以赛亚书 25章1节 到 25章13节   背景资料  上一笔  下一笔
Chit章siōng主要是用一首歌颂上帝救恩ê诗歌为主轴,然后讲述以色列人民心中对耶路撒冷ê期待。若是kā第廿四章14到16节a句对照第廿五章1到9节ê诗歌,就会koh khah清楚知影,chit群劫后余生ê子民为甚么会欢欣快乐ê歌颂上帝ê救恩。Tī所有先知ê文献中,siōng强调ê信仰态度,就是「忠信诚实」,chit点mā ē-sái讲是kui本圣经ê教导。就亲像上帝拣选亚伯拉罕,ài伊「主持公道、伸张正义」仝款(参考创世记十八:19)。这是成做上帝子民siōng基本而且应该有ê态度,mā只有tī chit种前提下,才能成做上帝所欢喜ê子民(参考诗篇廿四:3—5)。

第1节,第1到5节真清楚是一首teh歌颂上帝ê诗歌。诗歌ê开始就讲「上主ah,你是我ê上帝」,chit句话讲出以色列人民对上帝ê信仰告白,表明上帝就是性命ê主宰。注意chia ê「实现」一词,原本是teh指「信实」,表示上帝遵守原本kah人所立ê约,照约所讲ê「实现」所应允ê一切计画,上帝用他奇妙ê手救助in脱离苦难。

第2节,chit节thang参考以赛亚书第廿四章10节所提起ê城市混乱之情况。

诗人讲一个城市若是会失去上帝,chit种城市会ná亲像废墟一般,因为城里ê人民无法度tùi性命中发出ê声音,以及tùi生存中显示出力量。

第3节,chia ê「刚强」、「强国」等词,lóng是teh表示只有tī上帝ê庇护下,chiah有真正刚强,mā只有tī上帝ê看顾下,国家chiah有强壮thang讲。

第4到5节,上帝m̄-nā是赐福hō͘强大国家ê子民,mā是beh用chiah-ê国家kah子民来为他看顾「孤苦伶仃」kah「困苦」ê人民。换句话讲,上帝赐福一个人,á是一个国家,hō͘伊刚强、壮大,主要ê目的是ài in照顾弱小贫困者,却m̄是ài in去欺压别人。因为án-ne,若有人利用上帝ê恩赐去欺负别人,伊会受tio̍h上帝严厉ê惩罚。因为上帝是贫困人「躲避风暴」ê所在,ná亲像诗篇第四十六篇诗人所讲ê,上帝是困苦者ê「避难所kah力量」。同时,上帝mā会kā强猛、骄傲者ê「弓」at断,并且会phah碎in ê盾牌。诗人所讲ê「弓」表示力量、武器。

第6到8节,chia虽然讲丰富ê筵席是tī「锡安山」,m̄-koh却是为「天下万国预备」ê,并m̄是只有以色列民族独享。因为án-ne所谓「锡安山」,它所象徵ê意义赢过实际理所在,tùi án-ne「锡安山」thang讲是「上帝khiā起之地」。因为是上帝ê筵席,所以是欢喜、感恩ê喜宴,参加ê人lóng bē戴tio̍h「悲伤ê面罩」,头壳顶mā bē罩tiâu tio̍h「愁云」,hiah-ê人kah上帝ê关系已经和好,无koh有性命死亡ê威胁,因为tī上帝ê救恩中,永远无死亡。

第9节,chit节mā反映出第6到7节所提起ê,tī he欢喜ê筵席中,人人lóng kā o-ló上帝ê救恩。Tī这所有o-ló中,siōng重要ê就是koh一pái告白讲:上帝是性命ê救主。这是hiah-ê人经历过性命ê苦难,并且tùi死亡ê边缘行出来ê时,chiah醒悟过来,chiah明白真正救主,就是chit位赏赐性命、创造宇宙万物ê主,他chiah是koh真koh活ê神。

第10到13节,上帝beh「保护锡安山」,这是因为「锡安山」tī以色列人民ê心中所代表ê是上帝之山,上帝为tio̍h beh维护他本身ê荣耀,一定会伸手保护。相对ê,欺负以色列人民ê摩押人会遭遇上帝遗弃,ná亲像无用ê「麦楷」仝款hông弃sak。即使in「伸出手来,kah-ná tio̍h 泅水」,呼求上帝ê拯救,上帝mā bē救助,原因是in太骄傲。

重新查询 专卷研经 以赛亚书系列
错误回报,请联系comm[@]fhl.net