Chit段经文是提起有关约雅敬王ê问题。伊是约哈斯王ê兄哥（参考历代志上三：15），原本ê名叫以利亚敬，被埃及王尼哥设立为王，并kā伊改名成做约雅敬（参考列王记下廿三：34）。伊执政ê年代是tùi主前608年到597年，算是在位执政比较khah长一点ê犹大王。先知耶利米对伊ê评语mā真严厉，因为伊tī chit长到11年ê时间，若是有好好á改革，应该是ē-tàng有所做为chiah-tio̍h，m̄-koh，伊ê举止却kah伊ê老父约西亚完全颠倒。Mā因为án-ne，先知耶利米ê chit段话thang讲是非常严厉ê谴责。

第13到14节，chit两节以第三人称来讲约雅敬王ê问题。
先知耶利米直接就讲出chit-ê王「有祸了」。因为埃及国王尼哥向犹大索取chē kah「三千四百公斤银á kah三十四公斤金子」作军费赔偿ê时（参考列王记下廿三：33），伊一定tio̍h向人民徵收koh khah chē ê税赋chiah有办法支付，而且是无论贫富lóng大量徵税（参考列王记下廿三：35）。M̄-koh chit节却讲伊是chē徵了税金，kā它the̍h去「建造家己ê宫殿」，而koh khah无法度原谅ê事，伊iáu「强迫人民白白工作，不付工资」，用chit种方式对待人民，等于是kā人民看作是奴隶仝款，对原本已经贫困ê人民，koh khah是雪上加霜，mā是违背摩西律法ê行为（参考利未记十九：13，申命记廿四：14—15）。Koh讲，伊m̄-nā是建造宫殿，而且是奢华地使用tùi黎巴嫩进口ê「香柏木」chit种贵重ê建材，建造「宏伟ê宫殿」。

第15到17节，chit三节直接用约雅敬王ê老父，就是约西亚王kah伊做对比。Chia讲约西亚王「头尾秉公行义」，相对tī约雅敬王则不付工资，kā人民当做奴隶看待。约西亚王「为穷苦无助ê人伸冤」，相对tī约雅敬王是「流了无辜者ê血，以暴力压制人民」。Koh khah严重ê乃是伊iáu刣死先知乌利亚，hit-pái先知耶利米mā差一点á受难，佳哉有得tio̍h保护chiah佳哉免得受难（参考耶利米书廿六：20—23）。会有án-ne大ê差异，只有一个原因：约西亚王遵照上帝ê旨意行事，约雅敬王不敬拜上帝，并m̄遵守上帝ê律法诫命，去做上帝看做邪恶ê事（参考列王记下廿三：37）。Chit种王，就算建造「比别人高贵ê香柏木宫殿」，mā无法度表示伊比较khah「贤明」。因为好ê君王、领袖，并m̄是tùi khiā起、穿插ê外表来看ê，却是tùi伊对人民ê疼来衡量。

第18节，第13到14节讲约雅敬王ê时，用第三人称；第15到17节用第二人称；而chit两节就直接指名道姓，讲chit-ê 可恶ê人就是约雅敬。先知耶利米teh chit两节讲出上帝对约雅敬王ê宣判，伊讲当约雅敬往生ê时，bē有人为伊「哀悼」、「哀呼」。换句话讲，约雅敬王ê死，反tńg hō͘人民感觉松了做一困。

第19节，这是比较khah有争议ê一节，因为chia讲约雅敬王「会hō͘人拖行，被hiat到耶路撒冷城外，kah-ná埋葬一头驴á」，这kah事实有点á出入，因为约雅敬王是tī巴比伦ê军队攻入耶路撒冷城前就已经往生，看起来伊应该是埋葬tī耶路撒冷ê王宫墓园chiah-tio̍h。M̄-koh mā有人认为是尼布甲尼撒为tio̍h beh惩罚chit位背叛kah伊同盟ê约雅敬王，伊攻入耶路撒冷城后，就kā约雅敬ê尸体tùi坟墓中挖掘出来hiat-ka̍k城外。