Tùi chit章开始一直到第二十章，除了第十七章有一个段落是关系安息日ê问题外，其余lóng是先知耶利米提起约雅敬王末代（主前603到597年）期间所传讲ê上帝信息。虽然先知耶利米尽心、尽力teh宣扬上帝ê信息，希望藉这ē-tàng hō͘犹大人民回心转意tńg来到上帝面前，m̄-koh显然地，犹大人民已经是心硬、固执到无法度认罪，hō͘先知耶利米所有ê努力显然lóng是白做，tùi chia mā thang看出伊心内ê痛苦kah难堪。

Tùi chit章到第十五章9节，chit段经文lóng是讨论有关旱灾带来ê灾害，chit段诗歌mā是一首哀歌，讲tio̍h因为上帝不落雨所带来ê性命苦难。只要是旱灾，就是全面性ê灾害，无论贫富贵贱，人人lóng仝款会面临性命ê苦难，甚至hō͘ cheng-seⁿ mā会连带受灾。先知耶利米写chit首诗歌，mā是希望以色列同胞ē-tàng知影悔改，好得tio̍h上帝ê赦免、怜悯。

Chit段诗歌描述旱灾带来严重ê性命困境。同时mā有先知耶利米teh替犹大人民向上帝祈求。Chit种代替祈求原本就是先知ê职责之一，m̄-koh上帝mā bat真清楚kā先知耶利米讲，上帝并无想beh beh听伊替以色列人民祈求ê声音（参考耶利米书七：16、十一：14、十四：11）。

第1到3节，上帝kā先知耶利米讲有关「旱灾ê事」，圣经mā提起旱灾，是因为上帝拒绝落雨ê缘故。亲像：以赛亚书第十三章10节、第廿四章23节、第三十四章4节；以西结书第三十二章7到8节；约珥书第二章10节、31节；阿摩司书第八章9节等等，chiah-ê lóng有一个共同ê特色，就是表明当上帝ê惩罚来临ê时，连天地lóng会为之色变。摩西就bat án-ne警告以色列人民，无落雨mā是上帝对以色列人民ê惩罚（参考申命记廿八：15—24）。

Chia真清楚描述，当严重干旱来临ê时，犹大国teh beh面临死亡ê威胁，即使「居民躺tī土脚哀伤」，「耶路撒冷哭号求助」，上帝mā并无会因为án-ne phah开天窗降落雨水。犹大人民四界去chhōe水，m̄-koh只有ē-tàng「带空水罐tńg来」，这表示根本chhōe bē-tio̍h水泉。Chit句「富人差奴仆去phah水」，表示干旱来临，就算是有钱ê财主mā仝款会面临死亡ê威胁。

第4到6节，「天不降雨，大地龟裂」，chit时「作穑人蒙tio̍h头失望」，连「野地ê母鹿」，代表有坚韧性命力ê动物，mā会因为为chhōe bē-tio̍h「草料」，无法度继续哺乳小鹿，只有ē-tàng先自求生存。原本thang攀爬siōng峭壁ê「野驴á」、「野狗」等动物，m̄-koh taⁿ mā因为严重干旱，致使强壮ê野驴á变成ná亲像teh要喘不过气来ê野狗仝款，而且因iau饿「视力衰退」，看bē清楚方向了。

第7到9节，这是先知耶利米teh替犹大人民向上帝祈求。伊讲虽然犹大人民离开上帝ê教导，去拜偶像神明，m̄-koh伊祈求上帝ē-tàng按照「诺言」，伸手帮助以色列人民。因为上帝chiah是犹大人求生存ê「惟一ê希望」，是犹大人民「遭难ê时ê救主」，伊祈求上帝m̄-thang kā犹大人民当做「生份人」，mā m̄-thang像「过路ê旅客」，天一下光「就行」。「lóng无戒备」á是「bē-tàng为力ê战士」是teh指上帝完全无采取拯救in ê行动。伊mā祈求上帝m̄-thang「弃绝」犹大人民。