以赛亚书 44章21节 到 44章28节   背景资料  上一笔  下一笔
这是一段劝勉ê诗歌,呼吁以色列人民一定ài会记得上帝ê大恩,特别是ài会记得上帝是独一ê创造主,chiah是带领过in离开埃及,并且teh-beh带领in脱离巴比伦ê主。

第21到22节,chia提起「ài会记得chit件事」,是teh指:一是上帝拣选以色列民族当做他ê「奴仆」。二是上帝「造」了in。表示主人有责任保护「奴仆」而chia ê「造」一字,意指创造,mā有含另两种意义:一是「拣选」,二是「非常了解」。虽然奴仆犯引起主、忿怒ê罪行,m̄-koh主人慈悲,愿意赦免in ê罪过,ài奴仆「回头」认罪、忏悔。

第23节,chit节thang参考第四十二章10到13节,表示所有ê受造物,包括「诸天」、「地ê深处」、「森林群山」、「林中ê树木」等lóng tio̍h歌颂o-ló上帝。

第24节,chia用「救赎者」,表示上帝乃是「创造」ê神。圣经作者每pái谈起「创造」ê上帝,就会表示chit位上帝是「独一」ê神,无其它ê神能参与创造。因为án-ne,chit位创造ê上帝是「神圣」bē-tàng侵犯ê。

第25节,kah第24节记载上帝奇妙ê创造相对应,人想用家己ê知识、能力,á是求问巫师ê「占卜」预测未来,lóng是非常愚戆ê作法。Chia讲上帝beh hō͘ hiah-ê自认「聪明人ê话」,变成愚拙。使徒保罗mā引用chit种讲法(参考哥林多前书一:19—20)。

第26节,chia讲真实ê先知是上帝所差派,上帝一定会hō͘ chiah-ê奴仆、使者所讲ê「计画kah预言」ê事lóng「实现」。Chit节mā讲以色列人民kā回乡,kā早to̍h成做「废墟」ê「犹大ê城市」koh再「重建」,并且hō͘ in ē-tàng「koh再tī hia khiā起」。

第27节,chia讲上帝命令hō͘「海水干涸」成做「河流变成旱地」,这「海水」kah「河流」lóng是代表巴比伦。表示上帝beh摧毁巴比伦帝国,thang hō͘以色列人民thang平安tńg去故乡重建家园。Ná亲像过去带领以色列人民行过红海仝款。

第28节,「塞鲁士」,伊是波斯帝国ê皇帝(参考历代志下三十六:23)。Chia讲上帝要塞鲁士皇帝替他「牧养」羊群。并且mā tio̍h协助重建「耶路撒冷」城,重建ê工程后来就tī尼希米、以斯拉 ê时代完成(参考以斯拉记一:2—4、六:3—5)。

重新查询 专卷研经 以赛亚书系列
错误回报,请联系comm[@]fhl.net