耶利米书 32章1节 到 32章15节   背景资料  上一笔  下一笔
Chit章kah第三十三章ê背景lóng是主前587年,巴比伦ê军队tú-teh攻击耶路撒冷城ê时chūn,hit时先知耶利米被关进王宫ê监狱里(参考三十二:2、三十三:1)。Tī he段被围困ê时间中,耶路撒冷城已经饱受饥荒、瘟疫ê蹂躏了(参考第24节)。后来巴比伦王听tio̍h埃及ê法老出兵beh来支援犹大,伊tòe将军队先撤tńg来,避免kah埃及正面冲突,这致使犹大国bat得tio̍h小khóa喘息ê机会。M̄-koh,犹大国ê政局并无因为án-ne改善恢复秩序,犹原非常ê混乱,社会动荡,民心不安。第三十二章就是tī chit种危机政局下,上帝ài先知耶利米以购买土地ê方式,隐喻tio̍h上帝beh重新整理以色列民族,用chit种方式讲出上帝beh koh一pái复兴以色列民族ê决心。因为án-ne,mā thang kā chit章经文看做是先知耶利米传出了「希望ê信息」,hō͘生活tī绝望中ê犹大人民看见上帝拯救ê疼。

Chit段经文记载先知耶利米虽然被关入监牢中,m̄-koh并无因为án-ne拒绝上帝beh伊传出ê信息。Chia是用象徵性ê方式传出上帝ê信息,先知耶利米用置产ê方式,隐喻说明tī一个动荡不安ê时代,大家lóng会尽量变卖财产,准备到各地去避难。相对ê,先知耶利米是购置田地来表明beh对上帝有信心。

第1到2节,「西底家做王统治犹大国ê第十年,mā是尼布甲尼撒王统治巴比伦ê第十八年」,这tú好是主前587年。隔年586年耶路撒冷就沦陷被摧毁了。Tī chit时chūn,上帝传hō͘先知耶利米信息,m̄-koh伊chit时正被关tī「王宫ê监狱里」。

第3到5节,chit三节说明西底家王kā先知耶利米关进监牢ê原因。原来先知耶利米一再「发出ê预言」,hō͘西底家王真讨厌,因为这预言表示上帝beh kā耶路撒冷城交到「巴比伦王手中,hō͘伊占领」,而且讲西底家王会hông掠去巴比伦,会死tī巴比伦(参考五十二:11)。听tī西底家王耳中真不爽快,因为án-ne kui气kā先知耶利米关入王宫ê监狱里,而且只hō͘伊真简单ê食物,直到城里都无食物ê时chūn(参考三十七:17—21)。其实,先知耶利米并m̄是第一pái án-ne讲,却是kúi-nā-pái lóng讲出仝款ê预言(参考廿一:3—7、三十四:1—5、三十七:17—20、三十八:14—23)。

第6到8节,上帝kā先知耶利米讲讲伊ê「a叔沙龙ê kiáⁿ哈拿默」,会来监狱探望伊,他会ài先知耶利米购买伊ê土地。果然「tú亲像上主讲ê」,哈拿默真正来,而且提起chit件事,先知耶利米就确信这是上帝beh伊做ê事,伊就一屑á都无踌躇接受哈拿默ê提议。

第9到12节,先知耶利米听上帝ê指示,用「十七块银á」买哈拿默ê土地。不过十七块银á并m̄是一笔大数目,这是因为当时国家局势已经非常危险,房地产自然是无人beh来探头,sio̍k是thang想像会tio̍h ê。然后「请人做证,签了地契,封好」,这表示买卖完成。M̄-koh真oh理解先知耶利米被关tī监狱竟然iáu ē-tàng做土地买卖ê商业行为。不过圣经作者tī编撰上,siōng关心ê是隐喻,却m̄是细节ê部分。Chit份土地交易ê见证人,是「监狱里所有ê犹太人」,因为chit时chūn别人tī监狱中,而先知耶利米ê文件则交由伊ê秘书「巴录」保管。

第13到14节,先知耶利米kā chit比交易ê两份文件lóng交hō͘巴录保管,ài伊kā它khǹg tī「瓮子里,真长久保存」。Chit种瓮子,是用陶瓷作材料制造ê,早期文件lóng是保存tī chit种瓮á内,thang存留真久。

第15节,chit节ē-sái讲是chit章信息siōng重要ê一节。Chit节真清楚teh表示原本亡国ê以色列人民会得tio̍h重回故乡家园ê机会,并且会tùi亡国ê惨况中重新建立家园。Chit件事tī亡国tī巴比伦后ê五十年,mā就是主前538年,波斯帝国取代了巴比伦帝国ê统治地位ê时得tio̍h证实,因为波斯帝国ê皇帝塞鲁士允准以色列民族回乡重建家园(参考以斯拉记第一章)。

重新查询 专卷研经 耶利米书系列
错误回报,请联系comm[@]fhl.net