耶利米书 20章1节 到 20章6节   背景资料  上一笔  下一笔
Chit章是先知耶利米ê独白;tī第十一章18到23节,第十五章10到21节,第十七章14到18节,第十八章18到23节等等经文mā lóng是伊独白,而且chiah-ê独白lóng kah伊向上帝控诉仇敌想beh谋害伊ê事件,á是kah伊teh哀叹家己ê境遇有关。M̄-koh第二十章7到18节chit段经文中,真清楚显露出先知耶利米心中ê挣扎,并讲述出伊心内ê苦闷、郁卒。

Chit段是耶路撒冷圣殿总监巴施户珥侮辱先知耶利米,以及先知耶利米对巴施户珥ê回应。

第1到2节,chia提起巴施户珥祭司负责监管圣殿一切祭祀礼仪ê规矩,当然mā包括审核言论是m̄是得体之工作。因为án-ne,当伊听tio̍h先知耶利米koh tī圣殿传达上帝ê话后非常受气,认为先知耶利米所传说ê言论会带来动荡不安,因为án-ne,就出手「欧打」伊,并kā伊「囚禁」tī耶路撒冷圣殿「北面ê便雅悯门」。伊敢「殴打」伊,真可能是根据申命记第廿五章2到3节ê规定,认为先知耶利米乃是假先知ê缘故。

第3节,巴施户珥只关了先知耶利米一个暗时,「第二工早起」就kā伊「放了」出来。M̄-koh先知耶利米随时回应了巴施户珥ê举动,就是重新hō͘伊一个名。原来「巴施户珥」ê意思是teh指「四面富饶」,m̄-koh先知耶利米讲chit-má chit-ê名会变成一种「四围恐怖」记号,hō͘巴施户珥无论gōa chē,看见伊ê人lóng会感受tio̍h不安、惊惶。

第4到6节,chit三节真清楚讲出犹大国teh beh面临巴比伦帝国ê侵犯,国家会面临空前ê浩劫,m̄-nā犹大国会hō͘毁灭,犹大人民若m̄是「被掠到巴比伦去」做奴隶,就是hō͘「处死」。这等于teh kā巴施户珥先知耶利米所讲ê话会应验,而chiah-ê惨酷ê情景伊会「亲目看见」,而且伊kah伊全家,以及过去听信巴施户珥ê人,mā lóng teh-beh被掠到巴比伦,伊mā会死tī hia,葬tī hia,原因是伊过去所讲ê lóng是白贼。

重新查询 专卷研经 耶利米书系列
错误回报,请联系comm[@]fhl.net