以赛亚书 11章10节 到 11章16节   背景资料  上一笔  下一笔
Chit段经文真明显ê,是对未来景况ê预言,属tī上帝应允拯救ê预言。指出上帝beh亲自带领流亡tī各国ê以色列子民tńg去故乡,而且用当年上帝带领以色列人民行出埃及做譬喻,表示tī人看起来是无可能ê事,tī上帝手中却是易如反掌,这是上帝赏赐hō͘以色列人民极大ê恩典。

A.第10节,当上帝ê拯救日子来临ê时,「tùi耶西ê根tio̍h兴起一位新王」,chit句话thang有两种意义,一是teh指犹大家族ê kiáⁿ孙,另外一是teh指以敬畏上帝做中心思想,ná亲像当年耶西听从先知撒母耳ê话语仝款。Chit位teh beh来统治ê「新王」,无koh是用家己做中心,却是用上帝ê旨意为遵行ê方向,án-ne chiah会hō͘伊ê国家kah国民带来siōng koân ê荣誉。因为「列国」、「万民」lóng kā以chit-ê国家为模样kah学习ê对象,ná亲像看见有「旗帜」做记号,并且因为ē-tàng向伊学习而感觉光荣。

第11到12节,chit两节kah第六章12节是相对ê。原本tī上帝惩罚之下,致使以色列民族四散到世界各地。chit-má则上帝施恩典,beh hō͘这四散ê民族tùi各地tńg来koh一pái聚集。包括tùi「各海岛」,就是在地中海沿岸,以及海上ê诸岛,以及tùi「亚述」kah「埃及」、「巴特罗」、「古实」、「以拦」、「巴比伦」、「哈马」等地区ê子民,lóng kā hō͘上帝带领tńg来故乡。In lóng thang看见「上主beh升起旗帜」,知影上帝展开行动,拯救他「四面八方」ê子民「归回故土」。

第13到14节,雅各hiah-ê过去分裂ê 众kiáⁿ孙,彼此以后be7 koh有「嫉妒」、「仇恨」,却是会kah好联合起来对付来自西边ê「非利士人」,以及「东方人」。In mā会有够额ê气力抵挡「以东kah摩押」,连亚扪人lóng会来「顺服」。Chiah-ê lóng teh表明重建了后ê以色列民族,会恢复过去ê兴旺成做大国。

第15到16节,chia特别用上主要吹干「埃及ê海」kah「幼发拉底河」做譬喻,说明上帝早年怎样带领以色列人民离开埃及,行过红海。Taⁿ,上帝mā会亲像过去hit种大显神能,带领hiah-ê受掠tī外面国ê以色列人民,顺利重新「归回故土」,无任何障碍ē-tàng阻止上帝án-ne做。以色列人民会行tī「一条平坦大道」,无任何危险,因为是上帝亲自带领,ná亲像过去衪带领以色列人民离开埃及仝款。

重新查询 专卷研经 以赛亚书系列
错误回报,请联系comm[@]fhl.net