耶利米书 12章1节 到 12章17节   背景资料  上一笔  下一笔
Chit章是一篇哀歌;背景可能是tī巴比伦王尼布甲尼撒带兵攻打侵入犹大,逼kah约雅敬王臣服ê时期。Tī chit首诗中咱thang清楚看tio̍h先知耶利米所发出ê哀声,伊teh形容hit种犹大亡国后ê凄惨状态。另外一方面,先知耶利米mā teh问上帝,为甚么án-ne m̄听苦劝ê子民,上帝iáu维护in,hō͘ in继续嚣张得意?

Chit章mā讲tio̍h上帝决定hō͘以色列人民受亡国ê苦难,m̄是无原因ê,乃是beh重新改造in,hō͘ in成做忠实ê子民。

第1节,chia先知耶利米讲每pái伊向上帝「申辩」伊ê「案情」,每pái lóng是上帝ê「对」,chit种心境ná亲像约伯teh陈述ê感受仝款,约伯认为上帝thang提出上千条ê理由,来证明人所犯ê错(参考约伯记九:3)。

第2节,先知耶利米讲只要是上帝「栽种」ê,一定会稳定落来,而且ē-tàng往下「扎根」、「长大,结实」(参考诗篇一:3)。M̄-koh先知耶利米指出chiah-ê以色列人民tī长大了后,就bē记得上帝ê恩典。「in嘴里常提起」上帝,m̄-koh「心内却无」上帝(参考五:2,以赛亚书廿九:13、四十八:1),表示in以虚假ê态度敬拜上帝。

第3节,先知耶利米清楚知影上帝是查验人心内,并m̄是看外表。伊强调上帝「认bat」伊,而且知影伊ê「行为」。伊祈求上帝kā「pháiⁿ人」giú行,就「像giú羊进屠宰场」仝款,一直到审判ê日子来临。

第4节,「土地iáu koh khah干旱jōa久」,chit句话kah「田园ê草会枯干到tang时」是仝款ê意思,lóng mā因为受tio̍h上帝惩罚而土地跟tòe受害,连「飞鸟行兽lóng行光」,这是因为犹大人民iáu认为上帝不在乎in所做ê恶事,因为án-ne继续活tī罪恶中。

第5到6节,chit两节是上帝回答先知耶利米头前第4节ê问题。

Chia用赛跑来做譬喻,ài先知耶利米m̄是beh靠人ê气力来支撑。虽然伊ê乡亲背叛伊,m̄-koh上帝thang成做伊óa靠ê气力。虽然伊ê「兄弟亲人lóng背叛」伊,联合起来攻击伊,m̄-koh mài惊,mā m̄-thang信任in,就算in无讲pháiⁿ话,尽讲「甜言蜜语」ê话,mā「bē-tàng信任」in。

第7到8节,上帝beh kā犹大人民弃sak,kā in「交hō͘敌人」,虽然in bat是上帝「所疼ê子民」,m̄-koh上帝已经「讨厌in」。

第9到13节,chit段经文teh描述上帝决定无koh看顾他ê选民以色列民族,大灾难就会临到in身上。Chia用「la̍h-hio̍h」teh攻击「鸟á」、「列国ê统治者摧毁了我ê葡萄园」,致使田园「一片凄凉」,以及「战祸蔓延大地」,虽然in栽种ê「是小麦,收ê是刺phè;in辛苦耕耘,却白做无功」等等chiah-ê词句,lóng是用来形容iáu大将会遇tio̍h ê重大灾难。第10节ê「葡萄园」通常是来譬喻以色列民族,tī chia是teh指犹大国,in是上帝所栽种ê葡萄园。Chit节mā thang参考以赛亚书第五章2节。上帝原本栽种ê是siōng好葡萄种籽,却结出酸涩ê果子仝款。

第14到17节,chit段经文是散文呈献,kah头前ê诗歌文体无仝款;chit段经文真可能是tī受掠充军后ê作品。

先知耶利米讲出上帝ê信息,结局有án-ne ê一工,上帝iáu是会伸手kā「犹大抢救出来」,hō͘ in thang「回归故土」。另外mā预言hiah-ê侵犯上帝子民ê国家,除非in mā承认耶和华是in ê上帝,才能kah上帝ê子民同齐享受上帝赏赐ê繁荣,若无,上帝会惩罚chiah-ê侵犯犹大kah以色列民族ê邻国身上。

重新查询 专卷研经 耶利米书系列
错误回报,请联系comm[@]fhl.net