耶利米会讲伊ê心「焦灼,坐立不安」,因为伊已经「听tio̍h军号ê响声,战争ê喊hoah」。

注意第20节所讲ê「帐棚」,意思是teh指家庭á是国家(参考以赛亚书五十四:2),koh thang做庇护ê所在。因为以色列人民是游牧民族,tī旷野时代就是用帐棚为家。Chia是teh指以色列人民ê家庭因为战争phah败仗,tùi án-ne瓦解。Á「我ê帐棚倒落来」,是teh指上帝耶路撒冷圣殿被摧毁。Á这是发生tī主前586年巴比伦军队攻入了耶路撒冷城,并且烧毁圣殿(参考列王记下廿五:9)。若是「帐棚」指ê是圣殿,则「帐帷」是挂tī约柜kah祭坛之间。因为án-ne,讲「帐帷破裂」,就是象徵in kah上帝ê约毁坏了。

第23到27节,Tī chit段诗歌中,先知耶利米描述出伊看见hit幅teh beh发生ê惨状,包括「看bē-tio̍h人影;连鸟á mā lóng飞行。良田变成荒野;城市ná亲像土堆」,chiah-ê lóng tī说明战争teh beh带来ê结果,是「大地,一片荒凉」,而且无任何亮光。

「大山」、「小山」,Tī圣经中一再用山来表示稳固、thang óa靠ê气力。M̄-koh tī chia则出现「震动」、「摇摆」,表示会失去óa靠ê气力。

Chia用「良田」kah「荒野」对照,「城市」kah「土堆」相对,chiah-ê lóng teh表示上帝ê「大受气」已经到à极点,无法度挽tńg来、平息。

第27节,有kóa学者对chit节有无仝ê看法,因为tī第23到26节lóng讲上帝beh彻底摧毁以色列,然后接落去ê第28到29节mā是仝款teh描述上帝严厉ê惩罚,讲一切lóng kā消失殆尽。M̄-koh tī第27节ê上半句kah下半句却呈现出相对ê词句;tī上半句讲beh摧毁一切,下半句却是讲「不彻底kā它毁灭」。因为án-ne,有kóa翻译本kā它修订为用「毁灭净尽」。M̄-koh mā有圣经学者认为这tú好是上帝怜悯、慈悲ê特性,他tī非常忿怒之下,iáu替以色列人民有保存「残余子民」ê生存空间,hō͘以色列人民tī完全绝望中间,iáu有一丝丝ê希望,而期待in会tī完全无助ê情况下,知影悔改归向上帝。

第28节,「大地」kah「天空」是对照词。当土地会「哀鸣」ê时,表示被蹂躏得非常厉害。Á当kui个空中「转乌」ê时,表示lóng无亮光,这kah第23节所提起ê仝款。这说明地上所有ê生物lóng kā遭遇严重ê性命威胁。

Chia讲「上主讲出ê话绝bē改变」,chit句话mā是kui本圣经ê中心信息之一(参考以赛亚书四十:8,约翰福音十:35,希伯来书一:12)。

第29节,chia讲只要「一听见骑兵kah箭手ê喊hoah」,就想出所有ê办法beh chhōe-tio̍h thang避难ê所在所,包括有bih起来tī「森林」里ê,mā有bih起来tī「岩穴」中,chiah-ê地方lóng是隐密ê所在。M̄-koh因为灾难是tùi上帝来ê惩罚,所以,人绝对无法度chhōe-tio̍h无hông发见ê藏身所在(参考诗篇一三九:7—8)。

第30节,chit节充分显示出过去所有一切被看做高贵、尊容ê样式,taⁿ全部lóng成做无用ê废物。「真贵ê衫裤」、「珠宝首饰」、「涂眼画眉」等,chit种样式tī患难来临ê时,妓女常用chit种打扮来讨好敌方ê军人,以求活命。M̄-koh结果反tńg因为án-ne hō͘家己真正变成妓女,敌人看见就kā它蹂躏。

第31节,「像产妇阵痛ê叫喊」、「像cha-bó͘人生产头胎ê尖叫」,这两句话lóng是仝款ê意思。圣经作者不时用产妇临盆来形容极大ê痛苦,hit种喊叫ê声音,mā是teh表明走chhōe性命ê拯救,m̄-koh都无路用,因为in即使「伸开双手」希望有人救in,mā只有ē-tàng讲「惨了,惨了」,因为无人会来帮助in脱离敌人ê侵犯。

重新查询 专卷研经 耶利米书系列
错误回报,请联系comm[@]fhl.net