以赛亚书 19章1节 到 19章15节   背景资料  上一笔  下一笔
第十九到二十章,thang参考耶利米书第四十六章,以及以西结书第廿九到三十二章,内容lóng是有关埃及teh beh受tio̍h上帝惩罚ê事。无仝ê所在是先知耶利米kah以西结lóng是主前第六世纪ê先知,in所讲关系埃及ê信息,其实lóng是kah巴比伦帝国有关。

第十九章mā是延续第十八章提起ê「古实」,就是埃及ê第廿五代王朝,论到上帝会伸出他ê赦免kah怜悯悔改认罪归向上帝ê埃及人民。

Chit章thang分做两部分,一是tùi第1到15节,chit部分是用诗歌ê方式写做ê,提起上帝teh-beh重重惩罚埃及。二是tùi第16到25节,chit部分讲埃及人悔改,并承认而且接纳上帝是in ê主宰。因为án-ne,上帝mā改变过去对付埃及ê作法,接纳埃及人mā成做他ê子民。先知以赛亚已经讲出一个非常重要ê信息:m̄是只有以色列民族chiah是上帝ê子民,上帝mā m̄是只有拣选以色列人民为他唯一ê民族,却是任何民族、国家lóng有可能成做上帝所kah意ê子民,只要愿意悔改归向上帝,lóng有可能成做上帝所欢喜ê子民。

Tī chit段经文中,先知以赛亚描述埃及tī政治ê混乱,社会动荡不安,进有「内战」发生,出现「暴君」ê统治,增加人民ê痛苦。Á上帝ê惩罚是hō͘尼罗河严重缺水,致使埃及全国干旱难耐。当尼罗河发生干涸现象ê时,mā就是埃及大灾难来临ê时,chit时chūn,人就tio̍h清楚明白,无论甚么人当君王,都无用。因为上帝不降雨水hō͘农作物成长,光拥有财富mā是枉然。

第1节,chit节讲上帝来临是「驾tio̍h快速ê云朵」。圣经作者ài用「密云」、「云」、「云彩」等词,来描述上帝就tī云彩ê中间(参考出埃及记十九:16、18、三十四:5、四十:34—38,撒母耳记下廿二:12,诗篇十八:11、九十七:2)。Á当上帝来临进行审判ê时,「埃及ê偶像tī伊面前phi̍h-phi̍h-chhoah」,因为chiah-ê偶像,lóng是虚假ê。

第2到4节,chit节提起上帝惩罚ê方式,就是hō͘埃及国内发生分裂,包括「兄弟phah兄弟,厝边phah厝边,城kah城作战,王kah王争权」等,án-ne,埃及就会失去对外ê战斗力。Chia特别提起当灾难、纷争来临ê时,无论hiah-ê人向甚么人求就都无用,chia指出埃及人向「偶像」、「巫师」、「算命ê先生」,以及「鬼魂」等求助都无用,因为chiah-ê lóng m̄是真正神。Tī chit种动荡ê世代,只有「一个暴君、一个残酷ê王」,才能终止内乱,m̄-koh mā可能为国家带来koh khah chē ê残暴内战kah动荡。

第5到10节,当埃及人民作为óa靠而且kā它供奉为神ê尼罗河,上帝ê惩罚是hō͘伊河水低落,致使「水流干涸」,而且是严重到「因干涸而发出臭味」,就thang理解河里差不多是无水而见底了。Mā因为严重干旱带来ê影响,除了渔业、水产物,iáu有埃及siōng出名ê纺织工业,mā因为尼罗河无水无法度供应到成麻纱ê植物成长,致使「纺织工人」、「师傅」lóng tùi án-ne失业,工厂关闭,人民「纷纷破产」。

第11到15节,「琐安城」,这是设tī尼罗河三角洲东北区ê一个大城,以色列人民对这城一点mā不生份(参考民数记十三:22,诗篇七十八:12、43)。Chit-ê城tī古实王朝时代,bat是首都,非常繁荣。chit-má讲连「琐安城」里「siōng聪明ê人mā无甚么好主意」,因为灾难是tùi上帝来ê惩罚根本无法度化解。

「孟斐斯」,这是希腊文ê名称,原本希伯来文kā它称做「挪弗」(《和合本》用这名),是设tī尼罗河三角洲以南廿四公里所在ê一个重要城市,kúi-nā pái为埃及ê首都。

先知以赛亚tī chia讲这两城ê首领lóng「真笨」,因为in ê首领「糊涂」来致使kui个国家像「lim醉了酒ê人」仝款khiā bē稳,「滑跌tī家己吐出来ê秽物上」,chit时,国家将面临被侵入,人民不分贫贱富贵,lóng kā hông掠去做奴隶。

重新查询 专卷研经 以赛亚书系列
错误回报,请联系comm[@]fhl.net