以赛亚书 33章1节 到 33章24节   背景资料  上一笔  下一笔
Chit章延续tio̍h前一章所提起上帝ê审判,而会受严厉审判ê,就是óa靠战车、战马等军事武力而嚣张ê亚述帝国。Tī历史上非常有名ê一件事,就是主前701年西拿基立率军围攻耶路撒冷城,因为犹大希西家王óa靠上帝,因为án-ne,西拿基立王ê军队tī一夕之间hō͘上帝所差遣ê天使刣死,死亡ê军兵chē kah十八万五千人,逼kah伊赶紧撤兵tńg来尼尼微城(参考以赛亚书三十七:36—37),解除了耶路撒冷被围困ê危机。

第1节,「咱ê敌人有灾祸à」。这是第六pái讲tio̍h「受灾」,而对象则是teh指犹大ê敌人亚述帝国。

先知以赛亚tī chia指出,过去亚述怎样凌辱小国、欺诈弱小民族ê事,都无人敢对in怎样,m̄-koh chit-má上帝beh审判,他beh建立公平、公道ê新世界,绝对不允准有chit种恶质大国存在。因为án-ne,上帝伸手kā in ê角色调换,过去亚述真霸道,chit-má「in就beh被别人抢夺欺诈了」。

第2到6节,chit节开始到第9节,是一篇祈祷文。Teh请求上帝伸出他ê膀臂来救助。Chit篇祈祷文中,先知以赛亚教导犹大人民恳求上帝ê「怜悯」,并清楚表示kā希望寄托上帝手中,án-ne敌人来攻击ê时,上帝会出手庇护。有上帝当in ê主宰,耶路撒冷就会充满tio̍h「正义公平」、「国家安定」,大家lóng清楚知影,「敬畏上主就是in siōng大ê财产」。

第7到9节,chit节koh一pái提起hiah-ê去走chhōe埃及援助ê外交使节团,所tú-tio̍h ê困境,远比走chhōe上帝iáu koh khah困难。因为上帝就tī人ê身边,他是无所不在ê神,m̄-koh人却往往舍近求远,这是愚昧者ê作法。这mā说明犹大王国原本认为亚述帝国the̍h-tio̍h了勒索ê钱财就chiâⁿ实会撤军,m̄-koh实际上并不如此,in反tńg增加兵力围困耶路撒冷,因为án-ne,「人kah人hō͘ m̄信任」,mā因为战争频繁,致使「土地荒芜」,即使是siōng肥ê「沙仑ê山谷」mā会荒凉,因为上帝无降落甘霖。

「巴珊kah迦密山ê树叶lóng掉光」,「巴珊」原本所代表ê是súi ê草原,肥ê土地,因为án-ne,畜牧业非常发达。Á「迦密山」则有「花园」、「果园」之称,形容风光景色真美。M̄-koh chiah-ê taⁿ lóng改变à,kui个生态环境已经呈现死亡ê现象。这m̄是人ê能力造成,却是因为上帝惩罚所带来ê结果。

第10到13节,chia讲出上帝审判ê情形,就是用火来烧毁一切,连「石头」mā会hō͘烧毁成「火灰」一般,lóng无任何价值thang讲。Chit时chūn,「远方ê人」kah「近所在ê人」,lóng「ài beh看」、「tio̍h承认」上帝是「权能」ê神,他决定一切,并且照计画进行,m̄是用人ê知识、经验所ē-tàng认bat、测知。

第14到16节,当上帝审判来临ê时,些藐视上帝ê「锡安ê罪人」会胆战心惊地讲上帝ê审判像「永远bē熄灭ê火」。这火,mā ē-tàng指地狱、阴间ê火。只有「行为端正」、「言语诚实」,ê人就「ē-tàng生存」。

第17到19节,chit段讲tio̍h上帝拯救来临ê时,犹大人民就会看见性命ê ǹg望,因为有一位带「光辉」ê君王beh来统治,mā会看见上帝赏赐「广大ê国土」,无koh看见「外国ê抽税ê人」,mā bē「有傲慢ê外国人teh讲lín听m̄-bat ê话」, 表示国家是独立自主ê。

第20节,耶路撒冷城一直是以色列民族庆祝重要节期ê中心城市,mā是tī chia tio̍h成做救赎ê中心。因为庆典tī chia举行,所以来自世界各地ê朝圣客长途跋涉到chia。

第21到23节,就tī上帝管理、固守ê城市,就带有他ê光辉显示出来。因为án-ne,无任何外国武力ê船舰ē-tàng靠近,即使靠近了,mā hō͘不上武力。因为这是上帝ê城市,无论是甚么人来到chia,只有ē-tàng歌颂o-ló,m̄是掀起战火á是争端。Chiah-ê外来ê船只,所载运ê货品,m̄是用来战备ê路用,却是用来当做献上感谢之祭。

第24节,先知以赛亚讲出tī上帝管理ê城市,必定是一个非常理想ê所在,tī chia无koh有罪恶ê缠绊,mā bē痛苦。Ná亲像启示录第廿一章1到4节作者所讲ê新城仝款。

重新查询 专卷研经 以赛亚书系列
错误回报,请联系comm[@]fhl.net