Chit首诗歌是用两首诗歌合并而成ê，这两首诗歌lóng是歌颂、o-ló ê诗歌。第一首就是1到3节，第二首tī 4到6节。Kā chit一首续落去tī第十一章ǹg望ê诗歌了后，tī编辑上thang讲非常适当。如果讲第十一章是「新ê出埃及」，án-ne，第十二章就是以色列民族teh回应上帝拯救ê疼ê诗歌，ná亲像以色列人出埃及过红海了后，摩西所写记载tī出埃及记第十五章1到18节ê歌颂诗歌仝款。

第1节，chit节讲chit-má上帝「息了受气」，而且iáu发出「安慰」，因为知影他ê子民已经受尽被掠到外国去做奴隶ê苦难。Ná亲像早年in ê祖先tī埃及受奴役之苦难仝款。Chia ê「安慰」一词，有引chhōa、保护ê意思。

第2节，thang参考出埃及记第十五章2节；诗篇第一一八篇14节。

Tī chit节诗歌中，提起得tio̍h拯救ê以色列人民会表现出四种态度：一是全心信靠上帝；二是性命中无koh有惊惶；三是明明确知影性命ê泉源就tī上帝；四是确信赏赐能力ê是上帝。因为有chit种认bat，人chiah m̄敢骄傲，却是知影一切lóng是有上帝teh牵引、带领。

第3节，chit节thang对照以赛亚书第四十一章17到18节。

Chia用「清水」、「干渴」等词，讲出出埃及进入旷野漂流期间ê历史经历，上帝hō͘石磐涌出泉水，（hō͘以色列人民tī he无水而干渴ê日子，得tio̍h清凉ê泉水thang lim，m̄-nā是解除了性命ê危机，mā为性命带来一股活力。Ná亲像诗人所讲ê，上帝hō͘以色列人民lim ná「喜乐ê泉水」仝款（参考诗篇三十六：8—9）。用chit种方式teh表明kah上帝连结，性命就bē受tio̍h「干渴」ê威胁，却是会充满ná亲像饮用「清水」般ê欢喜。

第4节，chit节讲出就会领受上帝救恩ê人，应该有ê使命，就是知影怎样「向万国」、「向万民」传扬、宣告上帝奇妙ê恩典，而siōng好ê方法，就是kā上帝ê救恩直接向人叙述出来。

第5节，chit节继续tī第4节所讲ê，beh向万国、万民传扬ê，就是上帝「成就了大事」。Tī圣经中每pái提起「上帝ê大事」，lóng是teh指上帝进行拯救ê工作，特别是teh指带领以色列人民出埃及，过红海，以及hō͘石磐出泉水，kah tùi天顶降落吗哪等神迹奇事。

第6节，chit节指出所有体验tio̍h上帝同在ê人，lóng tio̍h「欢呼歌唱」上帝，讲述上帝奇妙救恩ê伟大。