耶利米书 29章1节 到 29章14节   背景资料  上一笔  下一笔
Chit章虽然并未说明先知耶利米是tī甚么时代ê背景下,写chit封hō͘伊ê同胞ê信。M̄-koh tùi kui章ê内容看出chit张phoe应该是kah第廿七到廿八章ê时代背景仝款,lóng是tī犹大王西底家执政ê第四年,mā就是主前594年ê时chūn。信是写hō͘ hiah-ê tī主前597年ê时被巴比伦王尼布甲尼撒掠去ê同胞,包括先知、祭司、长老,kah其他ê人。唯一无仝ê是第廿七、廿八chit两章,是先知耶利米针对tī耶路撒冷ê同胞讲ê话,而第廿九章则写phoe hō͘ hiah-ê被掠到巴比伦去ê同胞kah宗教众领袖。主要目的是劝in m̄-thang koh再心存叛乱,而tio̍h顺服巴比伦ê统治,án-ne就ē-tàng tī巴比伦好好á生存落去。

Chit章thang分做两大部分来看,其一是第1到23节,这是对hiah-ê受掠ê以色列同胞讲ê;其二是第24到32节,讲tio̍h有一位名叫示玛雅ê人,写phoe hō͘ ná留tī耶路撒冷ê领袖祭司西番雅,ài伊谴责先知耶利米。原因是先知耶利米写phoe hō͘ hiah-ê被掠到巴比伦去ê同胞,kā in讲tio̍h好好á tī巴比伦生活落去,因为in tńg去故乡ê日子并无亲像哈拿尼雅所讲ê只有短短ê两年,却是长到七十年ê时间。当祭司kā示玛雅chit张phoe the̍h hō͘先知耶利米看了后,先知耶利米就真清楚指出示玛雅根本就m̄是先知,同时mā预言示玛雅会受tio̍h上帝严厉惩罚。这lóng ē-tàng看出tī一个不安定ê时代,社会中lóng是会出现真chē扰乱人心安宁ê话语,而且是假冒上帝ê名传讲错误ê信息。过去án-ne,今á日mā是仝款。

Chit段经文真清楚看出,先知耶利米写phoe hō͘被掠到巴比伦去ê犹大人民,包括所有犹太人社会领袖在内。Ài in kā心安定落来,好好á tī巴比伦过生活,繁延下一代。这tú好teh表示受掠ê犹大以色列人民并bē tī近期内回乡tńg来故土。伊所写ê信带去hō͘受掠ê以色列同胞siōng大ê ǹg望,就是经过七十年后,上帝会亲手带领in tńg去故乡,hō͘ in有能力重整家园。

第1到3节,chit三节是绍介先知耶利米写chit张phoe ê背景。包括收phoe ê对象就是hiah-ê被掠到巴比伦去ê犹大人民,其中有「祭司、先知、长老,kah其他」社会菁英。Chia所讲ê「长老」,tī《中文和合本》用「生存ê长老」,可能是tī主前595年ê时chūn,有长老因为带头叛乱而被弭平,带头ê长老已经被处用死刑,其余ê lóng受掠,因为án-ne用「生存ê长老」chit句话。先知耶利米写chit张phoe ê时间是tī主前594年,mā就是「约雅斤王、王太后、宫廷官员」等被「放ta̍k离开耶路撒冷」。先知耶利米ê chit张phoe是托「犹大王西底家派了沙番ê kiáⁿ以利亚萨kah希勒家ê kiáⁿ基玛利到巴比伦见尼布甲尼撒王」带去ê。

第4到5节,tùi chit节开始直到第9节,是chit张phoe ê第一段落。

Tī chit两节中,先知耶利米ài受掠ê同胞tī巴比伦「建造房屋,定居,tio̍h种作,食田里ê土产」。Chit句话有两种含意:一是kā chit句话用来对照先知耶利米被呼召ê时,上帝hō͘伊ê使命是「重建,kah种植ê工作」(参考耶利米书一:10),án-ne thang想像得出犹大ê以色列人民被掠到巴比伦去,其实就是上帝对chit-ê悖逆子民一种重新改造ê方式,beh hō͘ in完全tùi hit-ê腐败、弃sak上帝之约ê境况中拔出,重新栽种in。二是teh表示in kā bē tī真短ê时间内tńg去故乡,却是会经历一段长到七十年ê时间(参考廿五12、廿九:10)。因为án-ne,in一定tio̍h真正照先知耶利米ê话去做,等到回乡时间来到,就bē致使空手而tńg来。

第6节,chit节讲tio̍h一个真重要ê认bat,就是上帝beh hō͘ in tī受掠ê巴比伦之地,延续性命,而且是代代延续落去。Tī chia讲in ê「kiáⁿ mā tio̍h结婚,生儿育女」,hō͘ in「tī he地方繁殖起来,人口增chē,不减少」,chit种句话所代表ê就是赐福。表面上看起来,被掠到巴比伦去是惨痛ê经验,mā是件非常痛苦ê事,m̄-koh,即使是上帝ê惩罚,mā会因为为chit种惩罚带来另外一方面ê赐福,就是in bē被消灭,kui个民族iáu是会继续生长、茁壮。因为有上帝ê赐福,才能得tio̍h性命力而hō͘性命延续落去。

第7节,chit节真重要,讲beh chiah-ê hông掠去巴比伦ê犹大人民,一定tio̍h为巴比伦「城市谋福利」,并且iáu koh khah为「in ê繁荣」向上帝祈求。原因是chiah-ê城市ê「繁荣」,in mā会跟tòe繁荣。Chia ê所谓「繁荣」,有含一个意思就是「平安」。

第8到9节,chit两节koh一pái看tio̍h先知耶利米koh一pái提出警告,tī hiah-ê受掠ê人中间,犹本来假先知继续teh利用「占卜未来」传达错误ê信息,伊ài大家千万m̄-thang koh再听信chiah-ê人所讲ê预言,因为in kan-taⁿ会「欺骗」人民。

第10到11节,chit节thang参考第廿五章12节。先知耶利米讲上帝beh tī经过「七十年」ê时实践他ê「诺言」,这诺言就是他hō͘ in家己子民ê应允,就是chhōa in tńg去故乡。这是上帝ê计画,m̄是一般人ē-tàng了解。Chia讲上帝ê「计划m̄是灾难,却是繁荣;我beh hō͘ lín有光明ê前程」chit句话,tú好说明上帝ài beh进行他拯救ê工作,m̄是一般人ē-tàng明了,chit句话mā同时回应了头前所讲ê,犹大人民被掠到巴比伦去并m̄是灾难,反tńg是kui个以色列民族重新koh再造ê机会,上帝是透过chit种严厉惩罚ê方式来改造一个民族。

第12到14节,chit三节表示上帝kā会kah犹大人民重新和好。当in向上帝呼求ê时,上帝「会回答」in。M̄-koh这前提是hông掠去做奴隶ê犹大以色列人民有忏悔之心,上帝chiah会垂听in ê祈祷,这kah过去in iáu未亡国受掠chìn前,上帝拒绝听in ê祈祷(参考七:16、十一:14、十四:11—12),情形已经完全无仝。上帝m̄-nā应允beh垂听in祈祷ê声音,如果in「一心chhōe」,上帝向in「保证」一定mā会hō͘ in ē-tàng「chhōe得tio̍h」。所谓「一心chhōe」,意思是teh指专一顺服kah in立约ê上帝。而且上帝应允一定会带领in「回乡重整家园」,而且m̄-nā是tùi巴比伦带领in tńg去,mā tio̍h「tùi放ta̍k」in去ê「各国各地」kā in koh一pái重新「集合起来」,带领in lóng tńg来到「受掠离开ê故土」。Á非常重要ê,是chiah-ê会hō͘领tńg来故乡ê对象,就m̄-nā是犹大人民而已,表示所有以色列人民lóng有。

重新查询 专卷研经 耶利米书系列
错误回报,请联系comm[@]fhl.net