以赛亚书 52章13节 到 52章15节   背景资料  上一笔  下一笔
Chit三节ē-sái讲是第五十三章ê前言,表示上帝ê奴仆虽然受尽屈辱,m̄-koh上帝却高举伊,hō͘这奴仆有至高ê荣誉。Chit三节kah第五十三章12节相呼应。

第13节,「我ê奴仆beh完成使命」,chit句话已经真清楚,上帝ê奴仆siōng重要ê工作,就是完成上帝所付托ê使命。Á这奴仆就是以色列人民(参考以赛亚书四十四:1),是上帝所拣选ê奴仆,上帝会喜爱、扶持(参考四十二:1)。原因是chit位奴仆忠实tī上帝ê付托,而且完成了使命。Chia mā讲出chit位奴仆确实是受苦ê奴仆,必定是受尽折磨,chiah会「容貌憔悴,差不多无人ê形像」。原因是这奴仆受tio̍h极大ê凌辱,hō͘ kā上帝原本创造ê时「人ê形像」lóng变形像ā。因为án-ne,当「真chē国家」、「君王」听tio̍h上帝拯救ê大能是透过他忠实奴仆显示出来,而chit位忠实奴仆却是hō͘众人,尤其是chiah-ê国家á是民族ê领导者所折磨ê对象,hō͘ in lóng感觉「惊异」而「哑口无言」。因为chit时chūn,in chiah知影这原来是上帝拯救ê奥秘kah计画。

重新查询 专卷研经 以赛亚书系列
错误回报,请联系comm[@]fhl.net