耶利米书 23章33节 到 23章40节   背景资料  上一笔  下一笔
Chit段经文是先知耶利米讲ê话,Tī chit段信息中,上帝一再强调犹大人民已经成做他ê重担。原因是犹大人民是屡劝m̄听上帝ê话。

第33到34节,chit节上帝ài先知耶利米kā犹大人民讲,包括in ê先知、祭司等,讲in是「上主ê重担」。注意在希伯来文「重担」是用「maśśā」,它ê原文有两种意思,一是teh指重担,二是teh指信息。前者表示被迫tio̍h承担ê担(tàⁿ),mā表示重大ê责任。后者,是表示听tio̍h ê人beh向传达ê人负责。Tī chia表示上帝无愿意负起照顾犹大人民ê责任,他beh「摆脱」chit种「重担」。若有任何犹大人民讲上帝是有责任照顾in(重担),上帝一定会受气而「惩罚」hit人kah「伊全家ê人」。因为án-ne讲是一种无负责任ê态度。

第35到36节,koh一pái警告bē-tàng讲chit句「上主ê重担」chit句话,因为上帝已经决定无koh chhap犹大人民。若是有人继续用「上主ê重担」chit句来对犹大人民讲话,就表示chit-ê人是teh「乱使用」上帝ê名。犹大人民beh问ê是上帝有无信息hō͘ in?因为in kan-taⁿ想beh听假先知ê话,当然听无看tio̍h上帝ê信息。

第37节,chit节真清楚指出先知耶利米时代,一再出现假先知,in假借上帝ê名发表言论,上帝ài先知耶利米清楚指出,in用上帝ê名所讲ê话lóng是假ê。

第38到40节,因为chiah-ê假先知用上帝ê名传达不实ê信息,而人民koh欢喜听从。因为án-ne,上帝ài先知耶利米kā犹大人民讲,上帝绝对会离开in,这就ē-sái犹大人民「久长蒙羞,永受难忘ê耻辱」。Chit-ê意思真清楚,犹大国一定会灭亡,人民会hông掠去做奴隶。

重新查询 专卷研经 耶利米书系列
错误回报,请联系comm[@]fhl.net