以赛亚书 38章1节 到 38章22节   背景资料  上一笔  下一笔
以赛亚书第三十八章记载两则资料,一是犹大希西家王破病后来得tio̍h上帝允准得tio̍h痊愈ê情形。另外一则资料,是讲希西家王康复了后,写一首诗歌歌颂上帝。有关希西家王患病kah得tio̍h痊愈ê记事,mā记载在列王纪下第二十章1到11节,以及历代志下第三十二章24到26节。Thang看tio̍h ê是历代志官方ê资料siōng简单,而且加上评语,而列王记下ê资料,kah以赛亚书ê siōng大差异,是用赛亚书收集了一首希西家王写ê诗歌。三本经册lóng强调上帝医希西家王ê时hō͘了伊一个兆头,证明上帝一定会医伊ê病。可惜三本经册都无写出患ê是甚么病症,只讲ná病hō͘希西家王面临死亡ê威胁,m̄-koh上帝怜悯,hō͘伊chē活了十五年。Á历代志下作者强调,希西家王bē记得家己ē-tàng复原,是因为上帝怜悯,反tńg骄傲起来,bē记得上帝。

第1节,chit句「约tī chit时chūn」,指ê大概是tī主前702年ê时刻,chit时,亚述ê西拿基立军队已经占领拉吉城。Á希西家王「害病,差不多死去」。Chit时chūn先知以赛亚听tio̍h上帝ê指示,去对国王希西家讲上帝beh伊传达ê话,ài希西家王kā「家务」处理好,来方便「准备后事」。

第2到3节,「希西家转面向(ǹg)墙壁」,表示伊心中艰苦心、无法度接受chit-ê事实,同时向上帝祈祷。伊表示家己「一心一意事奉」上帝,恳求上帝ē-tàng记念伊。了后「禁不住号啕痛哭起来」。

第4到5节,就tī希西家王祈祷了后,上帝koh一pái命令先知以赛亚tńg去kah希西家王讲话,内容kah顶pái完全无仝,伊表示上帝「已经听tio̍h」希西家王ê「祈祷」,mā「看见」伊流了「目屎」。圣经作者一再用「上帝听见」、「看见」Chit种连续用词,来表是上帝一定会采取落来一步ê行动(参考出埃及记二:24—25、7、9)。果然,)上帝讲beh hō͘希西家王「chē活十五年」。这是非常特别ê恩赐,表示性命是由上帝决定延长á是缩短(参考创世记六:3,路加福音十二:25)。

第6节,上帝除了beh hō͘希西家王加活15年外,iáu koh khah「tùi亚述皇帝手里拯救耶路撒冷」,这是极大ê恩典,mā回应了第三十七章35节,表明上帝án-ne决定,是为tio̍h beh维护他ê荣耀。

第21到22节,chit两节原本编辑khǹg tī第20节诗歌后壁。《现代中文译本》kā它改编khǹg tī续接第6节。Chit两节可能m̄是本来ê资料。Chia提起上帝ài先知以赛亚转告希西家王ê奴仆,治疗伊破病ê方式,就是beh王ê奴仆the̍h带「无花果膏」涂tī王ê疮口上,án-ne就会「痊愈」。Á希西家王问先知以赛亚,有甚么「预兆」thang来证明chit项恩典信息?

第7到8节,上帝会答应hō͘希西家王「一个预兆」,为tio̍h是beh坚定伊ê信心,thang hō͘伊知影上帝是一个「信守诺言」ê神。就án-ne先知以赛亚ài伊选择,看是「beh日影前进十步,á是倒退十步」?希西家王则回答讲:「日影前进十步容易,我beh它倒退十步!」果然,上帝hō͘「日影」tī「台阶上」倒退十步。表示上帝是万物ê创造主,一切受造物lóng听从上帝ê话。

    第9节,tùi chit节开始到第20节是希西家王tī病愈了后写ê感谢、o-ló诗歌。Chit首诗篇后来常用tī圣殿礼拜中,特别是当有人重病得医了后,就会到圣殿用chit首诗歌献上感恩之祭。

第10到11节,希西家王讲原本担忧tī「如日中天ê年华」,会因破病来死去。因为hit时伊chiah 39岁。而且耶路撒冷iáu受tio̍h亚述ê围困,国家正面临生死存亡时刻hō͘伊无法度安心。另外一方面mā会感觉遗憾「无法度koh再见上主」,看见上帝奇妙ê作为。

第12节,希西家王用两种譬喻说明伊ê性命teh-beh终止,ná亲像织布机断线,á是亲像一座被拆下ê帐棚性命。

第13到15节,为tio̍h án-ne,伊痛到无法度忍受,「kah-ná虱母咬断」骨头hit种痛苦。用粉鸟叫ê声音来描述家己已经虚弱无比,ē-sái讲是叫bē出声音来。Chit时伊清楚知影只有上帝chiah有办法帮助伊。伊认为家己会án-ne有重病缠身,是因为出tī上帝ê旨意。Á伊mā清楚,上帝用重病惩罚伊,是因为得罪了上帝。因为án-ne,用认罪ê语句表示「无法度讲甚么」。

第16节,chit节mā是一句下愿ê话。希西家王讲只有上帝ē-tàng医伊ê病,因为án-ne若ē-tàng康复起来,tī伊活teh ê日子里,lóng会为上帝而活。

第17节,chia ê「愁苦变成安宁」,表示希西家王ê重病已经得tio̍h痊愈。因为án-ne,伊讲上帝「赦免」了伊ê罪。这tú好说明早期东方社会认为破病á是灾难,lóng是kah罪有关系。

第18节,chit节thang参考诗篇第六章5节,另外诗篇第三十篇9节,诗人讲:「我死去有甚么好处?我进坟墓有甚么好处?死人kám ē-tàng颂赞你?In kám ē-tàng宣扬你ê信实?」而类似chit种诗歌一再Tī圣经中出现,像诗篇第八十八篇10到11节、第一一五篇17节。

会有chit种诗歌出现,是因为以色列人民有一个认知:tī「阴间」是痛苦ê,bē有歌颂上帝ê声音出现。因为「阴间」是犯罪ê人受惩罚ê所在,而且hit所在ê惩罚,是用永远bē熄灭ê火一直teh烧tio̍h。

第19节,「只有活teh ê人chiah o-ló」上帝,是因为性命中非常重要ê一件事,因为性命是tùi上帝来,只要有性命ê,lóng应该tio̍h歌颂上帝ê荣耀kah圣名(参考诗篇六十三:3)。

第20节,chit节真清楚讲上帝已经治愈了希西家王ê病,因为án-ne,伊tio̍h用「弹琴、唱歌o-ló」上帝ê恩典。Mā ài tī「有生之日」,tī「圣殿中o-ló」上帝


重新查询 专卷研经 以赛亚书系列
错误回报,请联系comm[@]fhl.net