Chit段经文真清楚说明先知耶利米koh一pái针对hiah-ê受掠tī巴比伦中间ê假先知，提出严厉警告ê信息，先知耶利米讲chiah-ê传达假信息ê人，lóng会遇tio̍h上帝严厉ê惩罚。甚么人听从in ê话，甚么人就连带受灾。

第15节，chit节提起上帝tī巴比伦为以色列人民「兴起了先知」，其实，chit种先知就ná亲像第8节所提起ê，是假先知，m̄是真正先知。因为上帝并无向in启示他ê信息。

第16到20节，chit段经文谈tú hông巴比伦按立ê西底家王，以及无hông掠去巴比伦做奴隶ê犹大人民知影，m̄免因为án-ne欢喜，上帝对chiah-ê人ê惩罚，并无会比hông掠去巴比伦ê人iáu koh khah轻，却是koh khah重。上帝惩罚ê方式，包括「战争、饥荒，kah瘟疫」，而chit三项lóng是先知耶利米一再提起上帝惩罚ê警语。Chiah-ê人仝款会hō͘掳、hō͘别人统治，无论tī tó位，in会受tio̍h「诅咒」，看见in ê人会「惊骇，唾弃，辱骂」in。原因就是īnm听从上帝ê奴仆先知传出来ê信息（参考七：25、十一：7—8、廿五：4—7）。In lóng是欢喜听从hiah-ê假先知ê话（参考十四：16、廿二：25—26）。因为án-ne，先知耶利米koh一pái提出呼吁，ai3chiah-ê tī巴比伦做奴隶ê同胞「注意听」伊ê话。

第21到22节，chia提起两个假先知ê名。其一是「哥赖雅ê kiáⁿ亚哈」，另外一位是「玛西雅ê kiáⁿ西底家」，这两人mā lóng同齐被掠到巴比伦去当俘虏，m̄-koh in lóng是假冒上帝ê名传信息ê假先知。上帝ê惩罚是hō͘ in当tio̍h犹大人民「面前」，被巴比伦王尼布甲尼撒用火把in两人「活活烧死」。

后来，以色列人民teh诅咒别人ê时chūn，lóng会讲：「愿上主对付你，像伊对付被巴比伦王活活烧死ê西底家kah亚哈仝款。」chit句话ê意思是teh指会死得真痛苦、真凄惨。

第23节，chit节讲出chit两位假先知所行恶质ê行为。包括有「kah厝边ê bó͘通奸」，chit句话有两种意思，一是teh指去拜迦南人teh拜ê偶像神明（参考耶利米书五：7—8），另外一是teh指in tī道德行为规范上，无严守上帝ê诫命，犯奸淫罪。Koh讲，in「koh冒上帝ê名讲白贼」，表示in一面去做无应该做ê事，另外一面koh冒用上帝ê名，亵渎上帝ê神圣，这是真无法度原谅ê行为。上帝当然清楚「知影」，mā tio̍h「亲自指控」in ê罪。