以赛亚书 32章1节 到 32章20节   背景资料  上一笔  下一笔
Chit章kah第三十三章lóng是提起上帝会有公义ê审判。因为有公义ê审判,才能为社会带来新ê气象。Tī这两章中,先知以赛亚提出四个信息主题:一是第三十二章1到8节,会有一个公正ê领袖出现,伊会以公平治理国家。二是第三十二章9到20节,上帝ê审判kā临到,会惩罚悖逆ê人,m̄-koh了后必定会有新ê景象出现。三是第三十三章1到6节,上帝确实伸出救助ê手。四是7到24节,上帝确实是拯救者kah审判者。只有tī他ê身上,chiah有性命ê真实希望。

第1到4节,「有一工」,chit种用词mā是先知文献ê特色,表明一个重要ê信息:上帝ê审判会来临,他ê救恩ē-sái受难ê子民得tio̍h释放。先知以赛亚信息ê中心,是有一个「以正义掌权」、「公平治国」ê君王会出现(参考以赛亚书九:7、十一:4—5十六:5)。Tī先知以赛亚笔下ê上帝,ná亲像chit节所提起ê新君王一般(参考以赛亚书廿五:4)。一个「正义」、「公平」ê政府,会成做伊治理下ê人民ê「避风港、躲雨洞」,mā会ná亲像人民tī「沙漠中ê泉源」,kah tī「荒野里遮荫ê巨石」仝款,会hō͘其所治理下ê人民感觉安全、有óa靠ê对象。这就会看见全新ê现象出现,ná亲像第三十五章5节所讲ê「chheⁿ-mê-.ê ē-tàng看,臭耳聋ê ē-tàng听」。大家愿意听从上帝ê教导,因为án-ne,mā会看tio̍h上帝救赎ê恩典就tī目睭前。

第5节,chia真清楚讲出公义、公平ê社会,就是一个是非分明ê社会。「小人」指ê是kah吝啬有关。第6节ê「愚拙」有另外一个含意,是teh指tī道德上失去规律ê人。Chit两个用词lóng teh表示一个失去责任感ê人,kan-taⁿ知影贪图家己ê利益,甚至会不择手段争取家己ê需要,in tī充满正义ê社会中无法度生存。

第7到8节,chit两节是对偶句,前段讲出「奸巧」者。虽然chit种tī人看起来ná亲像真精明ê人,tī上帝眼中却是愚拙到极点。Chit种人真会用「诡诈」ê方式「剥削穷苦人」。Á「讲白贼」就是in讲话ê特色。相对tī奸巧ê人,就是所谓「高尚ê人」,chit种人会做「高尚ê事」,mā就是会乐意奉献,不时帮助贫困ê人。Chit所在ê「高尚ê事」,mā表示「善事」,指ê是帮助别人。

第9到14节,chit段经文是对耶路撒冷ê妇女提出呼吁,tio̍h in「注意听」先知传达出来上帝ê信息。Chia用几种现象来描述国家被敌人灭亡ê惨状,就是:无法度koh再有安逸ê生活;田园荒废hō͘生活物件欠缺;捶胸哀伤;国家田园lóng荒废了,chiah-ê mā teh表示厝里ê cha-po͘人若m̄是战死战场,就是hō͘掳伊去。

第15到20节,chit段经文kah第9到14节呈现完全颠倒ê现象。Chia讲tio̍h tī上帝严厉ê审判了后,会出现一个全新、美好ê境界,chit-ê境界影上帝ê灵灌ak、充满,绝对m̄是人为ê气力ē-tàng成就。有上帝ê灵充满tī他ê子民身上,就会改变头前因为上帝忿怒带来惩罚ê颓废景象,万物lóng kā焕然一新。

Chia讲「上帝差遣他ê灵」降临到人间,一切lóng kā是新ê创造仝款;荒芜ê田园kā重新变成翠绿茂盛ê景象,是一种新性命出现。Hit位teh beh来临ê君王tio̍h用「正义」、「公道」治理国家、带领人民。Án-ne,「人人行为正直」,mā因为án-ne,hiah-ê人会「永远安居乐业」,生活tī「无忧无虑」ê环境中。Tī这样环境中,连社会上siōng基层ê普罗大众,mā就是顾羊人lóng ē-tàng「无忧无虑」地tī田野过放牧生活,「牛」、「驴á」lóng ē-tàng安心tī大片「草场上食草」。

重新查询 专卷研经 以赛亚书系列
错误回报,请联系comm[@]fhl.net