以赛亚书 40章12节 到 40章20节   背景资料  上一笔  下一笔
Chit段诗歌ê经文有一个极大特色,就是采用强烈对譬喻式。诗人teh歌颂创造天地ê上帝,并且强调一个中心信息:只要是óa靠上帝,每一个人ê性命会坚强ná亲像展翅飞翔tī天空ê la̍h-hio̍h一般,bē疲乏,mā不困倦。M̄-koh同时,诗人mā透过chit段诗歌表明一个真理:tī chit世界上,无任何一个人、物件thang kah chit位造物主上帝相比。

第12到14节,chit段经文采用极大ê对比描述:「手心量海水」、「手掌测高天」、「量器量大地」、「天平秤山岭」等,hō͘听ê、读者容易明白。Á「测度」、「指教」、「引chhōa」等,chiah-ê lóng是属tī智慧层面ê用词。Án-ne,甚么人会比上帝koh khah有智慧而ē-tàng「教导」、「指引」他?人是上帝用土粉造ê,是受造ê万物之一,有限ê人怎样ē-tàng认bat无限ê创造主上帝?

第15到17节,chia有两pái用「看ah」Chit-ê词,可惜都无译出,tī中文《和合本》、《台语汉字版》等lóng只tī chia节ê开始有。M̄-koh tī天主教《思高圣经学会晓版本》,kah《吕振中》教授ê版本两pái lóng有译出来。主要teh表达人看做伟大ê世界,á是强大武力ê国家,tī上帝眼中却只不过像沙粒渺小。Ná亲像「黎巴嫩ê森林」ē-sái讲是旧约圣经时代siōng出名ê建材,m̄-koh即使kā它全部用来ài做做献祭ê材料mā无够用。意思是teh指人看做siōng伟大ê高山森林树木,mā无够上帝ê炉灶所需要ê。作者主要teh说明:人无论用甚么款ê宗教礼仪,mā lóng无法度讲述上帝ê伟大。换句话讲,上帝ê伟大,并无会因为人所举办ê任何形式之宗教礼仪而彰显出来,mā bē因为人简单ê礼仪,就hō͘上帝ê伟大消失、减弱。Tī上帝眼中,人世间无甚么所谓伟总是ē-tàng言。

第18节,chit节到第20节mā thang参考第四十一章7节、第四十四章9到20节。Chiah-ê经文ê背景lóng是teh讽刺当时流行tī巴勒斯坦ê宗教风气,就是kā人ê手所造ê神像,当做是上帝teh拜,甚至kā chiah-ê虚假ê神明the̍h来kah创造天地ê上帝相比并。Á koh khah荒谬ê是巴比伦帝国ê皇帝甚至自比为神明,ài伊所统治ê人民来拜伊。

第19到20节,chit两节thang参考耶利米书第十章3到5节。只要是人ê手所造ê物,无论是用jōa-ni̍h-á贵重ê材料铸造出来,lóng m̄是真正神。

重新查询 专卷研经 以赛亚书系列
错误回报,请联系comm[@]fhl.net