Tùi chit章开始到第廿九章止，这三章是提起有关先知耶利米反驳假先知ê记录；tī chiah-ê记录中，thang清楚看出时代背景大约是tī主前595年12月到594年1月之间。Hit时有一股暗中串连想beh反抗巴比伦帝国统治ê计画，参与chit项计谋ê国家包括：以东、摩押、亚扪、泰尔、西顿等邦国。

时间背景是tī主前601年年底，巴比伦尼布甲尼撒王koh一pái出兵去phah埃及，tī边界附近，kah埃及发生激烈ê战争，结果双方伤亡惨重。约雅敬王看tio̍h in双方tī chit pái军事冲突下lóng受tio̍h重创，心想这是一pái ē-tàng脱离巴比伦统治ê机会。M̄-koh先知耶利米却传出chit种信息，ài会犹大国王kah官员继续顺服tī巴比伦帝国ê统治，ē-sái讲是当时有真chē假先知一再传出beh趁此机会走chhōe独立，in一再鼓励约雅敬王tio̍h好好á把握chit pái ê机会，因为巴比伦kah埃及双方ê军队tī chit pái战争中lóng受tio̍h重创。假众先知甚至认为这mā是巴比伦帝国灭亡ê一个兆头。犹大约雅敬王是听从假众先知ê话。结果巴比伦王尼布甲尼撒联合叙利亚、摩押、kah亚扪ê游击队，tī主前598年12月重创犹大，约雅敬王被用锁链锁tiâu，带到巴比伦去，圣殿里ê宝物mā被带到巴比伦王ê王宫（参考历代志下三十六：6—7）。M̄-koh，尼布甲尼撒王并无以此为满足，伊认为一定tio̍h严厉制裁背叛ê犹大国。

约雅敬ê kiáⁿ约雅斤继任为犹大王；伊hit时十八岁，上任chiah三个月koh十工，巴比伦王尼布甲尼撒koh一pái派将军带兵攻打耶路撒冷城，约雅斤王知影犹大根本无法度抵抗，只有ē-tàng带老母、kiáⁿ、高级官员投降。尼布甲尼撒王就率军进入耶路撒冷城，搜刮了王宫ê财宝，并且毁坏所罗门王为圣殿所制造ê一切金器。巴比伦军队chit pái ê行动，总共俘虏了一万gōa名犹大菁英，「只有留落来siōng穷苦ê人」（参考列王记下廿四：10—17）。尼布甲尼撒王立约雅斤ê a叔玛探雅续接作犹大王，并kā伊改名成做西底家。

Chit一章是先知耶利米用象徵性ê动作，teh表达犹大国一定tio̍h向巴比伦投降，而且m̄-nā是犹大国，包括kah犹大结盟ê几个附近邦国在内，lóng有得tio̍h先知耶利米ê信息。

Chit段经文有表示上帝确定ê旨意，beh hō͘巴比伦帝国兴旺，因为他拣选巴比伦王尼布甲尼撒为奴仆，为tio̍h是beh惩罚犹大以色列人民（参考廿五：9）。因为án-ne，任何对抗巴比伦王尼布甲尼撒ê动作，mā等于是teh对抗上帝仝款ê愚戆。

第1到3节，「约西亚ê kiáⁿ西底家做王统治犹大国ê初期」，chit-ê时间大约是tī主前594年。西底家应该是约雅敬ê小弟（参考列王记下廿四：17）。西底家王是tī主前597年继任为犹大王，当时伊是「21岁」（参考列王记下廿四：18）。Chit时上帝ài先知耶利米用「皮袋kah木头做一个枷担，挂tī颔颈上」，行过hiah-ê tī耶路撒冷访问ê外国使节团，hō͘ in看见。Chiah-ê 使节团就是代表「以东王、摩押王、亚扪王、泰尔王，kah西顿王」等。

「枷担」，是中东地带ê作穑人用来架tī牛只ê颔颈上，hō͘伊听hō͘唤耕犁田地ê一种用具，有时mā会用tī囚犯身中计作锁枷刑具。先知耶利米用chit种方式beh表达：巴比伦会亲像用chit种方式kā列国当囚犯á是动物一般，beh赶逐犹大国以及附近ê国家，会kā in lóng当做囚犯á是被饲养ê耕牛一般，用「枷担」当做锁枷来控制并且带到巴比伦去奴役。

第4到5节，上帝ài先知耶利米kā信息传hō͘顶面所讲chiah-ê tú-teh耶路撒冷kah犹大西底家王商讨beh结盟出兵ê大使，并ài in kā上帝hō͘ ê信息「转达hō͘本国ê君王」。伊传达ê信息真清楚表明两项基本认知：一是上帝tùi án-ne「大地」ê「创造」者，「人类kah所有ê动物」lóng是他创造ê。二是上帝有绝对ê主权，他「ài kā地交hō͘甚么人，就交hō͘甚么人」，因为上帝是万物之主。

第6到7节，tùi第4到5节ê信息已经真清楚teh说明上帝ê主权chia讲上帝决定beh kā顶面所讲chiah-ê m̄听话ê国家kah人民，交hō͘他拣选出来ê「奴仆巴比伦王尼布甲尼撒」（参考耶利米书廿五：9）管理，「由伊统治」，而且伊ê「kiáⁿ、孙á」lóng会继续统治一段时间，「直到伊ê帝国衰败」。

第8节，chit节讲出先知耶利米心内siōng大ê痛苦，就是伊一定tio̍h劝家己ê国王、官员、人民接受「臣服巴比伦王尼布甲尼撒」chit种信息，而且iáu提出警告讲，若「m̄肯」背负chit种形同囚犯「颔颈上ê枷担」，上帝会用「战争、饥荒，kah瘟疫」惩罚拒绝听从chit-ê信息ê国家kah人民。

第9到10节，先知耶利米tī chia特别提起「先知、占卜ê、解梦ê、算命ê，kah巫师」等等chiah-ê人，in lóng是冒用上帝ê名讲预言teh欺骗人民。伊提出严厉警告，甚么人听从chiah-ê假信息ê国家kah人民，最后必定会面临严重ê后果，he就是「受掠，远离家乡」，被「放ta̍k」流浪到世界各地做奴隶，甚至iáu可能因为án-ne而「被消灭」。

第11节，m̄-koh相对tī第10节所讲ê，in若是「臣服」tī巴比伦ê国家kah人民，因为这是上帝ê旨意，in若肯听从，上帝mā会有应允hō͘ in，就是beh hō͘ in「安居本土，种作家己ê土地」，hō͘ in成做自由ê人民，tī家己ê土地顶面安居乐业。