Chit段经文是teh指约雅敬王ê kiáⁿ约雅斤ê问题；伊是tī in父亲约雅敬死后继任为犹大王。当年伊chiah 18岁，统治时间真短，kah约哈斯仝款，只有短短三个月时间。年代是tī主前597年。就tī伊统治短短三个月期间，列王记ê作者mā用chit句话来做评语：「约雅斤仿效in父亲ê pháiⁿ模样，做上主看做邪恶ê事。」伊在位期间虽然短，却tú-tio̍h巴比伦王尼布甲尼撒亲自率大军攻打耶路撒冷，犹大ê守军差不多lóng无招架之力，因为án-ne约雅斤只有ē-tàng向巴比伦投降，伊m̄-nā被俘虏，而且「圣殿kah王宫内所有ê财宝lóng搬到巴比伦去」（参考列王记下廿四：13），全国所有ê菁英mā hông掠去巴比伦做奴隶（列王记下廿四：14—16）。

第24节，chia讲即使约雅斤是ná亲像上帝「正手所带ê印á手指」hit种重要，chit-má上帝已经决定beh kā伊除掉。

第25到27节，chit三节讲tio̍h约雅斤kah伊ê厝内人ê遭遇，m̄是被刣，就是hông掠去做奴隶。Chit段经文根据列王记下第廿四章10到16节ê记载，作者真清楚出，约雅斤siōng惊惶ê就是「巴比伦王尼布甲尼撒kah伊ê军队」，这是主前597年，巴比伦王率领军队来围攻耶路撒冷城，约雅斤所有王室人员，包括伊ê母亲和kiáⁿ、将领、王宫臣仆等，lóng向巴比伦投降。巴比伦军队并且洗劫了圣殿kah宫殿所有贵重物件，并且俘虏了所有国家ê菁英，只chhun siōng穷困ê人民。第27节chit节讲约雅斤tùi受掠了后，就无机会koh再「tńg来」故乡耶路撒冷，这表示伊tī巴比伦一直lóng被当做俘虏到死为止。

不过tùi列王记下第廿五章27到30节ê资料来看，约雅斤算是非常好字运ê，伊tī受掠了后ê「第三十七年十二月二十七日」，被巴比伦王释放出来，并且被赏赐高位，「得tio̍h允准脱掉囚衣，终生kah巴比伦王同桌进餐」，而且每工lóng有生活费thang the̍h。这表示伊虽然是hō͘掳做奴隶，m̄-koh晚年享受高等ê待遇，已经无koh是俘虏、囚犯á是人质，却是巴比伦王室ê贵宾，因为伊ē-tàng kah国王同桌共席。值得注意ê是，tī马太福音记载ê族谱中，约雅斤则被列为正式族谱中，而且讲伊ê kiáⁿ传承谱系（参考马太福音一：12）。

第28节，以先知耶利米向上帝发出几个问题：约雅斤是m̄是就是「像一只破碎、无人ài ê瓶子」？为甚么连伊ê厝内人「lóng hông弃sak，流放到异乡去」？其实chit两个问题thang合并为一个，就是讲国家衰弱，君王治国无力。

第29到30节，chia连续提出三pái ê「大地ah」，chia ê「地」，表示先知耶利米所烧热爱ê国家。先知耶利米讲约雅斤王是一个「一事无成ê人」，chiah会有án-ne悲惨ê结果。而且讲「伊无后代好继承大卫ê王位」，chit句话并m̄是讲约雅斤无kiáⁿ，因为伊有七个kiáⁿ（参考历代志上三：17—18），却是因为尼布甲尼撒俘虏了约雅斤后，立伊ê叔父玛探雅继承王位，尼布甲尼撒kā玛探雅改名成做西底家。换句话讲，m̄是约雅斤ê kiáⁿ孙中继承王位，却是由伊a叔ê kiáⁿ孙继承。