Tùi chit段经文thang看tio̍h有kóa犹大官员中，iáu是有人会听先知耶利米传出来ê信息。In一听tio̍h巴录所宣读上帝传来ê信息，就急tio̍h想beh知影koh khah详细些，并且mā决定kā chiah-ê册卷上ê记录带去hō͘国王约雅敬看。M̄-koh当约雅敬王听tio̍h巴录所记载先知耶利米口述上帝ê信息了后，却是非常愤怒，因为án-ne，chiah会kā巴录辛苦写落来ê册卷用刀割破、放火烧。Chiah-ê动作lóng teh表示伊对上帝奴仆先知耶利米所传ê信息，是非常自高、讨厌。M̄-nā án-ne，ná亲像下令去缉拿先知乌利亚仝款，chit pái mā下令tio̍h官员去缉拿先知耶利米kah伊ê秘书巴录。

第11到13节，由10节thang看出tī巴录向群众宣读上帝透过先知耶利米所讲ê信息后，当时有一位名叫「米该亚」ê大臣。伊可能听了后，感觉tāi-chì严重，就án-ne向老父「基玛利雅」报告，就án-ne伊ài kiáⁿ到「宫廷书记以利沙玛」ê房间去，koh一pái kā所听tio̍h ê kā当时tú好「tī hia开会」ê所有高级官员讲。「米该亚kā所听tio̍h、巴录当众宣读ê话一一向in报告」。

第14到15节，in听了后，mā lóng认为事态严重，就án-ne决定派「尼探雅ê kiáⁿiáu底去传唤巴录，叫伊kā伊当众宣读ê hit册卷带来」，就án-ne巴录就koh一pái当tio̍h chiah-ê大官员面前koh宣读了一pái。

第16到19节，「in听以后，惊惶得面面相觑」，这表示in心内受tio̍h极大ê震撼，认为tio̍h án-ne事m̄是小khóa。Á信息ê内容就是第7节所讲ê，ài犹大ê以色列人民赶紧弃sak邪恶ê道路，因为上帝已经发出大受气。Chiah-ê官员知影tāi-chì ê严重性，认为「一定tio̍h kā chit项事呈报国王」，in清楚知影，beh改变全国人民ê途径，就是beh国王西底家出面下命令。In问这是m̄是先知耶利米「口授」hō͘伊ê。巴录真清楚表示chiah-ê信息lóng是先知耶利米「一一口授ê」，而伊听了后，就用「墨水记录」落来。Chit句「用墨水记录」，意思是in ài巴录确认：伊所写ê是m̄是lóng事实，无任何加添？而tùi chit节mā thang看出巴录ê回答非常简洁，伊清楚知影家己只不过是一个随从，照主人吩咐而写。Chiah-ê官员真好意，ài巴录「kah耶利米lóng得bih起来，不beh hō͘别人知影」in bih起来ê所在。因为in知影若in两人被发见，可能mā难逃被杀害ê结果。

第20节，chiah-ê官员ài巴录「Kā hit册卷留tī宫廷书记以利沙玛ê房间」，然后kā册卷带去呈hō͘约雅敬王看，并kā得tio̍h此卷先知耶利米口述信息之经过，报告hō͘约雅敬王知影。其实in是kā hit册卷扣留了落来当做证据，一则hō͘约雅敬王知影确实有chit件事，另外一方面mā是若需要起诉审案，mā是一个明确证据。

第21到22节，约雅敬王派「iáu底去the̍h hit册卷」来念hō͘伊kah「王左右ê官员听」。「hit时chūn是寒天」，因为án-ne，约雅敬王「坐tī火炉前烘火」。

第23到24节，iáu底chiah「读完了三、四段，约雅敬王就受不了了，伊用小刀kā hit册卷割破，tàn入去火炉里」烧掉，chit种态度kah伊ê老父约西亚差不多是完全颠倒；伊ê老父约西亚当年听tio̍h王是书记沙番讲tī圣殿里chhōe-tio̍h律法册，而且听tio̍h沙番读完了后，就「拆裂衫裤」，并且随时下令为全国人民询问上帝该律法册ê教示，koh khah重要ê，是伊承认上帝会án-ne向犹大国发出大受气，是因为tùi祖先开始就无「听从」上帝ê话，「无照这册上所记载ê去做」（参考列王记下廿二：11—13）。

chit-má ê约雅敬王并无重视上帝ê话，却是kā上帝ê话当做废物仝款，用小刀割破先知耶利米口述上帝ê信息所记载ê册卷，而且是kā它丢入火炉里烧毁，「一直到kui个册卷lóng烧光」为止。Tùi chia thang看出伊心中ê忿怒。M̄-nā án-ne，连伊身边ê臣仆mā仝款，对上帝ê忿怒「一点lóng m̄惊惶」，「mā不拆裂衫裤表示伤心」。Tī in看起来，先知只ná亲像乱叫ê乌鸦仝款。

第25到26节，chia提起其中有几个幕僚向王请求「m̄-thang烧hit册卷」，m̄-koh，约雅敬王并「无加chhap」，这mā是先知耶利米一再传出上帝信息所提起ê，上帝派奴仆先知传达信息，m̄-koh以色列人民上自君王，下到一般领袖、人民等，lóng m̄-chhap（参考耶利米书七：13、25—26、十一：7—8、廿五：4、廿六：4—5、廿九：19、三十二：33、三十五：15）。约雅敬王随时命令「太子耶拉末kah耶斯列ê kiáⁿ西莱雅kah雅伯叠ê kiáⁿ示利米雅」等人去掠先知耶利米kah巴录。M̄-koh上帝teh庇护他忠实ê奴仆。